MAZMUR 10:3 - Susula Malalaok Hehelu Palak Ma Hehelu Beuk

³ Hataholi mangalauk-ka kokolak bafa louk, la'eneu hihii-nanau mangalaun-na, hataholi manatene petak-ka, soo-supa ma tipa Manetualain.

MAZMUR 10:3 Referans Kwoze

MAZMUR 94:4

Ala kokolak dede'a manggenggeok, ma ala koao-ndaeao lenik sila tatao-nono'i mangalaun-na.

LUKAS 12:19

Basa soona, au afa'da seluk au aoina nga ae, au aua-anale! Basa hata malole lala'ena o manuun so, de teuk lamalala boeo, neukose ta basa fas. Besak ia, hahae ao ma leona! Mu'a-minu ma mamahoko-setelee leona!’

YESAYA 37:23

Ade, o bubuluk see kande o dodoki-aalin, ma o makamumulu-makamamaek-kana ndia do ta? Au, fo Israel Manetualain-na, Manetualain fo malalao-malalafuk-ka.

AMSAL 28:4

See ta taoafik neu hoholo-lalanek fa soona, nok hataholi mangalauk-ka; see tunga hoholo-lalanek soona, ana la'ban hataholi mangalauk-ka.

MAZMUR 49:6

Au tabii-amata'u nai lelek au nai toto'a-tataak-ka dalek, ma nai lelek musu mangalauk-ka nakahapi-na au.

MAZMUR 35:21

Ala eki ma lafa'da au, lae sila lita basa au tatao-nono'ing so.

MAZMUR 5:6

O ta makatatakak mete hataholi manakoao-ndaeaok-ka fa, O ta mahiik hataholi manatao tatao-nono'i mangalauk-ka fa.

AYUB 31:24

Beita la'i esa fo, au asalai au deang-nga neu au hata-hetong,

ULANGAN 29:19

Metema, emi nggelok mamanene paleta mabelaina ndia soona, ana boso dodoo nai dalen dale, nae neukose ndia ua-nalen malole nahele, leomae napalani tunga ka'da dale hihii-nanau mesan-na. Neukose dede'ak ndia, ana tao namate-namopo emi basa-basam-mala, nau hataholi manatao mangalauk-kala do hataholi manatao malole-la boe.

KELUARAN 15:9

Musu nafa'da nae, ‘Neukose au usis, fo au ho'u-alas, au fe'a au tafainang-nga, de au ta'ti isas. Boema au loso-a hata-heto-nala, au baba'en, fo au u'a-paken losa au doa-henin.’

1 YOHANIS 2:15

Boso sue-lai daebafak ia no basa oe isin lala'ena. Nana metema emi sue-lai daebafa ka soona, emi ta sue-lai Ama ka so'on.

YAKOBIS 4:13

Tolano-tolanook fo lafa'da lae, “Faik ia, do balahaa te, neukose ami meu leo nai kota esa teuk esa dale na, nana ami sanga dangan fo sanga tali-doik,” nenene au nanoli-nafa'dang nde ia dei.

KOLOSE 3:5

Hu ndia de, tao makamate emi hihii-nanau daebafam fo ana tao nakalulutuk emi maso'da ma fo nde, sosoa-piao ka, dede'a ta kandaa kala fa, nasa sasao ana masuu ka, hihii-nanau mangalau ka, ma tene peta ka, nana tene peta ka sama no sosongo-tatango ka.

EFESUS 5:5

Taoafik matalolole hataholi mana sosoa-piao ka, do matetu-mandaa ta ka, do mana tene peta ka ha'da-tatao matak leo sila kala, sama no sosongo-tatango ka, hataholi ndia, ta hapu da'di lima eik hataholi kamahehelek fo Kristus ma Manetualain paleta fan.

1 KORINTUS 6:10

manamamana'ko kala, manatenepeta kala, manamafu kala, hataholi fo ana nau ka'da tao langgenggeo hataholi fe'ek na'de na, manadidina-nenene hataholi fe'e ka, basa hataholi leo sila kala, neukose ala ta da'di lima eik neme Manetualain hataholi kamahehele nala mai fa.

