MATEOS 24:29 - Susula Malalaok Hehelu Palak Ma Hehelu Beuk

²⁹ “Lelek toto'a tataa ka nate'e beita doo ka boen te, le'do a neukose makahatuk, ma bula ka ta nasalaa so'on. Neukose nduu kala, ala tu'da leme lalai mai, ma mana koasa manai lalai maloa, neukose ta latetu-landaa so'on.

MATEOS 24:29 Referans Kwoze

AMOS 8:9

Neukose fain-na losa, Au fe le'do tenak nai lelek le'dohana, ma daebafak-ka makahatuk nai fai lele'don-na. Au, Manetualain Fo Mademaina, kokolak ae leo ndia.

YOEL 3:15

Le'do ma bulak-ka neukose makahatuk, ma nduuk-kala ta lasalaa so'on.”

YESAYA 13:10

Neukose basa nduuk ma nduu bubuak-kala ta lasalaa fa; neukose le'do ta nasalaa nai lelek ana tii, ma neukose bulak-ka ta nasalaa so'on.

YESAYA 24:23

Neukose bulak-ka makahatuk, ma le'do-a, ta nasalaa so'on, nana Manetualain Fo Manakoasa, neukose Ana paleta da'di leo manek. Neukose Ana paleta nai Yerusalem, nai Pupuku Sion-na lain, ma natu'du matua-mademan neu basa anan-nala mauli-malangan-nala.

2 PETRUS 3:10

Tehu Lamatua ka Fai mamai na, neukose ana losa, sama leo nako ka. Nai faik ndia te, neukose lalai a mopo kana, no manggulu matua ina, ana da'di nai lalai, ma basa hata manai lalai a, neukose putu la'i esa kasa, boema daebafa ka no basa oe isin lala'e na, neukose mopo la'i esa kasa.

YESAYA 34:4

Le'do-a, bulak-ka, ma nduuk-kala, neukose lakalulutuk. Neukose nduuk-kala tu'da, sama leo akidook-kala tu'da bepoko leme ai lain mai.

NINITAK 8:12

Ata nusa so'da kaha ana puu pupuu na boema, le'do a, bula ka, nduu kala baba'ek esa neme baba'ek telu nanafapak de nalosa mangale'do nala mopos. No enok ndia, lele'do ka baba'ek esa neme baba'ek telu ta mangale'dok fa, leondiak boe le'odae ka baba'ek esa neme baba'ek telu.

YOEL 2:10

Lelek ala bei tutulumatak te, daebafak-ka dele, ma lalai-a boeo, ana dele. Boema le'do ma bulak-ka makahatuk, ma nduuk-kala ta lasalaa fa.

AMOS 5:20

Memak Manetualain Fain-na neni makahatuk, te ta mangale'dok fa. Fai masakoko'ak ma manamama'uk.

MATEOS 24:21

Bibii namata'uk matua ina nai fai-faik sila la, neukose hapu toto'a-sosota matua ina sama leo ana beita da'di nita neme daebafa ka dada'di makasososa na losa besak ia, ma neukose ana ta da'di seluk so'on.

MATEOS 24:8

Basa sila la besa ka makasososa na nde ndia, sama leo inak esa name'da he'di bobongi na nai lelek fo ana sanga bongi a.

PENGKHOTBAH 12:2

Metema faik ndia losa soona, o matam-ma keluha'buk, nalosa le'do, bulak nduuk keluha'buk. Ko'as masakoko'ak fo u'dan-na sanga mai-a, no nahele o, nono'kabai ana fe nasanene'da mahelek.