MATEOS 6:25 - Susula Malalaok Hehelu Palak Ma Hehelu Beuk

²⁵ Hu ndia de, mafandendelek; fo boso bii neu emi so'da ma. Boso dodoo ka'da, hata fo emi mi'a-minu, do hata fo emi pake-nggao nai faik ia dale na. Ade ita so'dan ia, beli na ta lena heni nana'a-nininu ka, do ita ao paa na ta lena heni papake-ngganggao ka fa do?

MATEOS 6:25 Referans Kwoze

FILIPI 4:6

Boso bii neu hata esa boen. Hule-haladoi nai basa dede'ak lala'ena dalek, ma manduku-malosak emi nonoke ma neu Manetualain. Hata fo emi paluun soona, mafa'dan tataas esa neu Manetualain, no moke makasi.

1 PETRUS 5:7

Fe la'i esak emi dale mana ba'i hana ma, leo Manetualain neu, nana Ndia nde nafaduli emi a.

ROMA 8:32

Hu ka nde ita paluu na de Ana fe ita, Ana susue na; na masa bole, Ana ta fe ita, basa hata lala'ena fa?

MAZMUR 55:22

Hala-kokolan mangana'uk ma nadoe dale tehu nai dalen dale, hapu nakamuu-nakadauk. Hala-kokolan mangana'uanak, tehu ana papau sama leo tafaina matane.

MATEOS 6:31

Hu ndia de boso bii, boema emi bee doo mae, ‘Ita ta'a beek,’ do ‘ita tinu beek’, do ‘ita pake-nggao beek bai’?

MARKUS 4:19

tehu dale nala laba'e la'eneu so'da nala, ma ala hii ka'da laso'da nai hahapu-dadai manadai lena ka dalek. Hihii-nanau manadai lenak soaneu dede'a mata-mata kala masok leo dale nala dalek neu. Hu ndia de, lakahapi la halak maneme Manetualain mai nai dale nala dalek, nalosak ta labuna-laboa fa.

MATEOS 10:19

Tehu meteme lo emi, fo ala palisak emi soona, boso bii la'eneu hata fo emi muse kokola kana. Nana hata fo emi muse kokola kana ndia, neukose nananafa'dak neu emi, la'e fai na.

1 KORINTUS 7:32

Au hii fo ela emi matapo'i meme toto'a-sosota ka mai. Hataholi saoina ta kala, neukose ala tao dudu'a-aafim neu ka'da dede'a Lamatua ka, nana ana hii tao namahoko Lamatua ka dale na.

MATEOS 6:34

Hu ndia de boso bii la'eneu fai bala ha. Nanahu fai kala esa-esak nok nininin. Faik ia susa na dai so, de boso boe tama selu kana bai.”

2 TIMOTIUS 2:4

Solda'du esa, nakalala'ok bela ba'un soona, neukose ana ta paluu ndia tatao-nono'in so'on, nana ana nau ndia tatao-nono'in, nandaa no ndia malanga na dale na.

LUKAS 8:14

Bini-ngges fo manatu'da lai makatema dila-nggau ka tala'da, nakasasama na nde hataholi fo namanene halak ndia, tehu dale nala laba'e la'eneu so'da nala, boema ala hii laso'da nai masoda manadai lena ka dalek, ma no namhokok nai daebafak ia. Basa sila la lakahapi lalas de nalosa ta labuna-laboa boa latuk fa.

MATEOS 13:22

Bini-ngges fo mana tu'da nai dila-nggauk tala'da, nakasasama na leo hataholi fo namanene halak sila la, tehu dale nala laba'e la'eneu so'da nala, ma ala hii ka'da laso'da lai hahapu-dadai mana dai lena ka dalek. Hu ndia de, halak maneme Manetualain mai a, nananakahapik nai dale nala dalek, de nalosa ta nabuna naboa fa.

LUKAS 12:11

Metema lo emi fo laketu-lala'di emi nai uma mamaso kala dalek do nai manapaleta ma manakoasa la matan soona, dale mala boso falahaa la'eneu tao leo beek fo emi muse masala'e emi aoina ma, do la'eneu hata fo emi muse kokola kana.

MARKUS 13:11

Ma metema ala ho'u la emi fo lo emi leo manamaketu-mala'di kala meu soona, boso bii la'eneu hata fo emi kokola kana. Metema fai na losa soaneu emi kokolak soona, kokolak ka'da hata fo nananafa'dak neu emi a. Nana dede'a-kokolak fo emi kokolak sila la, emi dede'a-kokolam ta sila fa. Dede'a-kokolak sila la leme Manetualain Dula Dale na mai.

YEREMIA 45:5

Tao le'e de o hii ka'da lole-napu neulauk? Boso tao leondiak Barukh! Basa hataholi daebafak-ka Au hukus nenik mamate-momopok, tehu la'eneu o soona, fafa'kama neukose o maso'da. O leo-la'ok lo bee mu boeo neukose o so'da-molek mahele. Au, Manetualain nde manakokolak-ka.”