MATEOS 9:33 - Susula Malalaok Hehelu Palak Ma Hehelu Beuk

³³ Boema Yesus usiheni nitu mangalauk ndia, de no hatematak ndia boe, hataholi hala tak ndia hapu kokolak nalelak leona. Hataholi makadotok sila la, ala dodoo doa kana, de lafa'da lae, “Ami beita mita manda'di matak leo ia ka, nai Israel fa!”

MATEOS 9:33 Referans Kwoze

LUKAS 11:14

Nai faik esa boema, Yesus usiheni dula dale mangalau ka neme hataholi hala tak esa mai. Dula dale mangalauk ndia kalua boema, hataholi ndia mulai kokolak. Boema hataholi makadotok dodoo doa kana,

YESAYA 35:6

Hataholi lu'uk-ka, neukose nakaboboku sama leo nusa, hataholi hala tak-ka, eeki-natadale no namahoko-seteleek. Nana oemata, ana faa nai moo solokaek-ka, lee faa nai moo maloa,

LUKAS 7:9

Yesus dodoo doa kana namanene dede'ak ndia. Ana lipa de nafa'da neu hataholi makadotok fo ala bei tunga nana nae, “Hataholi ia anseli. Te'e-te'e, nai hataholi Israe la tala'da boeo, Au beita atongo o namahehelek ba'u ia fa!”

YEREMIA 32:20

Makahulun eli O tao manada'dik beuk-kala ma dede'a matuaina-la nai Masir, ma losa besak ia boe, O bei tao mahelen, leomae nai hataholi Israel-la tala'da do nai leoina fe'ek-kala boe. Hu ndia de besak ia O nananita-nalelak nai basa mamanak lala'en-na.

MAZMUR 76:1

Soaneu mauli-malanga nakameek-ka. Nenik kecapi liin-na. Asaf Kokoa-kikion. Nakameek.

2RAJA-RAJA 5:8

Nabi Elisa namanene halak ndia boema, ana haitua hala heheluk-ka nde ia, neu mane Israel-la nae, tao le'e de, o dalem-ma, ta tesa-tama fa? Madenu hataholi ndia, ana mai leo au mai, fo ela ana bubuluk, nae hapu nabi esa, nai Israel ia!”

MARKUS 2:12

Boema hataholi ndia fo'a de ana ho'i-na ne'a na lai-lai de ana kalua la'oela mamanak ndia neme hataholi fo manita matan manda'dik ndia, mata na mai leona. Hataholi makadotok sila la dodoo doa kana, boema ala koa-kio Manetualain lae, “Ita beita tita manda'di leoia ka fa!”

MATEOS 8:10

Lelek fo Yesus namanene hata fo malanga solda'du matua ina ndia hala-kokola na boema Ana dodoo doa kana. Boema nafa'da basa hataholi mana tunga nana nae, “Hataholi ia anseli. Nanahu nai hataholi Israe la dalek, Au beita atongo o hataholi namahehelen ba'u ia fa!

MATEOS 9:32

Lelek hataholi ka duak sila la'o, boema hataholi la lo hataholi hala ta nitu sa'ek esa, leo Yesus neu.