MATEOS 23:12 - Susula Malalaok Hehelu Palak Ma Hehelu Beuk

¹² Hataholi fo namatutua-namadedema ao na, neukose nananakaloloe-nakadadaek, ma hataholi fo nakaloe-nakadae ao na, neukose nananamatutua-namadedemak.”

MATEOS 23:12 Referans Kwoze

1 PETRUS 5:5

Leondiak boe, tolanoo muli solu kala lemin! Tunga lasi kala paleta na. Emi muse makaloe-makadae ao mala, ma esa nalalau-naoono esa no dale nakaloe aok. Nana nai Susula Malalaok dale nanasulak nae leo ia, “Manetualain la'ban hataholi mana koao-ndaeao ka, tehu Ana sue-lai hataholi mana makaloloe-makadae ao ka.”

YAKOBIS 4:6

Leomae leondiak boe, Manetualain susue-lalain fo Ana fen neu ita ndia, balakai na lena heni ita dale hihii na. Hu ndia de, nai Susula Malalaok dale boeo nanasulak nae, “Manetualain laban hataholi mana koao ka, tehu Ana sue-lai hataholi fo nakaloe-nakadae dale na.”

LUKAS 14:11

Nana basa hataholi fo namatutua-namadedema aoina na, neukose nananakaloloe-nakadadaek, tehu hataholi fo nakaloe-nakadae aoina na, neukose nananamatutua-namadedemak.”

AMSAL 29:23

Hataholi fo namatutua-namadedema aoinan-na, neukose nananakadadaek; hataholi dale taidaek-ka, neukose nanakoa-kiok.

LUKAS 18:14

Yesus nae, “Mamahele leona, te nai lelek ala fali le'us leo uma leu te, Manetualain sipo ka nde manasusu bea ndia, te hataholi Farisi ndia fa. Nana basa hataholi fo namatutua-namadedema aoina na, neukose nananakaloloe-nakadadaek; ma basa hataholi fo nakaloe-nakadae aoina na, neukose nananamatutua-namadedemak.”

MATEOS 18:4

Hataholi fo nakaloe-nakadae ao ina na, fo ana da'di sama leo ni'iana ia soona, ndia nde matua ba'u lena nai Manetualain hataholi kamahehele nala dalek.

AMSAL 15:33

Bibii-namata'uk neu Manetualain nde been-na, netes ba'eneu nanoli malole-a; ma dale taidaek-ka, nakahuluk neme ha'da-holomata mai.

MATEOS 5:3

“Maua-manalek neu hataholi fo name'da nana balakain ta, de namahena neu ka'da Lamatua ka mesa kana; nanahu sila nde da'di Manetualain hataholi kamahehele nala!

DANIAL 4:37

Da'di besak ia, au fo Nebukadnezar, koa-kio ma au tao amadedema Mane Nusa so'dak-ka. Basa tatao-nono'in lala'en-na ndoos ma matetuk, ma nakadadaek hataholi manakoao-ndaeaok-ka.

AYUB 22:29

Manetualain nakadadaek hataholi manakoao-ndaeaok-ka, tehu hataholi dale taidaek-ka, nanasoi-tefak.

YESAYA 57:15

Nana Manetualain Fo Mademaina, ma malalao-malalafuk, fo manakoasa losa dodoon-na, nafa'da nae leoia, “Au leo nai mamana mademaina, ma malalao-malalafuk, tehu, nai hataholi dale taidaek-kala, tala'da, ma nai hataholi manatukatei-saledale leme sala-singon-nala mai, fo daenga tao labebeu sila manggaten, ma namahehenan-na, tala'da boe.

MAZMUR 138:6

O mamanam-ma, deman-na seli, tehu O taoafik neu hataholi, matasi'da-matasaek-ka boe; hataholi manakoao-ndaeaok-ka, ta hapu nafuni neme O mai fa.

1 PETRUS 5:6

Hu ndia de, makaloe-makadae ao ma, nai Manetualain lima mabe'i-balakai na dae, fo ela fai na losa soona, Ana tao namadedema emi.