MAZMUR 103:5 - Susula Malalaok Hehelu Palak Ma Hehelu Beuk

⁵ Ndia nde, tao natetu o so'dam-ma, nenik hata fo malole nalosa o fai muli-solum-ma, da'di beuk sama leo manupui kaka'ka.

MAZMUR 103:5 Referans Kwoze

YESAYA 40:31

Tehu hataholi fo, namahena neu Manetualain-na, neukose ana hapu be'i-balakai beuk. Sila sama leo manupui kaka'ka fo ana laa dema-na seli, nenik li'da mabe'i-balakain-na. Ala lalaik, te ala ta sota-mangu fa, ala la'o, te ala ta sota-mangu fa.

MAZMUR 107:9

Nana, Ana fe hataholi manamaa ma'dak-ka, ninu losa nakabete, ma Ana fe hataholi kamala'ak-ka, nakabete nenik basa hata malole lala'ena.

1 TIMOTIUS 6:17

Ba'eneu hataholi kamasu'ik manai daebafak ia la, ela leo been-na, mafa'das fo ala boso koao ma boso lamahena neu hata-heto mana sapu-lalok sama leo su'i-bete sa. Sila muse lamahena neu ka'da Manetualain fo mana po'a-ngganga basa hata lala'ena fe ita, fo ta'a pake.

2 KORINTUS 4:16

Hu ndia de, ta ketu ami namahehena ma fa. Leomae tunga ao paa ka soona, boetai nakalulutuk, tehu tunga samane ka soona, ami nanatao nabebeuk tunga faik.

MAZMUR 63:5

Au oke makasi neu O, nai au fai maso'dang-nga dalek; au so'uk au limang-nga neu O, boema au hule-haladoi,

MAZMUR 104:28

O fe, de sila lakaduduluk-kana, O sadian, de sila la'a losa lakabete.

MAZMUR 23:5

O sadia feta ba'eneu au nai au musu-noong-nga matan, O sipok au da'di leo fui nanafe ha'da-holomata. O sadia fe au nininu mala'da hiik-ka sasi kao-kao.

MAZMUR 65:4

Au sala-singong, belan-na seli, ba'eneu au, tehu O fe do'o do ampon neun.

HOSEA 2:15

Neukose Au fe falik osi angon-nala, ma neukose Au tao Bafak Toto'a-tataak-ka da'di lelesu namahehenak. Nai naa, neukose ana sipok Au, sama leo nai lelek bei muli-solun-na, fo nai lelek besak-ka ana kalua neme Masir mai.

YOSUA 14:11

tehu au bei balakaik, sama leo nai lelek Musa nadenu au-a. Au balakaing-nga bei dai soaneu atee-atati, do tao su'di beek-ka.

AYUB 33:25

Neukose aon-na da'di balakaik, ma makadelek, napena sama leo hataholi muli-soluk-ka.