MATEOS 28:5 - Susula Malalaok Hehelu Palak Ma Hehelu Beuk

⁵ Ata nusa so'dak ndia nafa'da inak sila la nae, “Boso bii! Au bubuluk emi sanga Yesus fo nanalona-nggange basak ndia.

MATEOS 28:5 Referans Kwoze

IBRANI 1:14

Metema leondiak soona, tunga ndo na, ata nusa so'dak sila la beek sila? Sila nde bee na dula dalek fo lalalau-laoono Manetualain, ma fo Manetualain nadenus, soaneu tulu-fali hataholi fo neukose sipo so'da-mole ka.

YESAYA 41:10

Boso bii, nana Au sama-sama o o, boso bii, nana o Manetualaim-ma nde Au. Neukose, Au tao atea-ahele o, ma Au tulu-fali o, Au hela-nole o, nenik Au lima ua-nale maloleng-nga.

LUKAS 24:5

Boema ala bii lanseli de ala sene-do'o kasa. Ndia te hataholi kaduak sila la bei kokolak los lae, “Taole'e de emi sanga maso'da ka nai hataholi manamate kala tala'da?

LUKAS 1:30

Boema ata nusa so'dak ndia nafa'dan nae, “Boso bii Maria, nana o mandaa mo Manetualain dale na.

MARKUS 16:6

Tehu hataholi muli-soluk ndia nafa'das nae, “Boso bii! Au bubuluk emi mai sanga Yesus hataholi Nazaret fo nanalona-nggange ka. Ta nai ia so'on. Naso'da falik so! Mete mitak mamana nangapepe'u na nde ia dei.

MATEOS 28:10

Yesus nafa'das nae, “Boso bii, meu mafa'da Au tolanoo ngala fo leu leo Galilea leu. Neukose lita Au nai na.”

MATEOS 14:27

Tehu Yesus nataa tutik nae, “Boso bii! Te Au ia Yesus. Dale mala tesa-tama leona!”

DANIAL 10:19

Nafa'da nae, “Manetualain sue-lai o, hu ndia de, dalem-ma boso susa do bii mamata'u, ayo, da'di balakaik leona!” Lelek nafa'da dede'ak ndia boema, au ame'da au mabe'i-balakaik seluk so, de au afa'da ae, “Kokolak leona Tuan. Tuan popo-tama au be'i-balakaing so.”

DANIAL 10:12

Boema nafa'da au nae, “Danial, boso bii. Manetualain namanene o huhule-haladoim neme faik makasososan fo o ho'i nakeketuk soaneu o makaloe-makadae o aom-ma, fo ela o da'di manatee-tenok. Au mai da'dileo natataak neu o huhule-haladoim.

YESAYA 41:14

Manetualain nafa'da nae, “Israel, boso bii, leomae o anak-ka, ma tapandoes. Au nde Manetualain, fo manatulu-fali o, Fo Israel Manetualain Malalao-malalafun nanseli-a, nde been-na, o manasoi-manatefam.

YESAYA 35:4

Mafa'da hataholi fo, dale ba'ihanak-ka mae, “Matetea-mahehele o dalem-ma, ma boso bii, te O Manetualaim-ma mai soaneu huku musu-la, Ana mai soi-tefa-nala emi.”

MATEOS 28:4

Solda'du manai sila la ala bii lanseli, losa ala dele bee too de nono'ka bai hataholi mates ala.

HATAHOLI 2:24

Tehu Manetualain tao naso'da fali kana neme hataholi mana mate kala tala'da mai. Memak Ana mate te'e-te'e, tehu Manetualain se'i po'in, nana mamate sa ta hapu koasa fan.