MATEOS 7:15 - Susula Malalaok Hehelu Palak Ma Hehelu Beuk

¹⁵ “Masanene'dak neu nabi pepeko kala, te lasale mai soona sama leo bi'ilopo a, te see ko na dale nala sama leo busa fui makaa mangalau ka.

MATEOS 7:15 Referans Kwoze

1 YOHANIS 4:1

Tolano susue-lalai ngala lemin! Boso mamahele basa hataholi fo ala manaku lae, sila lanuu Manetualain Dula Dale na so, tehu so'ba su'dik, ade sila dula dalen ndia, tete'e ka Manetualain Dula Dalen ndia do ta. Nana besak ia, nabi pepekok makadotok lafeomeok lai basa mamanak lala'ena so.

MATEOS 24:11

Neukose nabi pepekok ba'u ka ala to'da mai fo ala ke'dindiu la hataholi ba'u.

KOLOSE 2:8

Ela leo bee na emi manea matalolole, fo daenga hataholi boso fufu'di-oodok nala emi, ninik hataholi daebafa ka malela sosoa-ndandaa ta nala, fo nini ka'da momopo-mamates. Manatee tenok sila la, ala ta mai leme Kristus mai fa, te leme ka'da hataholi daebafa ka hahapu na ma leme dula dalek fo mana koasa daebafa ka no lalai a mai.

NINITAK 19:20

Boema ala ho'u la bana ndia no nabi pepekok fo manatao mada'di beuk manai bana ndia mata na. (No manda'di beuk sila la, de bana ndia ke'dindiu na hataholi manamanuu bana ndia ta'du tana na, ma hataholi fo manasene-do'ok neu bana ndia lupa ao nana doki-dula na.) Boema ala tapa bana ndia ma nabi pepekok sila la no maso'dak leo tasi ha'ik fo manapila lo'a-lo'a ka dalek neu.

YUDAS 1:4

Nana, ita ta tame'da fa te, hapu hataholi kikisa kala, ala masok talipeo leo ita hataholi kamahehele kala nakabuan dale mai so. Hataholi sila la, hataholi mangalau kala. Ala tui puta-pai halak la'eneu ita Manetualain susue-lalain, fo ala hapu loak, tao latetu sila ha'da-tatao ta kandaa nala fa. Ma ala ta sipok Yesus Kristus, fo Mana Koasa kisak, ma ita Lamatua na fa. Hataholi sila, huhuku na nana nafa'da elak nai Susula Malalaok dale, neme makahulun eli mai so.

MIKHA 3:11

Manakoasa kota-la paleta soaneu ala hapu doi sosolok, imam-mala lanoli Manetualain hoholo-lalanen soaneu hapu ngga'di, ma nabi-la loke natutu'duk neme Manetualain mai fo hapu doik – boema sila basa-basas lae daenga Manetualain nok sila. Lafa'da lae, “Manetualain nai ita tala'da heon; neukose susa-soe ta tuni-ndeni la'e ita fa.”

2 PETRUS 3:17

Tehu ba'eneu emi fo, au tolanoo susue ngala lemin! Emi bubuluk basa dede'ak sila la so. Hu ndia de, manea matalolole, fo boso nalosak ala hela lini emi leo hataholi mangalauk sila dalek meu, fo emi tu'da meme emi mamana napadedei matea-mahele ma mai.

LUKAS 6:26

Soe neu emi, metema basa hataholi la koa-kio emi. Nana leondiak boe sila bei ba'ikai nala koa-kio nabi-nabi pepekok makahulun eli la.”

2 TIMOTIUS 3:13

tehu hataholi mangalau kala, lo hataholi mana ke'dindiu kala, ala boetai mangalauk lakandoo.

2 TIMOTIUS 4:3

Nana neukose losa fai na te, hataholi a ta nau namanene nanoli ndo sa so'on. Te neukose ala tunga ka'da sila hihii-nanau mesa nala, ma laloo lakabubua mesen makadotok fo lanoli sila, hata fo nandaa no sila di'idoo namanenene na.

FILIPI 3:2

I'akouk hataholi mana tao mangalau kala, fo hataholi sila la landaa lokes lae ‘busa’. Ala lakaseti hataholi la fo sunat asa.

EFESUS 4:14

Soona ita ta da'di ni'i ana manggonga-po'ak, hu ka nde hataholi mana po'de-pai kala, nanoli lupa-lupa nala so'on. Nana no sila puta-pain ndia de, hataholi ba'u ka latofa-latalak.

GALATIA 2:4

leomae hapu hataholi lakasetin fo ana tunga nakanenetek sila la. Hataholi sila la nde bee na, nde hataholi fo ala solodo'dok leo ita partei na dalek leu fo ala masok no nafufunik, da'dileo tolanoo ka. Ala masok no denge-dengek nana, ala sanga palisak matalolole ita so'dan fo nanase'i po'ik hu ka nde, ita da'di esa to Kristus Yesus. Ala nau lo falik ita leo ha'da-tatao makahulu ka neu, fo da'di ata,

LUKAS 12:15

Basa boema, Yesus nafa'da basa hataholi manai sila la nae, “Masanene'dak ma manea, fo boso nalosak emi tenepeta. Nana hataholi daebafa ka so'da na, ta tai-namahena neu ka'da su'i-bete nala fa, leomae hata-heto nala, ala sasi kao-kao.”

YESKIAL 22:27

Manapaletan-nala sama leo busa fuik-ka, ana sisii-lulu'i nana'an-na. Ala lanisa, ka'da soaneu sanga nanalak.

