MATEOS 26:67 - Susula Malalaok Hehelu Palak Ma Hehelu Beuk

⁶⁷ Boema lasapula ape neu Yesus mata panan ma ala tutu-fepan. Boema nggelok fapan,

MATEOS 26:67 Referans Kwoze

YESAYA 50:6

Au fe au muliha'ing-nga, neu hataholi manafepa au-a; ma au nasebu'ung-nga neu, hataholi manafe'a au nggolomeing-nga. Au ta afuni au mata-panang nai lelek au nananakadadaek, ma nanamu'di ape.

YESAYA 53:3

Ita takadadaek-kana, ma ta deka to fan, hataholi fo henuk no doidosok-ka, ma biasa ana lu'a-lepa he'di-laus. Hataholi esa boen, ta nau mete fan, ma ita boeo, ta nau taoafik neu fan.

YOHANIS 18:22

Tehu Yesus bei kokolak nae leondia tutika, manamanea esa ana fapan ma nae, “O mapalani la'iesa kana kokolak mae leondia neu imam matuaina!”

MATEOS 27:30

Boema ala mu'di ape neun, ma ala ho'i la ai tete'ek ndia de, ala fepan neu langa na.

MARKUS 14:65

Boema hataholi de'ubee lai ndia, ala mulai tupee lakadoe Yesus ape, ma ala potiketu mata na de ala fepan, boema lafa'dan lae, “So'ba neuk su'dik, see ka nde fepa O a?” Manamanea la boeo ala fapa Yesus.

MATEOS 5:39

Tehu besak ia, Au afa'da neu emi: boso mape'da dalek neu hataholi fo mana tao mangalauk neu emi a. Dede'a nasafali na nae, metema hataholi fapa neu emi nasebu'u kona ma, soona solok emi nasebu'u kii ma neu, fo ana fapa selu kana boe.

IBRANI 12:2

Ela leo bee na ita mata memete na nasale leo Yesus neu, nana Ndia nde nafofo'a ita namahehele na, ma nakaboboin neme makasososa na losa mete'e na. Yesus nakatatakak doidoso ka neme ai nggangek lain! Ana ta nafaduli nae, mate nai ai nggangek lain ndia nde bee na, hata esa fo nini mamaek. Ka'da nafandele neu namahokok fo neukose name'da nitan nai fai makabuin. Besak ia, nangatuuk nai Manetualain kandela mane na boboa kona na, ma Ana paleta sama-sama non.

YOHANIS 19:3

de ala la'ok neu mai leo mata na leu, de ala hakinonolin lae, “So'dak molek ba'eneu mane Yahudi!” Basa boema ala fapan.

MARKUS 15:19

Basa ndia boema, ala fepa Yesus langa na ninik aitete'ek, boema ala mu'di lakadoen ape, ma ala sene-do'ok leu mata na.

RATAPAN 3:30

Leomae nanafapak ma nananakadadaek, ela leo been-na, ata sipok basa sila-la.

YESAYA 52:14

Makahulun-na, hataholi makadotok litan de ala nggenge, boema ala tao lalutu mata-panan, nalosa ta nalupa hataholi daebafak so'on.

1 KORINTUS 4:13

metema hataholi tao nanggenggeo ami na'de ma soona, ami bala sana ninik dede'a-kokola makee-mala'da. Ami ta lenak neme kadafudae daebafak ia mai fa; losa besak ia, bei lafa'da lae, ami sama leo kadafudae.

MARKUS 10:34

Neukose lakamumulu-lakamamae kana, ala mu'di lakadoen ape, ala fepa-li'un, ma ala lona-nggangen. Tehu neu fai katelu na soona, neukose naso'da falik.”

MIKHA 5:1

Manetualain nafa'da nae, “Hai Betlehem Efrata, o kota esa, anak nanseli nai Yehuda! Tehu neme o dalek mai, neukose Au afofo'a manakoasa esa soaneu Israel, fo momoli-dada'din neme makahulun eli mai.”

RATAPAN 3:45

O tao ami da'di sama leo kadafuk nai daebafak-ka lala'en-na mata memeten-na.

YEREMIA 20:2

ana paleta fo ela au nanafepa-li'uk ma nana langek nai Lelesu Ina Benyamin, lelesu manatia-lain-na nai Manetualain Uman.

1RAJA-RAJA 22:24

Boema Nabi Zedekia neu leo uluk neu de ana deka no Mikha boema ana fapan neu Mikha nasebu'u na ma nae, “Hapu nai bee Manetualain Dula dalen-na la'oela au de Ana kokolak no o?”

ULANGAN 25:9

hataholi ndia, tolano manamaten-na, saoinan-na muse neu leo hataholi ndia matan-na neu, nai kota ndia lasin-nala matan, fo se'iheni hataholi ndia ta'buein-na, ma ana mu'di ape neu mata-panan, boema nafa'da nae, ‘Hataholi fo, ana ta nau fe tolanon-na tititi-nonosik fa, muse tao taon leo iak.’

BILANGAN 12:14

Boema Manetualain nataa nae, “Leouni'ka, aman nasapula ape neu mata-panan soona, ade ana ta lu'a-lepa mamaek, faik hitu dalen-na fa do? Fen pasi fe'e neme lalaa oofuk dale, nai faik hitu dalen-na, fo basa ndia soona, besak-ka ana bole masok falik.”

MATEOS 26:68

ma lae, “Hei, O mafa'da ami mae, Mane Mana Fe So'da ka nde O! Soba neuk su'dik, see ka nde fapa O a?”