MATEOS 26:38 - Susula Malalaok Hehelu Palak Ma Hehelu Beuk

³⁸ Boema nafa'da ana mana tunga nala nae, “Au dale nga he'di nanseli. Au ame'dan sama leo sanga mate. Ela emi meme ia fo manea sama-sama mo Au.”

MATEOS 26:38 Referans Kwoze

YOHANIS 12:27

“Au dale nga to'a-sota. Besak ia Au muse ae le'e bai? Ade Au muse afa'da ae, ‘Ama, fali ma Au neme hatematak ia mai leona do’? Te hu ka nde doidosok ia de Au mai.

1 PETRUS 3:18

Nanahu Kristus mate ka'da la'i esa mesa kana, losa dodoo na. Hu ka nde hataholi daebafa ka sala-singon de hataholi sala tak esa, Ana mate soaneu hataholi masala-masingo ka. Kristus tao-no'i basa sila la, fo ela Ana hapu hela-nole emi leo Manetualain mai. Ala tao lisan tunga ao paa ka, tehu nanatao naso'da falik tunga samane ka.

1 PETRUS 2:24

Kristus lu'a-lepa ita sala-singon neme ai nggangek lain, fo ela ita tatapo'i teme sala-singo ka koasa na mai, fo taso'da tunga Manetualain hihii-nanaun. Kristus hina nala, nde lakahahaik emi a.

GALATIA 3:13

Tehu Kristus soi-po'i ita teme agama hoholo-lalanen soo-supan mai so. Ana tao dede'ak ndia tunga, Ana po'i lotak ao ina nanasoo-supak, hu ka nde ita. Nana nai Susula Malalaok dale, nanasulak nae, “Sosoo-susupak ba'eneu hataholi fo maten nanalonak nai dii ai lai na.”

YESAYA 53:10

Manetualain nde nahiik, nae ana doi-doso-a, ma ana fe aoinan-na neu, fo da'di leo tutunu-hohotuk fo, sala singok hapu do'o do ampon. Boema, neukose teun-na namanalu, fo nita tititi-nonosin, Neukose Manetualain hihii-nanaun nanatao natetuk, tunga ndia.

1 PETRUS 4:7

Basa hata lala'e na sanga deka basan ia so, hu ndia de, ela leo bee na emi muse paleta ma ao ina mala ma manea, fo ela emi hapu loak soaneu hule-haladoi.

2 KORINTUS 5:21

Kristus sala-singon ta, tehu Manetualain fen Ana lu'a-lepa ita sala-singo nala, fo ela ita malole falik to Manetualain, nana ita da'di esa to Kristus.

ROMA 8:32

Hu ka nde ita paluu na de Ana fe ita, Ana susue na; na masa bole, Ana ta fe ita, basa hata lala'ena fa?

MATEOS 25:13

Boema Yesus kokolak nate'e nakandandaak ndia nae leo ia, “Hu ndia de manea leona, nanahu emi ta bubuluk fai na do li'u na fa.”

YESAYA 53:3

Ita takadadaek-kana, ma ta deka to fan, hataholi fo henuk no doidosok-ka, ma biasa ana lu'a-lepa he'di-laus. Hataholi esa boen, ta nau mete fan, ma ita boeo, ta nau taoafik neu fan.

MAZMUR 116:3

Soe mamates-sa, fe au nasanene'da mahelek; soe mamates-sa, neni bibii-amata'uk fe au, ana tao-na au daleng-nga, ta tesa-tama ma bii-namata'u.

MAZMUR 42:5

Au daleng-nga he'dis-sa, metema au afandele fai makahulun-na, lelek au u leo Manetualain Uman sama-sama o hataholi makadotok, fo tao fai malole. Au la'ok nai hataholi fo langanongo-a uluk no eeki-natadalek ma nakamee kokoa-kikiok.

YESAYA 53:12

Ana fe heni so'dan-na, no dale hihii-nanau mesan-na, de nanalekek nai hataholi mangalauk-kala, dede'un-na dalek. Ana nasaa, hataholi makadotok sala-singon, ma ana hule-haladoi, fo ela hataholi sila, hapu do'o do ampon. Boema Au fen hataholi makadotok, da'di leo bua palsen, ma ana hapu baba'ek sama-sama no hataholi ndoos-sala.”

MARKUS 14:34

Yesus nafa'das nae, “Au dale nga he'di nanseli. Au ame'dan sama leo Au sanga mate. Ela emi mahani meme ia fo manea!”

KIDUNG AGUNG 5:3

Au o'du heni au ba'dung-nga so; ade, neukose au bei pake seluk-kana do ta? Au safe basa au eing-nga so, ade, neukose au bei tao anggenggeo seluk-kana do ta?