NINITAK 16:13

Boema au ita dula dale mangalauk telu, lupa na leo lo'donggelek-ka. Lo'donggelek sila la esa-esa kalua neme naga bafan dale, neme bana ndia bafan dale, ma neme nabi pepeko kala bafan dale mai.

EFESUS 5:6

Emi boso nanake'di-ndiuk, hu ka nde mana kokola bafa lou kala. Nana dede'ak ia la nde tao lafo'a Manetualain nasa melun, soaneu hataholi fo ta lamahele fan.

HATAHOLI 13:40

Hu ndia de emi muse manea matalolole, fo boso nalosak hata fo nabi la lafa'dak ia, ana tu'da la'e emi. Nabi la lafa'da lae leo ia,

YOHANIS 10:12

Tehu hataholi mana'a ngga'di a, manafoo ta ndia fa. Boema bi'i la lamatua na ta nde ndia boen. Hu ndia de, metema nita busa fui ka mai soona, neukose nalai la'oela bi'i la. Soona busa fui ndia, ana kaa nala bi'i la, ma ana tao na bi'i la tapasasala.

MATEOS 16:11

Tao le'e de emi beita malelak losa, Au ta kokolak o emi la'eneu loti ndia fa? I'akouk hataholi Farisi la ma hataholi Saduki la lalu tei na!”

MATEOS 16:6

Boema Yesus nafa'das nae, “I'akouk soaneu hataholi Farisi la ma hataholi Saduki la lalutei na.”

MATEOS 10:17

Manea leona, nana neukose ala ho'u la emi fo lo emi meu mataa mana maketu-mala'di kala. Neukose ala fepa-li'u emi nai uma mamaso kala dalek.

ZAKHARIA 13:4

Nai faik ndia, neukose basa nabi-la lame'da mamaek, soaneu lapadeik sama leo nabi. Neukose ala ta pake papake nabin-nala, fo ala ke'di-ndiu ma dalen-na lamatua neu ninitan-nala fa.

YESKIAL 22:25

Basa mauli-malangan-nala, sama leo singa kaa-na nana'an-na soona, nangao. Ala taolisa laun-na, ala loso-la hata-heton ma su'i-beten-nala, ma hu kande sila tatao-nono'in de, inak makadotok ala da'di inafalu.

YESKIAL 13:22

Hataholi malole fo, ala ta nau Au taos le'e esa boen-na, emi taom-ma, dalen-nala ba'ihana, nenik emi masapepeko-masandandalim-ma. Emi tao mamatua hataholi mangalauk-kala dalen-na, fo ela lasala-lasingo lahele, ma boso soi-tefas.

YESKIAL 13:16

hai nabi masapepekok-kala lemin! Emi malame'i mae Yerusalem nee-nee lino-lino, te se'kona ta leondiak fa!” Manetualain Fo Mademaina, nafa'da nae leondia.

YEREMIA 29:32

boema hu kande ana nadenu emi la'ban Au, de neukose Au hukun no ndia tititi-nonosin. Ta hapu hataholi esa neme sila tala'da, fo neukose elan nai emi tala'da, soaneu nita manada'dik-kala fo neukose Au tao-no'in neu basa Au anang-ngala. Au, Manetualain nde manakokolak-ka.”

YEREMIA 29:21

Manetualain Fo Manakoasa, fo Israel Manetualain-na ana kokolak la'eneu Kolaya ana manen Ahab ma la'eneu Maaseya ana manen Zedekia fo ala pake Manetualain na'den-na soaneu anduku-alosak-kana neu emi la'eneu dede'a-dede'ak fo ta tete'ek-ka fa. Manetualain nafa'da nae, neukose ana fes leo Nebukadnezar fo Manek Babel-la koasan dale neu, fo neukose ana tao nisas nai o matam-ma.

NINITAK 17:6

Boema au ita inak ndia mafuk hu ka nde Manetualain hataholi kamahehele nala daa na, hataholi fo nanataonisak nanahu ala lilineka neu Yesus. Lelek au ita inak ndia boema au bafang poo-poo.

HATAHOLI 13:6

Ala la'ok lafeo pulu ndia, losa Pafos. Ala losa naa boema, duas latongo lo hataholi Yahudi esa na'de Bar Yesus. Hataholi ndia mana suangi mangalauk. Nafa'da aon nae, ndia nabi boe.

1RAJA-RAJA 13:18

Boema nabi lasik fo maneme Betel mai ndia boeo nasapepeko neun nae, “Au boeo nabi sama leo o boe. No Manetualain paletan-na boe, de ata nusa so'dak esa nadenu basa au soaneu au mai ala o fo au fe o mu'a nai au umang.”

DANIAL 11:34

Nai lelek ala bei tao-tao loo kanisak ndia te, neukose Manetualain anan-nala, hapu tutulu-fafalik faa anak, tehu hataholi makadotok lakabubua loos ka'da soaneu sila paluun-na mesak-kana.

MATEOS 7:14

Mafandendelek te, lelesu fo menini hataholi a leo nusa so'da ka neu a, makabi'a anak ma toto'a-sosotan ba'u na seli. Hu ndia de, ka'da hataholi lumanak nde tunga enok ndia.”

NINITAK 20:10

Basa boema Nitu fo manake'dindiu nalas ndia, ala tapan leo tasi ha'ik ma belerang dale neu. Bana ndia no nabi pepekok sila la ala tapa lakahulu kasa leo mamanak ndia neu. Neukose ala tao lalas doidoso lele'do le'odaen losa dodoo na.