MAZMUR 104:24 - Susula Malalaok Hehelu Palak Ma Hehelu Beuk

²⁴ O ue-le'dim makadotok nanseli, Manetualain, O makadada'dik basa-basan nenik manatee-tenok; daebafak-ka henuk no basa hata, fo O makadada'dik-kana.

MAZMUR 104:24 Referans Kwoze

YEREMIA 10:12

Manetualain nakadada'dik daebafak-ka nenik koasan-na, Ana heheo-hihiluk daebafak-ka nenik manatee-tenon-na, ma nataba lalai-a nenik dudu'a-aafin-na.

MAZMUR 40:5

Maua-manalek ba'eneu hataholi fo, namahele neu Manetualain, fo ana ta tunga sene-do'ok neu lamatua daebafak-kala, do noke tutulu-fafalik neme hataholi manakaoa-ndaeaok-ka mai fa.

ROMA 11:33

Tete'e ka, Manetualain su'i-beten ba'u na seli! Tete'e ka, manatee teno na ma malela na ba'u na seli! See ka nde hapu palisak matalolole nakeketu nala? See ka nde bubuluk eno na tao leo beek fo naue-nale'di?

EFESUS 3:10

Manetualain dudu'a na nde bee na, fo ela besak ia, tunga hataholi kamahehele kala, de basa mana ho'u koasa manai lalai ma daebafa ka, ala bubuluk Manetualain manatee teno na, nai basa hata mata-matak lala'e na dalek.

MAZMUR 107:31

Nandaa, ala loke makasi neu Manetualain, nanahu susue-lalain, nanahu tatao-nono'in fo, hataholi daebafak-ka, dodoo doak-kana.

MAZMUR 24:1

Dauk kokoa-kikion-na. Manetualain nde nuun daebafak-ka no oe-isin, daebafak-ka no basa hata-hata manaleo manai dalek-kala.

MAZMUR 136:5

Ana nakadada'dik lalai nenik manatee-tenon-na; susue-lalain manaketu-basa tak, losa dodoon-na.

MAZMUR 8:3

de ni'iana manasu'uk-kala, ma ni'iana bongi beuk-kala lakameen. O paletam-ma, matea-mahelek, ma ta nanggengo fo tao makatema musu-a, ma hataholi mana lape'da dalek-ka, bafan-na.

NEHEMIA 9:6

Basa boema, laun Israel-la hule-haladoi lae, “O nde Manetualain, O nde Fo Ka'da Kisak; O makadada'dik nduuk ma lalai maloa lala'en-na, boeo tasi ma daebafak-ka no basa oe isin lala'en-na, boema O fe maso'dak ma O makaboboi, Basa koasa manai lalai lala'en-na, sene-do'ok neu O; ala lakatele neu O, ma sene-do'ok.

EFESUS 1:8

Ana tao leondiak, nanahu Ana sue-lai na ita ba'u na seli, ma Ana po'a ngganga fe ita susuek ndia, henuk no manatee tenok ma malelak.

KEJADIAN 1:31

Manetualain nita, Ana taon-na basa hata lala'en-na ndia boema, namahoko nanseli. Le'odaek-ka seli, boema fafaik-ka da'di. Fo ndia nde fai ka 6-na.

AYUB 5:9

Manetualain tao tatao-nono'i matuaina-la, de ita ta hapu dodoo-tala fan, Ana tao manada'di beuk-kala, ta hapu leke-na dede'un-na fa, ma ta basa fan.

1 TIMOTIUS 6:17

Ba'eneu hataholi kamasu'ik manai daebafak ia la, ela leo been-na, mafa'das fo ala boso koao ma boso lamahena neu hata-heto mana sapu-lalok sama leo su'i-bete sa. Sila muse lamahena neu ka'da Manetualain fo mana po'a-ngganga basa hata lala'ena fe ita, fo ta'a pake.

MAZMUR 65:11

O fe oelolok-kala faa, fo lakauuk, O fe oe faa leo daebubuak-kala, fo lakalulutuk. O fufu'a daen-na nenik u'dan, ma O fe bubu'u-palusan moli no malole.

MAZMUR 92:6

Ou Manetualain, O tatao-nono'im matuaina nanseli, O dudu'a-aafim deman-na seli!

MAZMUR 107:24

Ala lita Manetualain tatao-nono'in-nala, tatao-nono'in, fo dodoo doak-kana, nai tasi lai.

MAZMUR 148:7

Koa-kion leon, hai daebafak-ka oe-isin, hai buta tasi-la, ma tasi maloaina;