MATEOS 28:6 - Susula Malalaok Hehelu Palak Ma Hehelu Beuk

⁶ Ta nai ia so'on. Naso'da falik sama na leo makahulu na nafa'da basan so. Mai mete mamanak fo, langapepe'u kana.

MATEOS 28:6 Referans Kwoze

MARKUS 16:6

Tehu hataholi muli-soluk ndia nafa'das nae, “Boso bii! Au bubuluk emi mai sanga Yesus hataholi Nazaret fo nanalona-nggange ka. Ta nai ia so'on. Naso'da falik so! Mete mitak mamana nangapepe'u na nde ia dei.

MATEOS 12:40

Yunus leo lele'dok telu le'odaek telu neme i'a matua ina tein dale. Leondiak boe, Ana Hataholi ka, neukose Ana leo lele'dok telu le'o daek telu nai dae dale.

MATEOS 16:21

Mulai neme hatematak ndia mai boe, Yesus kokolak no mangale'dok no ana mana tunga nala nae, Au muse u leo Yerusalem u, fo Au la'ola'di doidosok ba'u ka neme mauli-malanga nala ma malanga imam ala, boema mese agama la. Neukose ala taolisa Au, tehu neu fai katelu na soona, neukose Au aso'da falik.

LUKAS 24:23

tehu ta lita popola na nai lates dale fa. Boema ala fali ma'is de lafa'da ami lae, sila lita ata nusa so'da kala de latu'du ao nala ma lafa'da lae, Yesus naso'da falik so.

LUKAS 24:44

Basa ndia boema, Yesus nafa'das nae, “Dede'ak ia la nde Au afa'da basan neu emi, nai lelek Au bei sama-sama o emi a. Basa dede'ak fo nanasulak la'eneu Au nai Musa susula na, nai basa nabi la susula na, ma nai Mazmur susula na dale ka, muse ana da'di.”

MATEOS 27:63

de lafa'dan lae, “Tuan, ami bei mafandelek, lelek fo hataholi mana ke'dindiuk ndia bei naso'da, nafa'da hai nae, ‘Basa faik telu soona, neukose Au aso'da falik.’

YOHANIS 2:19

Boema Yesus nafa'das nae, “Tao matu'u Uma ia leona, fo Au afofo'a fali kana, ka'da nai faik telu dale na.”

MARKUS 8:31

Basa ndia boema, Yesus mulai nanoli ana mana tunga nala nae, Ana Hataholi ka muse doidoso nanseli, ma neukose lasi-lasi kala, malanga ima mala, ma malanga agama la ala la'ba nana. Neukose ala taolisan, tehu neu fai katelu na soona, neukose naso'da falik.

YOHANIS 10:17

Ama ka sue-lai Au, nana Au feheni Au maso'da nga, fo daenga Au hapu fali kana.

LUKAS 24:12

Tehu Petrus fo'a de nalai-nalai mesan leo lates neu. Ana losa boema nakatele de ana titino leo lates dalek neu, boema nita ka'da tema mamate sa nai ndia. Petrus dodoo doa kana, boema ana fali ne'un no natatanek ba'u ka nai dalen dale, la'eneu hata fo ana da'di so.

MATEOS 20:19

basa soona, ala fen leo hataholi ta Yahudi la neu. Neukose ala hakinonolin, ala fepa-li'un, ma ala lona-nggangen. Tehu neu fai ka telu na soona, naso'da falik.”

MATEOS 17:23

Neukose ala taolisan, tehu neu fai katelu na naso'da falik.” Boema ana mana tunga nala dale nala he'dis nanseli.

MATEOS 17:9

Lelek fo ala kona leme letek lain mai, boema Yesus pa'da kasa nae, “Boso mafa'da na'kasa emi mita manda'dik ndia, neu hataholi esa boen, metema Ana Hataholi ka, Ana beita naso'da falik neme mamate sa mai fa.”

HATAHOLI 2:24

Tehu Manetualain tao naso'da fali kana neme hataholi mana mate kala tala'da mai. Memak Ana mate te'e-te'e, tehu Manetualain se'i po'in, nana mamate sa ta hapu koasa fan.