MATEOS 21:5 - Susula Malalaok Hehelu Palak Ma Hehelu Beuk

⁵ “Mafa'da Sion mae, emi Mane ma Ana mai so, te Ana beita losa fa. Dale na dale taidaek, ma Ana sa'e keledei esa, fo keledei ana esa.”

MATEOS 21:5 Referans Kwoze

YESAYA 62:11

Manetualain fe hala heheluk-ka nde ia, neu basa daebafak-ka bu'u-bu'un lala'en-na nae, “Mafa'da Sion laun-nala mae, ‘Mete Manetualain fo Manasoi-manatefak-ka, Ana mai! Hataholi fo, Ana soi-po'i basak-kala, ala tungan.’

YESAYA 12:6

Hai, laun Sion-nala lemin! Eeki-matadale leona, makamee no namahokok. Israel Manetualain malalao-malalafun-na, tete'ek-ka mandela-masa'ak, Ana leo nai emi tala'daheom.”

KEJADIAN 49:10

Neukose Yehuda ho'u aitete'e nusak-ka, neukose tititi-nonosin paleta losa dodoon-na. Neukose leoina-kala leni bea mai, ma ala senek ma lakatele nai matan-na.

HOSEA 1:7

Tehu neukose, Au sue-lai leoina Yehuda. Au Manetualain, fo sila Manetualain-na, neukose soi-tefa alas, tehu ta nenik natee-natatik, boeo ta nenik tafaina do kokouk do manasa'e ndala-la fa.”

YESAYA 40:9

Kae leo lete madema lain meu, fo po'a-benga hala malole-a neu Yerusalem! Maloo bou-bou mapane'e, fo po'a-benga hala malole-a neu Sion! Mafa'da kota-kota manai Yehuda-la, mae sila Manetualain-na, neukose Ana mai!

YESKIAL 37:24

Neukose ala da'di esa nai manek esa paletan-na dae, sama leo Mane Dauk-ka, fo ana paleta losa dodoon-na. Neukose, ala tunga Au hoholo-lalaneng no lilinekak. Sila, boema sila tititi-nonosin-nala, neukose ala leo dae ndia, dae fo Au fen neu Yakob, ma sila bei-ba'i kain-nala leon losa dodoon-na.

YESKIAL 34:24

Au, Manetualain, neukose da'di sila Manetualain, ma manek fo, sama-na leo Au atang Dauk ndia, neukose ana da'di sila manakoasan-na. Au, Manetualain nde manakokolak-ka.

MATEOS 11:29

Tunga Au paleta nga, ma manoli neme Au a mai. Nanahu Au dale nga mangana'uk, ma taidaek, de neukose emi hapu namahokok ma seteleek.

MATEOS 2:6

‘Hai, basa hataholi manai Betlehem, fo nai nusa Yehuda, Ade o nusa ma, ta nusa anak nanseli fa, Nanahu neme o hataholi mala dalek, neukose mauli-malangan esa, nanabongik, fo nasulu-nahapa Au hataholi Israel ngala.’ ”

MATEOS 2:2

Latane basa mamanak lala'e na lae, “Ala bongi ni'i ana fo Ana sanga da'di hataholi Yahudi la manen ndia nai bee? Ami mita nduu ka ana tii nai dulu so. Nduuk ndia ana da'di ta'du-tana esa nae, manek ndia nanabongik so Hu ndia de ami mai sangan, fo ami sanga sene-do'o kana.”

MIKHA 5:2

Da'di, neukose Manetualain po'ilotak sila musun-nala koasa anan-nala, losa inak fo nananaketuk soaneu da'di manakoasa ndia inan, ana bongi-nan. Basa ndia soona, hataholi fo sila leoina esa, bei lai mamana tu'u-tapak, neukose Ana taos da'di esa loo sila leoinan-na.

2 KORINTUS 10:1

Besak ia, au fo Paulus nau uni hata esa soaneu emi. Au ia, tunga hataholi a nafafa'da na au mangana'uk metema au asasalematak o emi, tehu au apalani, metema ita komododoon. Naa, hu ka nde Kristus mangana'u na ma Kristus dale malole na,

MAZMUR 9:14

Mitak, musu-a tao-na au doi-doso; sue-lai au, ou Manetualain matapo'i au neme mamates-sa mai,

1RAJA-RAJA 10:26

Salomo solda'dun-na lanuu kaleta musu lifun esa natun haa, ma solda'du manasa'e ndala lifun sanahulu dua. Ana pe'da seli nai Yerusalem ma lena nala nai kota fe'ek-kala.

1RAJA-RAJA 1:33

manek-ka nafa'das nae, “Maloo ma basa au malanga solda'du matuaina ngala, fo meu leo au ana maneng Salomo meu. Makasasa'e kana leo au kaleta maneng lain neu fo moon leo oemata Gihon na neu.

2 SEMUEL 16:2

Boema, mane Dauk-ka natanen nae, “Basa ia-la, sosoa-na beek?” Boema Ziba nataa nae, “Keledei ia-la, soaneu Ama Manek teidalen-nala sa'e, boema loti ma ai boak ia-la, soaneu Ama Manek atan-nala, ma angol ia, soaneu sila manasota-manguk manai moo solokaek-ka.”

HAKIM-HAKIM 12:14

Anatoun haahuluh, ma upu toun teluhulu. Sila esa-esak, nanuu keledei sasa'ek esa. Teuk falu dalen-na, Abdon nauli-nalanga hataholi Israel-la.

HAKIM-HAKIM 5:10

Hai emi fo manasa'e keledei fulak-kala lemin, emi fo manamangatuuk nai ne'a madulak lain, ma basa emi, fo manala'o eik-kala lemin, tui-benga tutui sesengik ia!

ULANGAN 17:16

Manek-ka, ta bole nanuu ndala ba'uk-ka, fo ana fe solda'dun-nala, ma ana ta bole nadenu leoina ia fo, leu asa ndala nai Masir fa, nanahu Manetualain nafa'da, nae Ndia anan-nala, ala ta bole fali-le'us leo nusak ndia leu so'on.

BILANGAN 24:19

Manakoasa esa, neukose to'da mai neme Yakob mai, fo ana tao namopo-namate musun-nala.”

YOHANIS 1:49

Boema Natanael nafa'da Yesus nae, “Ama Mesen, tete'e ka Ama nde bee na, Manetualain Anan! Ama nde da'di hataholi Israe la, Mane na!”

MATEOS 21:6

Basa boema Yesus ana mana tunga kaduan sila la la'o leona. Ala tao tungan sama leo Yesus helun neu duas.

LUKAS 24:27

Basa boema Yesus nafa'da mangalele'dos basa hata fo nanasulak nai Susula Malaok dale la'eneu aoina na, mulai neme Musa susula nala ma basa nabi la susula na.