MATEOS 5:7 - Susula Malalaok Hehelu Palak Ma Hehelu Beuk

⁷ Maua-manalek neu hataholi fo mana sue-lai hataholi fe'e ka; nanahu neukose Manetualain sue-lais boe!

MATEOS 5:7 Referans Kwoze

EFESUS 4:32

Dede'a nasafali na, ela leo bee na, emi dale ma malole, masue-malai ao, ma esa fe do'o do ampon neu esa, sama leo Manetualain boeo, Ana fe do'o do ampon neu emi, tunga Kristus.

2 SEMUEL 22:26

Manetualain, O lilineka neu hataholi manalilinekak-ka ma O malole neu hataholi malole-a.

MAZMUR 18:25

Boema Manetualain balas au tatao-nono'ing fo ndoos-sa, nana Ana bubuluk, au salang ta.

YAKOBIS 2:13

Nana neukose Manetualain ta natu'du susue-lalain neu hataholi fo, ta nalelak susue-lalai ka fa. Tehu susue-lalai ka, neulau na ba'u lena hoholo-lalane ka.

YAKOBIS 3:17

Tehu hataholi fo nanuu manatee tenok maneme lai na mai ndia, maka sososa na, hataholi ndia matetu-mandaak, fo basa soona, ana hii ka'da mole-dame, hala-kokolan mangana'uk, ma ana tunga paleta. Dale na henuk no susue-lalaik, fo susue-lalaik ndia, nabuna-naboa tatao-nono'i malole. Hataholi ndia ta mana metematak, ma ta manadea dalek fa.

KOLOSE 3:12

Tolanoo ka nde bee na. Manetualain hataholi kamahehelen Manetualain Ana sue-lai emi, boema Ana hele emi da'di Ndia nuu hehelein. Hu ndia de, emi muse matu'du susue-lalaik, emi dale ma muse malole, emi manuu dale nakaloloe-nakadae aok, dale mangana'uk, ma makatatakak doidosok.

LUKAS 6:35

Tunga ndo na ta leondiak fa! Nasafali na, emi muse sue-lai emi musu no ma, ma tao malole neus. Emi muse fe hataholi tona emi hatam, ma boso mamahena hapu fali kana. Metema leondiak soona, neukose emi ngga'di ma matua ina, ma neukose emi da'di Manetualain Fo Mademaina, ana nala. Nana Manetualain dale na malole neu hataholi fo ta noke nalelak makasi ma neu hata fo mangalau ka boe.

MIKHA 6:8

Ta! Manetualain nafa'da basa ita, hata malole so. Fo noken neme ita mai-a nde, fo ela ita tao tunga ndoos ma matetuk, tao-no'i susue-lalaik tataas esa, ma no dale taidaek, taso'da da'di esa to ita Manetualain.

AMSAL 19:17

Tulu-fali hataholi nuu-taa hata-taak-ka, sama leo fe Manetualain doi totonak; mahani te, Manetualain boeo, neukose Ana balas-sana.

IBRANI 6:10

Ita Manetualain ta nde Manetualain fo ta mana tao tunga ndo na fa. Ana ta nafandele heni hata fo emi tao-no'i ba'eneu na fa, ma susue-lalaik fo emi matu'du neun, nai lelek tulu-fali tolano-tolanook fo namahehelek esa, nai makahulu na ma besak ia.

DANIAL 4:27

Hu ndia de ela leo been-na Ama Manek tunga au nanoli-nafa'dang. Ama Manek boso boe tao sala-singok seluk bai, tehu tao-no'i hata fo malole ma ndoos ma matetuk, ma sue-lai hataholi nuu-taa hata-taak-ka. No enok ndia, neukose Ama Manek naua-nanale nahele.”

IBRANI 4:16

Hu ndia de mai leona, fo no tene henuk, ata teu tataa Manetualain, fo Ana paleta no dale malole ndia. Neukose Manetualain sue-lai ita, ma Ana ba'e-pala ita, fo ela ita hapu tutulu-fafalik nandaa neu fai na.

AMSAL 11:17

Hataholi dale malole-a, neni nanalak fe aoinan-na, hataholi nasa-melu mangalauk-a, nakatutu'dak aoinan-na.

1 PETRUS 2:10

Makahulu na Manetualain hataholi kamahehelen ta emi fa, tehu besak ia emi da'di Manetualain hataholi kamahehelen so. Makahulu na Manetualain ta sue-lai emi fa, tehu besak ia, Ana sue-lai emi so.

