MATEOS 5:4 - Susula Malalaok Hehelu Palak Ma Hehelu Beuk

⁴ Maua-manalek neu hataholi fo dale na he'di sa; nanahu neukose Manetualain kokoe-nanasis!

MATEOS 5:4 Referans Kwoze

NINITAK 21:4

Neukose Ana lose nama'da luoe neme mata nala mai. Neukose ta hapu mamates so'on. Dale he'dik, kii-makaleleuk, do he'di-laus boeo neukose ta hapu so'on. Dede'a palaa kala mopos so.”

YESAYA 57:18

Au ita basa sila ha'da-tataon so, tehu, neukose Au tao alea-ahais boe. Neukose Au hela-noles ma tulu-falis, ma kokoe-nanasi hataholi fo, dalen-na he'dis-sa.

LUKAS 6:21

Maua-manalek neu emi, fo mamala'a besak ia; neukose emi nakabetek! Maua-manalek neu emi, fo emi kii-makaleleu besak ia; neukose emi hika!

YAKOBIS 1:12

Maua-manalek ba'eneu hataholi fo nakatatakak na dale na, nai lelek fo ana la'oladi sosoba-susu'di ka. Nana metema, nala sosoba-susu'dik ndia deak soona, neukose ana sipo nggadi na, fo nde maso'dak fo Manetualain helu basan neu hataholi mana sue-lai nana.

YESAYA 25:8

Manetualain Fo Manakoasa, neukose tao namate-namopo mamates-sa, losa dodoon-na! Neukose Ana loseheni luuoe-a neme basa mata-panak lala'en-na mai, ma nadook nakamumulu-nakamamaek fo, anan manai daebafak-ka lala'en-na, lu'a-lepak-ka. Manetualain kokolak basa so, de tao leo bee-o, dede'ak ndia ana da'di.

YESAYA 66:10

Mamahoko-setelee sama-sama mo Yerusalem leona, hai basa hataholi fo, manasue-lain-nana. Emi fo manasusak-kala, nanahu ndia, besak ia, bole mamahoko-setelee.

YESKIAL 9:4

“Muu leo kota bu'un lalaena muu, fo tao ta'du neu hataholi manadale he'dik-kala, ma manasusak-kala dedein-nala, hu kande basa tatao-nono'ik nanamauluak-kala nanatao-no'ik nai kota ia dalek.”

YESAYA 35:10

Hataholi fo, Manetualain soi-po'ik-kala, neukose ala fali; ala masok kota Yerusalem-ma, nenik eeki-natadalek, mata-panan-nala lapena, nanahu namahoko-setelee manaketu-basa taak-ka. Neukose lamahoko-setelee, ma hika-latadale; toto'a-tataak ma hoo-nggu'uk, mopok-kana so.

YESAYA 30:19

Hai emi fo, manaleo manai Yerusalem-mala lemin, neukose emi ta kii makandoo fa. Manetualain madale susue-lalaik, de no lai-laik nataa emi, metema emi maloo bou-bou moke tutulu-fafalik neun.

LUKAS 16:25

Tehu Abraham nataa nae, ‘Mafandendelek ana ngonei: nai o fai maso'da ma dalek, o hapu basa hata fo malole lala'ena so, tehu Lasarus hapu basa hata ta malole lala'ena. Besak ia namahoko nai ia, ma o doidoso nai naa.

YESKIAL 7:16

Neukose, nggelok laladeak, fo lalai leo letelepak-kala leu. Nai ndia, neukose sila sama leo manupui kuu fo, nanausihenik neme bafak-kala mai; neukose basa-basas hoo-nggu'u, nanahu sala-singon-nala.

LUKAS 6:25

Soe neu emi, fo makabete besak ia; nana neukose emi mamala'a! Soe neu emi, fo hika besak ia; nana neukose emi dale he'di, ma emi kii-makaleleu!

YESAYA 12:1

Neukose fain-na losa, emi makamee mae: “Manetualain, au oke makasi neu O, nanahu O kokoe-nanasi au. Makahulun-na O mamanasa au, tehu besak ia, O nasam-ma tenak so.

LUKAS 7:50

Tehu Yesus nafa'da inak ndia nae, “Hu ka nde o mamahele Au, de o hapu so'dak. Mu'u ma leona no mole-dame!”

LUKAS 7:38

Napadeik neu Yesus dea na deka no ei na ma ana kii, boema nakadoe Yesus ei na ninik luu oe na. Basa boema ana lose nama'da Yesus ei na ninik langa doo na, ma ana de'in, boema ana po'a mina kaboomini ka neu.

ZAKHARIA 12:10

Basa boema, Dauk tititi-nonosin, boema neukose Au fe laun Yerusalem-mala, dalek fo nau sue-lai, ma nau hule-haladoi. Neukose ala mete ndia fo ala pau basan so, fo ala kii-makaleleun, sama leo hataholi kii-makaleleu ana kisan-na. Neukose ala kii-makaleleu no dale he'dik, sama leo hataholi fo namopo ana ulun-na.

YESAYA 66:2

Lalai-a ma daebafak-ka nde been-na, Au lima tataang, boema basa sila-la nananakadada'dik. Tehu Au dale namahokong-nga nde, hataholi dale taidaek-ka, fo manatukatei-saledale neme sala-singon-nala mai, fo manabii-namata'u, ma tunga neu Au.