MATEOS 27:54 - Susula Malalaok Hehelu Palak Ma Hehelu Beuk

⁵⁴ Malanga solda'du a no solda'du mana manea Yesu sa, ala bii lanseli, nai lelek lita daebafa ka nanggengo ma basa manda'dik sila la. Boema lae, “Tete'e ka Hataholi ia, Manetualain Anan!”

MATEOS 27:54 Referans Kwoze

MARKUS 15:39

Malanga solda'du matua fo napadeik nai ai nggange ka mata na, nita Yesus mate tao leo beek. Boema malanga solda'du matua ndia nae, “Memak tete'e ka, Manetualain Anan Hataholi ia!”

MATEOS 27:36

Basa ndia boema langatuuk de lanean.

MATEOS 27:43

Namahele Manetualain, ma nafa'da nae Manetualain Anan Ndia. Naa, mai fo ata mete su'di kana, tete'e ka besak ia Manetualain nau soi-tefa nan do ta!”

HATAHOLI 27:43

Tehu malanga solda'du matuaina tanau fa, nana ana nau Paulus naso'da. Boema nadenu basa hataholi mana suik malela kala fo lakaboku lakahuluk leo tasi dale leu fo ala suik leo ma'dak lain leu,

HATAHOLI 27:1

Laketu basa lae, ami muse sa'e ofak leo Italia meu boema, ala fe Paulus no hataholi nanatahan de'ubee leo Yulius fo solda'du Roma la malanga matuaina na fo loken soona lae, “Resimen Kesel.”

HATAHOLI 23:23

Basa boema malanga solda'du nalo na malanga solda'du matuaina dua de nafa'das nae, “Hele ma solda'du anak natun dua, ma solda'du mana sa'e ndala hituhulu, boema solda'du mana ho'u dongi natun dua, fo le'odaek ia boe, li'u sio soona, leu leo Kaisarea leu.

HATAHOLI 21:32

Tutika malanga solda'du ndia no solda'du la malanga matuainan de'ubee lo solda'du ana kala de lalai leo mamana tasi'bu leu. Nai lelek fo hataholi makadotok sila la lita malanga solda'du a no solda'du nala mai boema, ala hahae fepa Paulus.

MATEOS 8:5

Lelek Yesus losa Kapernaum boema, malanga solda'du matua ina Roma esa ana mai natongo non de, noke Yesus tulu-falin.

MATEOS 4:3

Boema nitu mai de nafa'dan nae, “Manetualain Anan O hetu? Naa, madenu batu ia la da'di loti leona.”

NINITAK 11:13

Boema nai lelek ndia, dae manggengo matuaina ana da'di. Kota ndia baba'ek esa neme baba'ek sanahulu nakalulutuk, de mate hataholi lifun hitu hu ka nde dae manggengok ndia. Hataholi fe'e kala bii lanseli, boema ala koa-kio Manetualain manai nusa so'da ka, matua-mademan.

ROMA 1:4

tehu tunga Dula Dale ka soona, Manetualain Anan Yesus Kristus ndia. Fo ta'du-tanan nde, no Manetualain koasa matuaina na de, naso'da falik neme mamate sa mai.

HATAHOLI 23:17

Boema Paulus nalo na malanga solda'du matuaina esa de nafa'dan nae, “Mo ni'iana ia leo malanga solda'du neu, te sanga nafa'dan dede'ak.”

HATAHOLI 10:1

Hapu touk esa nai Kaisarea na'de Kornalius. Touk ia Kaptein nai “Solda'du Italia”.

HATAHOLI 2:37

Lelek hataholi sila la lamanene dede'ak ndia boema dale nala ta tesa-tama makandondook so'on. Boema latane Petrus no Lamatua ka hataholi nadedenu fe'e kala nae, “Tolano-tolanoo ngala lemin! Ami muse tao leo beek bai?”

YOHANIS 19:7

Tehu hataholi Yahudi la lae, “Tunga ami hoholo-lalanem soona, muse hukunisa hataholi ndia, nana nafa'da aon nae, Manetualain Anan ndia.”

LUKAS 22:70

Tutika basa-basas lahala lae, “Metema leondiak soona, O ia Manetualain Anan do?” Yesus nataa nae, “Emi halam ndia.”

MATEOS 27:40

Lafa'da lae, “O nde nau tao matu'u Manetualain Uma na, fo mafofo'a fali kana nai faik telu dale na hetu! Metema Manetualain Anan O soona, kona meme ai nggangek ndia lain mai fo ela O maso'da!”

MATEOS 26:63

Tehu Yesus ka'da denge-denge. Boema imam matua ina natane la'iesa selu kana nae, “No Manetualain fo maso'dak ndia na'de na mafa'da fe ami, ade O nde Mane Mana Fe So'dak fo Manetualain Anan do?”

MATEOS 27:51

Boema temak nanalonak nai Manetualain Uman dale a, ta'ti ba'en neu biak dua neme lain losa dae. Boema daebafa ka nanggengo, ma lete batu la hea ba'es.