MAZMUR 100:3 - Susula Malalaok Hehelu Palak Ma Hehelu Beuk

³ Mafandele mae Amak ndia Manetualain. Ana nakadada'dik ita, de Ndia nuun ita; ita ia, Ndia anan, leoina fo nakaboboin.

MAZMUR 100:3 Referans Kwoze

MAZMUR 46:10

Ana tao nate'e natee-natatik-ka nai daebafak-ka lala'ena, Ana tao nakalulutuk kokouk-kala ma tee-dongi, Ana hotu heni babaa fana bobongok-kala.

MAZMUR 119:73

O nde makadada'dik, ma fe au lupa-aok, fe au malelak, fo au anoli O paletam-mala.

EFESUS 2:10

Manetualain nde nakadada'dik ita, ma tunga Kristus Yesus de, Ana tao nasafali ita, fo daenga ita tao-no'i dede'a malole fo Ana sadia basan soaneu ita so.

YOHANIS 17:3

Ndia nde maso'da matetu ka ma manaketu basa ta ka, fo ela hataholi la lalelak Ama ka nde Manetualain, fo mesa-mesa kana nde ndo sa, ma lalelak Yesus Kristus nde bee na, Ama ka nde nadenu nana.

1 YOHANIS 5:20

Ita bubuluk basa, Manetualain Ana na mai, de ana fe ita malelak fo daenga ita talelak Manetualain fo ndo sa. Fo ela ita taso'da to Manetualain fo ndo sa, ma taso'da to Anan fo Yesus Kristus. Ndia nde Manetualain fo ndo sa, ma Ndia nde so'da matetu ka mana ketu basa ta ka.

1 PETRUS 4:19

Hu ndia de, metema hapu hataholi ana doidoso nanahu Manetualain hihii-nanaun leondiak, soona ela leo bee na hataholi ndia naso'da tunga ndo na, ma ala fe basa so'da nala neu Mana Makadada'di kasa. Neukose Ana tao natetu hala hehelu na.

MAZMUR 149:2

Mamahoko leon, hai Israel, nanahu o Manamakadada'dim-ma; mamahoko-setelee leon, hai laun Sion-nala lemin, nanahu emi Manem-ma!

ULANGAN 4:39

Hu ndia de faik ia, mame'dak leona, fo boso mafandele henin: te ka'da Manetualain mesak-kana nde Manetualain fo nai lalai ma daebafak-ka; ta hapu lamatua daebafa fe'ek fa.

ULANGAN 4:35

Manetualain natu'du basa sila-la neu emi, fo ana da'di ta'du esa, nae ka'da Manetualain ndia mesak-kana, nde Manetualain-na, de ta hapu lamatua daebafa fe'ek fa.

1 PETRUS 2:25

Makahulu na, emi sama leo bi'ilopo mana mopo ka, tehu besak ia, Ana sanga emi de, no falik emi leo Manafoo ma Mana Makaboboi emi samane ma neu so.

MAZMUR 79:13

Boema ami, fo O anam-mala, O bi'ilopo fofoom-ma, neukose ami moke makasi neu O, ma koa-kio O losa dodoon-na.

2 KORINTUS 4:6

Manetualain fo nafa'da nae, “Ela leo bee na neme makahatuk dale mai, mangale'do ka tii,” Manetualain ndia nde nakatitiik mangale'dok ndia nai ita dalen dale, fo ela ita dudu'a-aafin da'di mangale'dok fo ita talelak matalolole Manetualain mandela-masa'an fo nandela-nasa'a neu Kristus mata-panan.

MAZMUR 78:52

Boema Ana hela-nole anan-nala, sama leo bi'ilopo bubuak-ka, ma Ana hela-noles tunga moo solokaek-ka.

YESKIAL 34:11

Manetualain Fo Mademaina nafa'da nae, “Neukose Au sanga Au bi'ilopong-ngala, fo Au akabobois,

YEREMIA 10:10

Tehu O, Manetualain, Manetualain fo matetuk-ka, Manetualain fo manafe so'dak-ka, Manek fo manaketu basa tak. Metema O mamanasa soona, daebafak-ka nanggengo, metema O nasam-ma lua soona leoina-la ta lakatatak fa. (

YESAYA 63:19

O tao ami nono'kabai, O beita koasa hai ami fa; nono'kabai, ami beita da'di hai, O anam fa.

