MATEOS 23:5 - Susula Malalaok Hehelu Palak Ma Hehelu Beuk

⁵ Ta'ko ala pake kotak bana louk matua ina fo naisi Susula Malalao ka lalane nala, fo ala paken nai dedei nala ma alu nala boema ala tao lamanalu ba'du manalu nala fifiko na!

MATEOS 23:5 Referans Kwoze

YOHANIS 12:43

Ala hii lanseli, hapu kokoa-kikiok neme hataholi daebafa ka, lena neme Manetualain so'ulai kasa.

FILIPI 2:3

Boso tao-no'i hata esa, hu ka nde emi paluu ma mesa kana do soaneu mamatutua-mamadedema ao ma. Dede'a nasafali na, ela leo bee na emi esa-esak, no dale nakaloe aok nafa'da nae, hataholi fe'ek malole lena neme ndia ao ina na mai.

YOHANIS 5:44

Emi hapu mamahele tao leo beek, metema emi nau emi nonoo hataholi ma, koa-kio emi, te emi ta nau sanga enok fo sanga kokoa-kikiok neme Manetualain fo kisak ndia mai fa?

LUKAS 16:15

Tehu Yesus nafa'das nae, “Emi nde hataholi fo nai hataholi fe'ek matan soona, nananitak ndos, tehu Manetualain bubuluk emi dale ma oe isin lala'ena. Nana hata fo hataholi daebafa ka nafa'da nae madema, Manetualain meten soona, kaba'oanak.

ULANGAN 6:8

Pa'a paleta sila-la neu emi limam-ma, ma taon neu emi dedeim-ma, fo ela mafandendelek mahelen.

LUKAS 20:47

Ala ke'dindiu inafalu la fo ala loso la uma nala. Ma soaneu lafunilisa sila tatao-nono'i mangalaun ndia de, ala hule-haladoi soona, nalu na seli. Hataholi matak leo ia kala, neukose huhuku nala bela ka!”

ULANGAN 22:12

Tao fifikok neu, emi bua-papakem-ma pe'dan haas.”

KELUARAN 13:9

Feta ia, ana da'di nasanene'dak soaneu emi, sama leo ta'du esa, nanapa'ak nai emi limam-ma, do emi dedeim-ma. Feta ia fe emi nasanene'dak, fo moke makasi nakandoo, ma manoli Manetualain hoholo-lalanen, nana Manetualain kalua heni emi meme Masir mai, nenik koasa matuainan-na.

FILIPI 1:15

Memak tete'e ka nai sila dalek, hapu hataholi nggelok ala nau tui benga Kristus, nana nape'da dale ka, ma nale'a napili ka, tehu hataholi nggelok soona, ala nau tui benga Kristus no dale balisi.

YOHANIS 7:18

Ba'eneu see fo nanoli tunga ka'da malela mesa na, ana sanga hataholi koa-kion. Tehu hataholi fo ana sanga ha'da-holomata fe Hataholi manamadenu nana, soona hataholi ndia dale na ndoos, ma ta masapepekok fa.

MATEOS 9:20

Nai eno tala'dak, hapu inak esa ana hapu he'di bulak de, ana po'a daak, teuk sana hulu dua dale na, ana mai deka no Yesus neme dea mai. Ana dudu'a nai dalen dale nae, “Sa'di au tai la'e ka'da ba'du manalu na soona, neukose au hai.” Boema ana koi la'e Yesus ba'du na pe'da na.

AMSAL 3:3

Ela leo been-na, o mamahele mahele, ma lilineka neu Manetualain ma o nonoo hataholim-ma. Mafandendelek basa sila-la, fo pe'dan nai o dalem dale,

2 TESALONIKA 2:4

Ma neukose ana laban Manetualain, ma ana manaku nae, ndia nanuu koasa, lenaheni basa dula dale mangalauk fo, hataholi daebafa ka sene-do'o kasa. Lena-lenak, neukose nangatuuk neu Lamatua ka Uman dale fo nafa'da nae, Manetualain nde ndia.

2RAJA-RAJA 10:16

ma nae, “Mai tunga, fo sakasii matam, tao leo beek de, au manggate anseli soaneu Manetualain.” Boema, ala sa'e kaleta sama-sama leo Samaria leu.

ULANGAN 11:18

Mafandendelek ma taoafik neu paleta sila-la. Emi muse pe'da au dede'a-kokolang ia-la, nai emi dalem dale; em muse taon da'di leo ta'du-tana neu emi limam-ma, ma emi muse taon neu emi dedeim-ma, fo mafandendelek mahelen.

IMAMAT 13:32

Neu fai ka hitun-na soona, imam-ma muse palisak seluk he'dis-sa mamanan-na, ma metema he'dis ndia, ana ta sii dapa-dapa fa, boema ta hapu langadook do nggolomei kunik nai mamanak ndia fa, boema meten soona, ana ta kiki'da leo dalek neu fa,