MATEOS 28:18 - Susula Malalaok Hehelu Palak Ma Hehelu Beuk

¹⁸ Boema Yesus neu nangatuuk deka nos de nafa'das nae, “Basa koasa manai nusa so'da ka ma manai daebafa ka nanafe basak neu Au so.

MATEOS 28:18 Referans Kwoze

YOHANIS 3:35

Ama ka sue-lai Ana na, de Ana fen basa koasa lala'ena.

1 PETRUS 3:22

Ana kae falik leo nusa so'da ka neu so. Besak ia, Ana koasa sama-sama no Manetualain, ma Ana paleta basa ata nusa so'da kala, basa mana koasa lala'ena, boema basa be'i balakaik lala'ena.

MATEOS 11:27

Boema Yesus kokolak seluk nae, “Basa hata lala'ena, Ama fe basan neu Au so. Ta hapu hataholi esa boen hapu nalelak Ana ka, ta'da fe'e Ama ka. Ma ta hapu hataholi esa boen, hapu nalelak Ama ka, ta'da fe'e Ana ka, ma hataholi-hataholi fo lalelak Ama ka tunga Ana ka.

IBRANI 2:8

boema O makadadada'di kana da'di mana koasa neu basa hata lala'ena.” Naa, metema nananafa'dak nae Manetualain nakadada'dik hataholi daebafa ka, “da'di mana koasa neu basa hata lala'ena soona”, ndia sosoa na nae ta hapu hata esa boen ta nai hataholi daebafa ka koasan dae fa. Leomae leondiak boe, besak ia ita ta tita hataholi daebafa ka koasa basa hata lala'ena fa.

1 KORINTUS 15:27

Nai Susula Malalaok dale, nanasulak nae leo ia, “Manetualain tao na basa hata lala'ena lakatele leun so”. Dede'ak fo nae “basa hata lala'ena”, ndia sosoa-ndandaan nde, ta leke Manetualain fo manatao na basa hata lala'ena ndia, lakatele neu Kristus.

YOHANIS 17:2

Ama ka fen koasa fo Ana koasa basa hataholi daebafa ka lala'ena, fo ela Ana ka fe maso'da matetu ka ma manaketu basa ta ka neu basa hataholi fo Ama ka fen neu Au a.

YOHANIS 13:3

Yesus bubuluk basa, Ama ka fe basan koasa lala'ena so. Boeo Ana bubuluk basa, Ana mai neme Manetualain mai, ma neukose Ana fali seluk leo Manetualain neu.

IBRANI 1:2

Tehu nai le'do fai mate'ek ia, Ana kokolak no ita tunga Ana na. Tunga Anan ia nde, Manetualain nakadada'dik lalai ma daebafa ka no basa oe isin lala'ena. Ma Manetualain naketu basa, nae Anan ndia boeo nde nanuu hak nanuu basa hata lala'ena.

KOLOSE 2:10

Ma hu ka nde emi da'di esa mo Kristus de, emi hapu so'da matetu ka. Nanahu Kristus nde bee na, malangan neu basa dula dale mana koasa ma mana paletak lala'e na.

LUKAS 10:22

Basa hata lala'ena, Ama fe basan neu Au so. Ta hapu hataholi esa boen nalelak Ana ka, ka'da Ama ka mesa kana. Ta hapu hataholi esa boen nalelak Ama ka, ka'da Ana ka mesa kana, ma neu hataholi see fo Ana ka fe Ama ka nalela kana.”

NINITAK 19:16

Nai ba'du manalu na, ma nai puu na nanasulak na'de ka nde ia, “Manek nai basa manek lala'ena.”

ROMA 14:9

Kristus mate de naso'da falik so. Hu ndia de Ana da'di Lamatuak soaneu hataholi maso'da kala ma soaneu hataholi manamate basa kala boe.

NINITAK 17:14

Neukose latati lo Bi'ilopo Ana ndia. Tehu Bi'ilopo Ana ma ana manatunga manalilinekan fo nanatao nananalo basak ma nanahelek sila la, neukose ala sengi manek sila la. Nana Ndia nde Lamatuak neu basa tuan lala'ena, ma Manek neu basa manek lala'ena.”

NINITAK 11:15

Boema ata nusa so'da kahitu puu pupuu na, boema nai nusa so'da ka hala kala nananamanenek bela na seli nafa'da nae, “Koasa soaneu paleta daebafa ka besak ia nai ita Manetualain ma Mane Mana Fe So'dak fo nanahelu ka, liman dale. Neukose Ana paleta losa dodoo na!”

MATEOS 26:64

Boema Yesus nataa nae, “O nde mafa'da mae leondia. Tehu mamahele leona: te mulai hatematak ia, neukose emi mita Ana Hataholi ka nangatuuk nai Manetualain fo Mana Koasa boboa kona na, boema Ana mai nai ko'as lain nai lalai!”

MAZMUR 89:27

Neukose nafa'da Au nae, ‘Au Amang nde O, au Manetualaing-nga, au manamasulu-mahapang, ma au manasoi-manatefang.’

HATAHOLI 2:36

Hu ndia de basa hataholi Israe la muse ala bubuluk te'e-te'e, te Yesus fo emi lona nggangek ndia, Manetualain taon da'di Lamatuak, ma Mane Mana Fe So'dak!”

HATAHOLI 10:36

Tolanoo kala bubuluk basa, halak fo Manetualain nanduku-nalosa kana neu leoina Israe la, isi na so. Halak ndia nde Hala Malole la'eneu mole-dame tunga Yesus Kristus, fo nde Lamatuak soaneu hataholi lala'ena.

MAZMUR 89:19

Nana ami manamasulu-mahapam nde bee-na, nde hataholi fo O helek-ka, ou Manetualain; ami manem-ma nde bee-na, Israel Manetualain fo Malalao-malalafuk-ka, nuun.

MATEOS 16:28

Bubuluk leona! Te nai emi manai ia la dalek, hapu nggelok ta mate fa, metema ana beita nita Ana Hataholi ka fali ma'in da'dileo Mane ka.”

AMSAL 8:15

Au tulu-fali manek-kala lakalala'ok paleta, au tulu-fali basa manakoasa-la tao latetetu ndoos ma matetuk-ka.

YOHANIS 3:31

Manamaik neme lain mai a, ba'ulenaheni basa hata lala'ena. Nana manamaik neme daebafa ka mai a, nana'de hataholi daebafak, fo ana kokolak dede'a daebafak. Tehu Ndia fo manamaik neme lain mai a, ba'ulenaheni basa hata lala'ena.