MAZMUR 101:5 - Susula Malalaok Hehelu Palak Ma Hehelu Beuk

⁵ Neukose, au tao amopo-amate hataholi fo, no denge-dengek, ana tao nanggenggeo hataholi na'den. Neukose au ta po'ilotak hataholi manakoao-ndaeaok-ka, ma hataholi fo, namatutua-namadedema aoinan-na.

MAZMUR 101:5 Referans Kwoze

MAZMUR 18:27

Ba'eneu hataholi malalao-malalafuk-ka, O matu'du O aoina malalao-malalafum-ma, tehu O musu moo hataholi mangalauk-ka.

MAZMUR 15:3

hataholi fo, ma ana ta dodoki-aali, nonoo hataholin-na na'den-na fa, ana ta tao mangalauk, soaneu tia-lain fa, ma ana ta kokolak nanggenggeo, uma titia-tatain-na na'den-nala fa;

AMSAL 30:13

Hapu hataholi nggelok, lame'da aoinan-na, malole nanseli – malolen-na seli!

MAZMUR 50:20

O makasasa'ek dede'ak nakandoo neu o tolanoom-ma, ma o kokolak dede'a ta malole neu o tolanoo bongim-ma.

TITUS 2:3

Leondiak boe, ela leo bee na o manoli-mafa'da ina lasi kala, fo ela ha'da-tatao nala nandaa no Manetualain hataholi nala, so'da na. Sila ta bole kokolak langgenggeo hataholi fe'ek na'den, ma ta bole da'di mana mafuk te sila muse lanoli tao-no'i dede'a malole,

1 KORINTUS 5:11

Au dudu'a nga nde ia ae, emi boso leo mapalasa mo hataholi fo ana manaku nae, ndia hataholi Salanik, tehu hataholi ndia manasosoa-piaok, do manatene petak, do mana songo-tangok, do ana hii ka'da tao nanggenggeo hataholi fe'ek na'den, do manamafuk, do nakodaa. Mangatuuk mi'a mo hataholi sila la boeo, bosok!

LUKAS 18:14

Yesus nae, “Mamahele leona, te nai lelek ala fali le'us leo uma leu te, Manetualain sipo ka nde manasusu bea ndia, te hataholi Farisi ndia fa. Nana basa hataholi fo namatutua-namadedema aoina na, neukose nananakaloloe-nakadadaek; ma basa hataholi fo nakaloe-nakadae aoina na, neukose nananamatutua-namadedemak.”

DANIAL 4:37

Da'di besak ia, au fo Nebukadnezar, koa-kio ma au tao amadedema Mane Nusa so'dak-ka. Basa tatao-nono'in lala'en-na ndoos ma matetuk, ma nakadadaek hataholi manakoao-ndaeaok-ka.

AMSAL 20:19

Hataholi fo, ana hii kokolak hataholi fe'ek-ka, ta nape'da dede'a nafufunik fa; boso leo-mapalasa mo hataholi bafa maloa.

YESKIAL 22:9

Nai o laum-ma dalek, hapu hataholi manatui dede'a pe'dak, fo lakasasa'ek dede'ak neu hataholi fe'ek, fo ela hataholi ndia nanahukunisak. Hapu nggelok boe, ala hii la'a paa fo, nanatunu-hotu basak neu sosongo-tatangok-kala so. Hapu nggelok seluk bai, ala hii tao tatao-nono'i manggenggeok.

YESAYA 2:11

Hataholi manakoao-ndaeaok-ka, neukose nananakadadaek, ma hataholi fo namatutua-namadedema aon-na, neukose ne'e nakatelen. Ka'da Manetualain mesak-kana, nde nananamatutua-namadedemak-ka.

AMSAL 25:23

Tao leo bee-o, ani kiis-sa neni u'dan, leondiak boe, kokolak namakukutuk-ka, nakadada'dik nasa-meluk.

AMSAL 10:18

Hataholi mananafuni nape'da dalek-ka nde been-na, manake'di-ndiuk. Hataholi manakokolak nanggenggeo hataholi na'den-na nde been-na, hataholi nggoak.

MAZMUR 138:6

O mamanam-ma, deman-na seli, tehu O taoafik neu hataholi, matasi'da-matasaek-ka boe; hataholi manakoao-ndaeaok-ka, ta hapu nafuni neme O mai fa.

SEMUEL SUSULAK-KA ESAN-NA 2:3

Hahae o tutui bafa loum-ma leona! Hahae o kokola manakoao-ndaeaom-ma leona! Nana Manetualain ndia, Manetualain fo manabubuluk basa hata lala'en-na; fo mananaketu-nala'di basa hataholi-a tatao-nono'in lala'en-na.

IMAMAT 19:16

Boso la'ok neu-mai, fo kokolak hataholi manai emi leoinam-ma dalek na'den-na, fo daenga emi boso meni mamates fe emi nonoo hataholim-ma. Au nde Manetualain.

KELUARAN 23:1

“Boso makalala'ok halak masapepeko-masandandalik, ma boso tulu-fali hataholi mangalauk fo manasakasii pepekok.

KELUARAN 20:16

Boso sakasii pepekok la'eneu hataholi fe'ek.

1 TIMOTIUS 3:11

Hataholi sila, saoina nala boeo, muse hataholi malole, boso hataholi mana tui dede'a pe'dak. Muse lakatatakak lalelak ao ina nala, ma ala tao tunga ka'da ndo na, nai basa dede'ak lala'ena dalek.

AMSAL 21:4

Hataholi mangalauk ndia, nasala-nasingo, hu kande namatutua-namadedema aoinan-na, ma koao-ndaeaon-na.