ROMA 1:32

Ala bubuluk basa, metema tunga Manetualain hoholo-lalanen soona, hataholi manatao tunga nana, muse hukunisan. Leomae leondia boe, ala tao lakandoo; lena-lenak bai, lakatutuluk hataholi la fo ala tao tatao-nono'i mangalauk.

ROMA 1:29

Basa tatao-nono'i mangalauk, ma sala-singok lala'ena, henu dale nala; dale nala henuk no tenepeta ka, kaboo-kabali ka, ma nakamu-nakadau ka; kanisa ka, natutu-nafepa ka, tipu-dai ka, ma nape'da dale ka. Ala hii ka'da kokolak hataholi,

LUKAS 12:15

Basa boema, Yesus nafa'da basa hataholi manai sila la nae, “Masanene'dak ma manea, fo boso nalosak emi tenepeta. Nana hataholi daebafa ka so'da na, ta tai-namahena neu ka'da su'i-bete nala fa, leomae hata-heto nala, ala sasi kao-kao.”

HABAKUK 2:9

O nanasoo-supak! No o tataom ndia de, o teidalem-mala lamasu'i nenik nanalak fo hapun tunga tatao-nono'i susue-lalai taak-ka, fo ela o umam-ma nee-nee lino-lino, ma o mala susa-soe deak.

YEREMIA 22:17

Tehu o, Yoyakim, fe'ek. K'da o sanga nanalak neu o aopam-ma. O tao misa hataholi fo ta nasala-nasingo fa, ma o tuni-ndeni laun-na nenik nasa meluk.

YESAYA 57:17

Sila sala-singo manatenepetan-na, nde taon-na Au amanasa, hu ndia de, Au hukus, ma Au la'oelas. Tehu, ala lalangabatu, de ala hele aon sila enon-na.

MAZMUR 52:1

Soaneu mauli-malanga nakameek. Dauk nakamee nanolin-na,

MAZMUR 49:18

Nana nai lelek ana mate, ana ta hapu neni hata esa boen, neukose ta latoin sama-sama no hata-heton leo bolok dale neu fa.

SEMUEL SUSULAK-KA ESAN-NA 23:21

Saul nataa nae, “Sa'di leo been-na, Manetualain fe emi baba'e-papalak, nanahu emi tao malole soaneu au!

ULANGAN 32:19

Manetualain nita dede'ak ndia boema, namanasa, de Ana ta sipok anan-nala fa.

IMAMAT 26:30

Neukose, Au tao akalulutuk emi mamana sosongo-tatangom-mala nai pupukuk-kala lain, ma Au tao akalulutuk emi mei tunu-hotum, fo mamanak tunu boomenik-ka, boema Au tapa emi popolam-ma leo emi sosongo-tatangom fo nakalulutuk basak sila-la lain neu. No maluak,

YAKOBIS 4:16

Tehu besak ia, emi koao-ndaeao, ma emi tui ka'da dede'a masapepekok. Tutui masapepeko leondia ka, sala ndia.

HAKIM-HAKIM 17:2

Faik esa boema, nafa'da inan nae, “Ina, lelek ina namopo doi fulak 1.100 boema, au amanene ina soo-supa hataholi nakok-ka. Ina doin-na nde ia! Au nde amanako-an nana.” Inan nataa nae, “Sa'di leo been-na, Manetualain ba'e-pala o, anang-ngo!”

1RAJA-RAJA 20:25

Basa soona, ela leo been-na Ama Manek hoka solda'du la de'u manasengi Ama Manek solda'dun-nala, sama-sama no ndala ma kaleta musu de'u makahulun-na boe. Neukose ita tee-tati leoina Israel ndia nai masadokek kala, soona oek ia, tao leo bee o ita sengi.” Mane Benhadad-a nakaheik, boema ana sipok malanga solda'du matuaina sila-la nanoli-nafa'dan.

PENGKHOTBAH 7:15

Au so'dang-nga sosoa-ndandaan ta, tehu nai au fai maso'dang ndia dalek, au itak-ka nde ia: Nasi'a hataholi malole-a mopo-mate, leomae hataholi ndia ana tunga agama no malole. Nasi'a hataholi manatao tatao-nono'i mangalauk-ka teun-na manalu, leomae ana tao sala-singok nakandoo.