MATEOS 23:11 - Susula Malalaok Hehelu Palak Ma Hehelu Beuk

¹¹ Hataholi matua ina manai emi tala'da, muse ana da'di emi malalau-maoonom.

MATEOS 23:11 Referans Kwoze

1 KORINTUS 9:19

Au beita ata neu hataholi esa boen; au hataholi ao loak. Leomae leondiak boe, au tao au aoinang ia da'di ata neu basa hataholi lala'ena. Au tao ndia, fo ela au hapu sengi hataholi makadotok soaneu Kristus.

GALATIA 5:13

Tolanoo kala nananalo basak, soaneu da'di hataholi ao loak so. Tehu emi boso pake emi ao loam ndia, fo tao makandoo su'di bee ka, fo emi mahiik tao-no'in. Dede'a nasafali na, emi muse masue-malai ao, ma esa nalalau-naoono esa.

2 KORINTUS 4:5

Halak fo ami manduku-malosa kana ndia, ta nde halak la'eneu ami fa, tehu la'eneu Yesus Kristus nae Ndia nde bee na Lamatuak ma ami nde bee na o ata mala, nanahu ndia.

2 KORINTUS 11:23

Metema sila lamatutua-lamadedema ao nala da'dileo Kristus? Malalau-maoonon soona, au lena seluk bai. Meten soona au samaleo hataholi nggoak nai lelek au afa'da dede'ak ndia. Tehu memak au aue-ale'di sota-mate lena, nasi'a ala tao au leo bui dale neu, la'iba'u ka ala tao la au doidoso ma nasi'a hihii nae mate au.

MATEOS 23:10

Ma emi boso nau lalo emi lae, ‘Mauli-Malangan’, nanahu emi mauli-malangam ka'da esa mesa kana, fo nde Mane Mana Fe So'dak, fo Manetualain helu ka.

MARKUS 9:35

Yesus nangatuuk boema nalo ana mana tunga kasanahulu dua nala de nafa'das nae, “Hataholi fo ana nau da'di hataholi makahuluk soona, ana muse da'di hataholi makabuik, ma ana muse da'di malalau-maoono neu basa hataholi lala'ena.”