MATEOS 24:31 - Susula Malalaok Hehelu Palak Ma Hehelu Beuk

³¹ Pupuu matua ina nanapuuk soona neukose Ana Hataholi ka nadenu ata nusa so'da nala tao lakabubua hataholi kamahehele nala leme daebafa ka bu'un has mai, ma leme lalai pe'dan esa losa pe'dan esa.”

MATEOS 24:31 Referans Kwoze

1 TESALONIKA 4:16

Mahani te, neukose ata nusa so'da kala malanga na, naloo napane'e ma Manetualain pupuu na, nanapuuk da'di ta'du-tana esa. Soona, Lamatuak Yesus kona neme nusa so'da ka mai, ma hataholi kamahehelek mana mate basa kala, neukose Manetualain tao naso'da fali kasa lakahuluk.

MARKUS 13:27

Neukose nadenu ata nusa so'da kala fo ala tao lakabubua hataholi kamahehele nala leme daebafa ka bu'un has mai, ma leme daebafa ka pe'da na leo lalai pe'da na.”

YESAYA 27:13

Nai lelek ndia, neukose pupuuk matua nanapuuk, fo naloo falik basa hataholi Israel fo, nanatapahenik manai Asyur ma Masir-ra. Neukose ala mai leo Yerusalem mai, fo ala sene-do'ok neu Manetualain nai pupuku malalao-malalafun-na.

1 KORINTUS 15:52

Dede'ak ndia neukose ana da'di no kaiboboianak nai hatematak esa dalek, nai lelek fo pupuu ka nanapuuk soaneu mate'e na. Nana nai lelek fo pupuuk ndia lii na nananamanenek soona, neukose hataholi manamate kala nanatao naso'da falik ninik ao paa matea-mahelek, ma ita basa-basa tala neukose nanatao nasafalik.

YESAYA 11:12

Neukose Manetualain nasa'e dedeo esa, soaneu leoina-la. Ta'du-tanan nde ndia, foo nae Ana tao nakabubua falik leoina Israel ma Yehuda, fo manatapasasalak lai daebafak-ka bu'un lala'en-na, fo no falik-kasa.

MATEOS 13:41

Ana Hataholi ka neukose nadenu ata nusa so'da nala, fo laloo lakabubua basa Manetualain hataholi kamahehelen, fo manini sala-singok fe hataholi fe'e kala ma basa hataholi mana tao tatao-nono'i mangalau kala,

2 TESALONIKA 2:1

La'eneu ita Lamatuan Yesus mamai na, ma la'eneu manda'dik esa nae, neukose Ana tao nakabubua ita to Ndia, au oke ela leo bee na,

EFESUS 1:10

Dale tutu'u nafufunin ndia nde, fo ela basa hata lala'ena, nau basa hata manai nusa so'da ka do manai daebafa ka, ala da'di esa, fo Kristus da'dileo malangan. Ma fai na losa soona, neukose Manetualain tao nakababasak basa dede'ak sila la.

YOHANIS 11:52

Boema ta ka'da soaneu leoina Yahudi la mesa kasa fa, tehu soaneu Ana tao nakabubua Manetualain ana mana tapasasala nala.

MATEOS 25:31

“Metema Ana Hataholi ka Ana mai da'dileo Lamatua ka, nonok ata nusa so'da nala soona, nangatuuk neu kandela mandela-masa'an lain,

YESAYA 45:22

Hai, basa laun daebafak-ka lala'en-na, fali leo Au mai, fo ela emi nanasoi-tefak, nana ka'da Au nde Manetualain-na, de ta hapu fe'ek fa!

YESAYA 43:6

Au paleta kii ma kona, fo ela po'is no lai-laik. Nemen-na fo, o ana toum-mala fali ma'is leme dook-ka mai, ma o ana inam-mala, fali leme daebafak-ka bu'u-bu'un-nala mai.

MAZMUR 22:27

Neukose hataholi nuu-taa hata-taak-ka, na'a losa nakabete; hataholi fo ana mai leo Manetualain mai, neukose ana koa-kion. Sa'di leo been-na, emi tetu-temak losa dodoon-na!

ZAKHARIA 2:6

Manetualain nafa'da anan-nala nae, “Au tao tapasasala basa emi, leo bu'u-bu'uk lala'en-na neu so. Tehu besak ia, hai hataholi nanafook-kala lemin, malai meme Babel mai leona, fo fali me'um-ma leo Yerusalem meu.

YESAYA 60:4

Mitak hata fo, ana da'di nai o boboa-kaisum; laun-na lakabubua, fo ala fali leo o mai. O anatoum-mala, ala mai leme dook-ka mai, o anainam-mala, nanako'ok-kala.

YESAYA 49:18

Mete ma makanae, leo o boboa-kaisum muu, o laum-mala, lakabubua basa, de ala mai leo o mai so. No Au, Manetualain fo maso'dak-ka, Au afa'da ae, tete'ek-ka, neukose o dalem-ma namatua, nanahu o laum-mala, sama leo ina manaka'bing-nga, dalen-na namatua, nanahu lilo-henun.

YESAYA 13:5

Ala mai leme nusa dook fo manai daebafak-ka bu'u-bu'un-nala mai. Manetualain pakes nai nasa-melun-na dalek, fo ala tao lamopo-lamate daebafak-ka lala'en-na.

NINITAK 7:1

Basa ndia boema, au ita ata nusa so'dak ha lapadeik lai daebafa ka bu'un has. Ala tahan ani na matan has nai daebafa ka, fo ela boso hapu anin nai dae ma'da ka do nai tasi a, do nai ai la lain boe.

