MATEOS 8:26 - Susula Malalaok Hehelu Palak Ma Hehelu Beuk

²⁶ Yesus fo'a boema nafa'das nae, “Te tao le'e de emi bii? Emi kulang namahehelek neu Au!” Basa boema Yesus fo'a napadeik de, nasapala ani na ma dano a. Boema dano a oe na nakamate.

MATEOS 8:26 Referans Kwoze

MAZMUR 65:7

O taom-ma, letek-kala lapadeik latetu, nenik O be'i-balakaim, soaneu O matu'du O koasam fo makadelek-ka.

MAZMUR 89:9

Amak Manetualain Fo Manakoasa, see kande be'i-balakain sama leo O? O lilineka nai basa hata-hata lala'en-na dalek ou Manetualain

MATEOS 6:30

Na'u manai mo ka faik ia ana moli, tehu balahaa soona ala de'dehenin. Tehu Manetualain heheo-hihiluk na'u sila la, de lole nala seli. Muda hata neu emi bai! Hu ka nde emi namahehele ma, beita dai fa!

ROMA 4:20

Abraham namahele nahele ma dale na ta naba'e neu Manetualain hala hehelun ndia. Nakalenak namahehele na tao nan boetai balakaik de nalosa ana koa-kio Manetualain.

MATEOS 16:8

Yesus bubuluk hata fo ala kokolak ndia. Da'di nafa'das nae, “Te tao le'e de, emi matatane aok la'eneu emi ta mini loti fa? Emi namahele ma beita dai fa!

NINITAK 10:2

Nai lima na hapu susulaana nanalunuanak esa, nanabukak. Ei kona na ana hetan nai tasi dale, ma ei kii na ana hetan nai ma'dak lain.

HABAKUK 3:8

Ou Manetualain, ade, hu ka nde tasi-a de, O nasam-ma fo'a do? Ade, lee-la nde tao-la O mamanasa do? O sa'e ko'as-sa da'dileo ndala ma kaleta musu, nai lelek O fe O anam-mala sesengik.

NAHUM 1:4

Nasapala tasi-a, de Ana tao nama'dan Ana tao-na lee lalae'na da'di lee ma'dak. Lete Karmel-la, ma mook manai Basan-nala na'u-aiana ta moli fan ma na'u manai Libanon lala'en-na, male-tale.

YESAYA 63:12

Manetualain fo, manasama-sama no Musa, fo no lima mabe'i-balakain-na, de Ana fa'a ba'e oe-a nai sila matan, fo ela na'den-na nanakoa-nanakiok losa dodoon-na, nai bee?

MATEOS 8:27

Boema Yesus ana mana tunga nala dodoo doa kana. Ala bee kola lae, “Ade see hataholi ia, de nalosa ani na ma lii a boeo tunga paleta na!”

MATEOS 17:20

Boema Yesus nafa'das nae, “Hu ka nde emi namahehele ma beita dai fa. Mafandendelek! Metema emi namahehele ma leomae anak nanseli, tehu emi hapu mafa'da pupukuk ia mae, ‘Keko leo eli muu!’ soona tao leo bee o neukose ana keko. Ta hapu hata esa boen, fo emi ta hapu tao mala fan! [

LUKAS 4:35

Boema Yesus nasapala dula dale mangalauk ndia nae, “Denge-denge, fo kalua meme hataholi ia mai leona!” Boema dula dale mangalauk ndia bala hataholi ndia neu hataholi sila la basa-basas mata na, basa boema ana kalua neme hataholi ndia mai, tehu ana ta tao nahe'di fan.