YESAYA 63:11

Boema ala nafandele-la, tepo lelek makahulun-na, Musa, fo Manetualain atan-na, tepo lelen-na. Ala latane lae, “Manetualain fo, manahela-nole anan-nala mauli-malangan-nala, tunga tasi dale-a, nai bee? Manetualain fo, manafe koasan-na neus-sala, nai bee?

2RAJA-RAJA 19:19

Ou Manetualain, fo ami Manetualaim-ma soi-po'i ami neme hataholi Asyur sila-la mai, fo ela basa leoina manai daebafak-ka lala'en-na bubuluk, lae ka'da O mesa-mesam-ma nde Manetualain.”

ULANGAN 7:9

Mafandendelek mae ka'da emi Manetualaim-ma mesa-mesak-kana nde Manetualain-na, ma Ndia nde Manetualain fo manalilinekak. Manetualain tao natetu hehelu-balataan, ma natu'du nahele susue-lalain neu hataholi fo, manasue-lain neun-na, ma manatunga paletan-nala, losa bobongik lifun esa.

1 PETRUS 2:9

Tehu emi ia nde bee na, leoina nanahelek, fo la lalau-laoono mane ka mane ka imam mala, leoina malalao-malalafuk, ma Manetualain hataholi kamahehele susue-lalai nala. Manetualain hele emi, ma nalo emi kalua meme makahatu ka dalek mai, fo masok leo mangale'do mandela-masa'a na dalek meu, fo ela emi tao mamaloloa Manetualain tatao-nono'i matua ina nala.

PENGKHOTBAH 12:1

Mafandendelek manamakadada'dik o-a, beidai o bei muli-solum-ma, nai lelek teu-teuk fo henuk no doidosok-ka beita losa fa. Nai tepo-lelek ndia, neukose o mafa'da mae, “Au so'dang-nga ua-nalen ta.”

MAZMUR 95:3

Nana Manetualain nde bee-na, Manetualain fo matua-madema, Manek makadelek fo nai lamatua daebafak lala'ena lain.

MAZMUR 12:4

Tao mete'e hala-kokola manafufu'di-oo'dok sila, Manetualain, ko'oketu hataholi bafa maloa-la bafan-nala,

AYUB 10:3

Hapu nanalak hata, metema O tuni-ndeni leoiak, de O tu'u-tapa heni, O ue-le'dim buna-boan? Hapu nanalak hata, metema O sipok hataholi mangalauk-kala, hahapun, ma dale tutu'un-nala?

KELUARAN 6:7

Neukose, Au o emi leo nusak fo Au helu basan nenik soo neu Abraham, Isak ma Yakob; Au fe dae ndia neu emi, fo da'di emi pusaka mesam. Au nde Manetualain.”

ULANGAN 32:6

Emi balas Manetualain dale malolen-na leondiak hai hataholi nggoak ma dudu'a-aafi tak-kala lemin? Ade, Ndia ta nde emi Amam, fo Manamakadada'dik emi, fo manatao emi da'di leoina esa fa do?

ULANGAN 32:15

Manetualain anan-nala da'di kamasu'i-makabetek, tehu ala hii lena-la'ban paleta laao bebonu, ma lakabete nana'ak. Boema ala la'oela Manetualain fo Manamakadada'dik sila ma ala ta sipok Manasoi-manatefa palani tatibatu-na fa.

1 TAWARIKH 16:14

Amak ka nde been-na ita Manetualain na, nakeketu na nanapakek nai basa daebafak ka lala'en-na.

YESAYA 64:7

Ta hapu manahule-haladoi neu O, do noke O tutulu-fafalim fa, nana O mafuni o mata-panam neme ami mai, ma O po'ilotak ami sala-singom tao namate-namopo ami.