ZAKHARIA 9:14

Neukose Manetualain natu'du aoinan-na neu anan-nala, Ana kou kokou isi manapilan-na, sama leo ndelas-sa. Neukose Manetualain fo Mademaina, Ana puu pupuuk-ka, fo da'di ta'du-tana natee-natatik mulai boema Ana la'ok tutulumatak, nai ani-sangu maneme kona, dalek.

ULANGAN 30:4

Leomae emi tapasasala su'di leo bee meu, nai daebafak-ka lala'en-na, neukose emi Manetualaim-ma tao nakabubua emi, fo no falik emi.

NINITAK 8:2

Boema au ita ata nusa so'dak hitu lapadeik lai Manetualain mata na de ala sipo pupuuk hitu.

ROMA 10:18

Tehu au atane bai, Ade memak sila beita lamanene halak ndia fa do? Tao leo beeo, lamanenen so! Nana nai Susula Malalaok dale nanasulak nae leo ia, “Sila hala nala dolodolo nai basa daebafa ka lala'ena so, sila hala-kokolan losa daebafa ka bu'u nala so.”

MATEOS 28:18

Boema Yesus neu nangatuuk deka nos de nafa'das nae, “Basa koasa manai nusa so'da ka ma manai daebafa ka nanafe basak neu Au so.

MATEOS 24:22

Leo uni ka Manetualain ta tao keke'u fai na fa soona, ta hapu hataholi esa boen hapu naso'da fa. Te hu ka nde hataholi kamahehele nala, de Manetualain tao keke'u le'do-fai ndia.

ZAKHARIA 14:5

Neukose, emi malai tunga bafak fo manaba'e letek ndia neu 2. Neukose emi malai sama leo emi bei-ba'i kaim-mala, nai lelek dae manggengok-ka, ana da'di nai tepo-lelek, Uzia fo mane Yehuda paleta. Boema, Manetualain fo Manetualaing-nga, Ana mai, no basa ata nusa so'dan-nala tungan.

YESAYA 42:10

Makamee nakamee beuk, ba'eneu Manetualain, hai basa daebafak-ka lala'en-na lemin, koa-kion leona! Hai tasi, mangguu leon ma basa oe-isin, nusak manai dook-kala, ma basa laun-nala!

MAZMUR 81:3

Li'u tambur, so'uk nakameek, makaminak gambus ma kecapi no malole.

MAZMUR 67:7

Dae-a, fe basa buna-boan so, Manetualain, fo ita Manetualain-na, ba'e-pala basa ita so.

NINITAK 11:15

Boema ata nusa so'da kahitu puu pupuu na, boema nai nusa so'da ka hala kala nananamanenek bela na seli nafa'da nae, “Koasa soaneu paleta daebafa ka besak ia nai ita Manetualain ma Mane Mana Fe So'dak fo nanahelu ka, liman dale. Neukose Ana paleta losa dodoo na!”

LUKAS 24:47

Susulak ia la boeo lafa'da lae, no Mane Mana Fe So'dak ndia na'de na, muse nanatui-bengak neu basa leoina lala'ena mae, hataholi daebafa ka muse tukatei-saledale, ma mafa'da mae Manetualain fe do'o do ampon neu sala-singo ka. Halak ndia muse nanatui-bengak mulai neme Yerusalem mai.

ZAKHARIA 9:10

Manetualain nafa'da nae, “Neukose Au tu'u-tapa heni kaleta-kaleta musu manamaik leme Efraim mai, neukose, Au tao amopo-amate ndala manai Yerusalem mala, ma neukose Au tao akalulutuk basa kokouk lala'en-na Neukose emi Manem-ma po'a-benga mole-dame neu leoina no leoina. Neukose, ana koasa neme tasi leo tasi neu, neme Lee Efrat-ta, losa daebafak-ka bu'un-nala.”

NINITAK 1:20

Ia nde bibila-babaak neme nduu kahituk fo o mitas nai au lima kona nga, ma neme banu ei lilopila kahituk sila la. Nduu kahituk sila la nde, salani kahitu kala ata nusa so'da nala, ma banu ei kahituk sila la nde bee na nde salani kahituk sila la.”

KELUARAN 19:16

Nai fai ka telun-na fafaik boema, mangguluk-ka no ta'tas-sa da'di. Ko'a makateina ana da'di nai letek lain, ma lamanene pupuuk-ka liin-na, tanen-na seli. Basa hataholi manai ofu dale-la ala bii, de ala dele beengge'be.

ULANGAN 4:32

Palisak matalolole, tepo-lelek makahulun-na, fo nai lelek beita bongi emi nai faik fo Manetualain nakadada'dik hataholi daebafak manai daebafak ia poin-na. Sangan nai basa daebafak ia poin-na lala'en-na. Fafaka'ma dede'a matuaina ia, ana da'di hai nai makahulun eli so do beik? Hapu hataholi namanene hai, la'eneu manada'dik matak leo ia-ka so do beik?

ZAKHARIA 6:5

Nataa nae, “Metema, lasasalematak basa loo Manetualain fo manamakadada'dik lalai maloa soona, leu leo bu'u 4 leu.

MATEOS 24:24

Nanahu, neukose mana soi-tefa pepeko kala, ma nabi pepeko kala ala to'da mai. Fo neukose ala tao tatao-nono'i matua ina la ma manda'di beu kala soaneu sanga tao leondia fo ala ke'di-ndiu la Manetualain hataholi kamahehele nala.

MATEOS 24:32

“Ho'i nanonolik neme ai kaa ka mai. Metema ndana nala momo'do, ma mangana'uk, boema mulai lape'du beu soona, emi bubuluk mae, fai hana sa, ana deka so.

IBRANI 12:19

ala lasasale matak lo pupuu lii kala, ma hala liik matua ina la. Lelek hataholi Israe lala lamanene halak ndia, boema ala loke lanseli, fo ela halak ndia boso kokolak seluk no sila bai.