MARKUS 11:25

Ma metema emi hule haladoi, tehu emi dale ma ta malole no hataholi esa, soona fe do'o do ampon nakahuluk neu hataholi ndia, fo ela emi Amam manai nusa so'da ka boeo, Ana fe do'o do ampon neu emi sala-singo mala. [

AMSAL 14:21

See nakamumulu-nakamamaek hataholi soona, ana tao sala-singok; tehu see dalen-na malole no hataholi nuu-taa hata-taak-ka soona, neukose naua-nanale.

HOSEA 2:1

Hu ndia de, maloo o nonoo hataholim-ma, nenik na'dek “Manetualain Anan” ma “Manetualain sue-lais.”

MAZMUR 112:9

Ana baba'e hata-heton, fo ana fe hataholi nuu ta-hata tak-ka; ana tao hata malole tataas esa, hu ndia de, ana koasa ma nanafe ha'da-holomata.

MAZMUR 112:4

Mangale'dok-ka, nasalaa nai makahatuk dale, ba'eneu hataholi manatao tunga ndoon-na, ba'eneu hataholi fo ndoos ma matetuk, manasue ma manalai.

MAZMUR 37:26

Ana fe hataholi tona tataas esa, ma ana fe, de anan-nala da'di baba'e-papalak ba'eneun.

1 TIMOTIUS 1:13

leomae makahulu na, au tao anggenggeo na'de na, au fepa-li'un boema au akamumulu-akamamae kana. Tehu Manetualain sue-lai au, nana lelek ndia, au beita amahele fa de, au ta bubuluk hata fo au taok ndia fa.

1 KORINTUS 7:25

Besak ia la'eneu hataholi fo ala beita saoana fa. La'eneu dede'ak ndia soona, au ta sipo paleta hata-hata neme Lamatua ka mai fa. Tehu da'dileo hataholi fo hu ka nde Lamatua ka baba'e-babatin de nandaa nananamahelek, au nau fe au nanoli-nafa'dang neu emi.

1 TIMOTIUS 1:16

Tehu neme enok ndia mai de, Manetualain sue-lai au, fo ela basa hataholi la lita, Kristus Yesus ta haelai namanasa au fo, hataholi masala-masingok ia. Fo dede'ak ia, ana da'di natutu'duk esa, soaneu basa hataholi fo, neu fai makabuin besa ka lamahele neun na, ala hapu so'da matetu ka, ma mana ketu basa ta ka.

HOSEA 2:23

Neukose Au tao-a Au anang-ngala, laso'da no tetu-temak ma ala leo lahele leme sila nusan-na. Neu sila fo loken lae, ‘Fo Ta Nanasue-laik-ka fa’ neukose Au atu'du ae, Au sue-lais, ma ba'eneu sila, fo lokes lae ‘Au anang ta sila fa’ neukose Au afa'da ae, ‘Au anang emi’. Neukose, lataa lae leo ia, ‘O nde ami Manetualaim-ma.’ ”

HOSEA 1:6

Basa boema, au saoinang ndia, ana bongi ami ana ka dua-ma, ni'iana inaanak esa. Manetualain, nafa'da au nae, “Hosea, foi o anam ndia na'de ‘Fo Ta Nanasue-laik fa’, nanahu, neukose Au ta sue-lai leoina Israel-la so'on, ma neukose sila ta hapu do'o do ampon fa.

YESAYA 57:1

Hataholi malole ma manatao tatao-nono'i malaole-a maten soona, ta hapu manabubuluk, do manataoafik neu fan. Mate basa soona, sila lala soe-a deak, ma sila hahaeaon no mole-dame.

2 KORINTUS 4:1

Ami ho'u ue-le'dis ia nanahu Manetualain dale malole na. Hu ndia de ta ketu ami namahehena ma fa.

ROMA 11:30

Makahulu na emi ta tunga Manetualain fa. Tehu besak ia Manetualain nafa'da basa nae, hu ka nde hataholi Yahudi a ta nau tunga fa de, emi matapo'i neme sala-singo ka mai so.

2 SEMUEL 17:28

Leni fe Dauk no solda'dun-nala mango, ulek ma nene'ik, boeo leni gandum, betek, ha'desopuk, gandum nanadalak, fufue pilas, fufue pilas de'e matua, fanioe, keju, kapaoe isik, ma bi'ilopo de'ubee. Ala bubuluk lae Dauk no solda'dun-nala lamala'a, maama'da, ma ala sota-mangu, nanahu leleo-lala'ok manai moo solokaek-ka.

AMSAL 11:25

Hataholi fo ana hii fe ba'uk-ka, neukose anahapu dai-ma lena, hataholi fo ana hii tulu-fali, neukose ana hapu tutulu-fafalik boe.