MATEOS 27:66 - Susula Malalaok Hehelu Palak Ma Hehelu Beuk

⁶⁶ Boema leu leo lates leu, de ala segel lisa batu ina fo ala tatanan ninik late sa de lanea lahelen, fo daenga hataholi boso neu adu-dodoki lates ndia.

MATEOS 27:66 Referans Kwoze

DANIAL 6:17

Boema mate'en-na manek-ka fe paleta, fo ela leu ho'u-la Danial fo tapan leo singa lean dale neu. Manek-ka nafa'da Danial nae, “Ela leo been-na o Manetualaim fo o sene-do'ok-kana no lilinekak ndia, Ana soi-tefa-na o.”

2 TIMOTIUS 2:19

Tehu batu netes fo Manetualain nafofo'a ka, matea-mahelek, ta hapu hataholi nanggenggengok nala fan. Nanasulak nai batu netes ndia lain nae, “Lamatua ka nalelak Ndia hataholi nala,” boema “Hataholi fo nafa'da nae, Lamatua ka hataholin ndia, soona hataholi ndia, muse ana hahae tao-no'i tatao-nono'i masalak.”

MATEOS 28:2

Boema no kaiboboi anak de dae a nanggengo matua ina. Lamatua ka ata nusa so'dan esa kona neme nusa so'da ka mai, boema ana loli heni late sa batu kekena na, de nangatuuk neu lain.

MATEOS 27:60

Boema neu natoi Yesus popola na nai ndia laten esa dalek, fo ana kali memak bolok ndia nai pupuku batu esa lain. Basa ndia boema, ana loli na batu matua ina esa, de ana tatanan neu late sa bafa na, boema ana fali leona.

MATEOS 28:11

Inak sila la fali le'us boema, solda'du mana manea lates de'ubee ala fali leo kota dale leu, de lafa'da manda'dik ndia neu malanga ima mala.

MATEOS 27:65

Boema Pilatus nafa'das nae, “Emi nde manuu solda'du mana manea, de mafa'das fo lanea lates ndia no mahelek.”

YOHANIS 20:1

Mamasok fafai na, fo bei makahahatuanak, te Maria Magdalena neu leo lates neu. Ana losa boema, ana mete te batuina fo ala tatanan neu late sa, nanakeko henik neme late sa bafa na mai so.

NINITAK 20:3

Basa boema, ata nusa so'dak ndia tapa naga ndia leo faka mamates dale neu, boema ana nggoenisa fakak ndia, ma ana segel ana fo ela naga ndia ta hapu ke'dindiu seluk leoina la beidai teuk lifun esa ndia beita basa fan. Basa ndia soona, ana muse po'in soaneu fai keke'uanak esa mesa kana.

YOSUA 10:18

boema Yosua nae, “Loli batu matuaina-la leo leak ndia bafan-na neu, ma pe'da manamanea neu mamanak ndia,