MAZMUR 104:30 - Susula Malalaok Hehelu Palak Ma Hehelu Beuk

³⁰ Tehu metema, O fes ani hahaek soona, sila nananakadada'dik; O fe so'da beuk neu daebafak-ka.

MAZMUR 104:30 Referans Kwoze

AYUB 33:4

Manetualain Duladalen-na, nakadada'dik au, de ana fe au maso'dak-ka.

YESKIAL 37:9

Boema Manetualain nafa'da au nae, “Hai hataholi daebafak fo, manasapu-manalalok-konei, kokolak moo anin-na. Mafa'da mae Au, Manetualain Fo Mademaina, nafa'da neun, fo ela ana mai neme bu'u-bu'uk lala'en-na mai, fo ana fuu ani hahaek leo aopaa manamatek sila-la dalek neu, fo daenga ala laso'da falik.”

NINITAK 21:5

Boema Ndia fo manamangatuuk nai kandela manek ndia lai na nae, “Besak ia Au tao a basa-basan lala'e na beuk so!” Boeo nafa'da au nae, “Sulak-ma ia, nana dede'a-kokolak ia la tete'e ka ma hapu nananamahelek.”

AYUB 26:13

Ani hahaen-na sasapu lalai, nalosa namaneu nanseli; Ana taonisa buta tasi manamalaik-ka,

TITUS 3:5

Ana soi tefa nala ita nana ta hu ka nde ita tatao-nono'i malole na fa, te hu ka nde Ana sue-lai ita. Ana soi-tefa na ita tunga Manetualain Dula Dale na koasa na, nalosa ita nanasafek ma nanabongi nasafalik soaneu mulai so'da matetu ka ma mana ketu basa ta ka.

MAZMUR 33:6

Manetualain fe paleta, boema lalai-a da'di; nakadada'dik le'do-a, bulak-ka ma nduuk-kala neme hala-kokolan mai.

YESAYA 65:17

Manetualain nafa'da nae, “Neukose Au tao lalai beuk, ma daebafa beuk. Manada'di makahuluk-kala, neukose nananafandele henik, de ta nafandelen so'on.

EFESUS 2:1

Makahulu na emi mate tunga samane ka, nana emi masala-masingo ma emi la'o lena Manetualain paleta nala.

YESAYA 66:22

Sama leo lalai beuk ma daebafa beuk-ka, neukose lakatatakak, nanahu Au koasang-nga, leondiak boe, emi tititi-nonosim, ma emi na'dem-ma nahele.

AYUB 12:10

Ndia nde, ito-ato basa mahahaek lala'en-na, so'dan-na; Ndia nde koasa, hataholi daebafak-ka ani hahaen-na.

YESKIAL 37:5

“Au Manetualain Fo Mademaina, fuu ani hahaek leo emi aoinam dale neu, fo ela emi maso'da falik.

YESKIAL 37:6

Au fe emi uak ma isik, boema Au potiketu emi nenik louk. Neukose Au fe emi ani hahaek, fo emi maso'da. Soona emi bubuluk, mae Au nde Manetualaim-ma.”