MATEOS 20:28 - Susula Malalaok Hehelu Palak Ma Hehelu Beuk

²⁸ Sama na leo Ana Hataholik ndia boe. Ana mai fo ta soaneu hataholi la lalalau-laoono fan, te Ana mai soaneu nalalau-naoono ma Ana fe heni so'da na, soaneu Ana soi-po'i hataholi ba'u ka.”

MATEOS 20:28 Referans Kwoze

IBRANI 9:28

Leondiak boe Kristus nanatunu-hotuk ka'da la'iesa, soaneu Ana loseheni hataholi ba'u sala-singon. Neukose Ana mai seluk nai kala'i dua na, tehu Ana ta mai naketu-nala'di dede'a sala-singok fa, te Ana mai soi-tefa hataholi mana mahani mamai na.

LUKAS 22:27

See ka nde matua lena: hataholi fo nangatuuk na'a nai mei a, do hataholi manamalalau-maoono nana? Tao leo bee o hataholi fo manamangatuuk ndia. Tehu Au nai emi tala'da da'dileo malalau-maoono.

TITUS 2:14

Ana tunu-hotu basa ao ina na soaneu ita, ma Ana se'i-po'i ita teme mangalauk lala'ena mai, fo Ana tao ita da'di Ndia hataholi kamahehele malalao-malalafuk ma mana manggate tao tatao-nono'i malole.

1 PETRUS 3:18

Nanahu Kristus mate ka'da la'i esa mesa kana, losa dodoo na. Hu ka nde hataholi daebafa ka sala-singon de hataholi sala tak esa, Ana mate soaneu hataholi masala-masingo ka. Kristus tao-no'i basa sila la, fo ela Ana hapu hela-nole emi leo Manetualain mai. Ala tao lisan tunga ao paa ka, tehu nanatao naso'da falik tunga samane ka.

1 TIMOTIUS 2:6

Yesus Kristus ia, hataholi daebafak esa, fo Ana fe heni ao ina na, soaneu Ana soi tefa na basa hataholi lala'ena, leme sala-singo nala mai. No enok ndia, Manetualain naketu la'e fai na nae, Ana nau basa hataholi lala'ena, hapu so'dak.

NINITAK 1:5

ma neme Yesus Kristus, sakasii fo manalilineka ka. Ndia nde makasososa naso'da falik neme mamate sa mai, ma Ndia nde manakoasa neu mane-mane daebafa kala. Yesus sue-lai ita, ma no mamate na de Ana soi-po'i ita teme ita sala-singon mai,

2 KORINTUS 8:9

Nana emi bubuluk tete'e ka, Yesus Kristus fo ita Lamatua na sue-lai na ita ba'u na seli. Yesus kamasu'ik, tehu Ana tao aoina na da'di nuu ta-hata tak, soaneu emi paluu ma, fo ela no nuu ta-hata tan ndia, emi da'di kamasu'ik.

IBRANI 5:8

Yesus nde bee na, Manetualain Anan, tehu leomae leondiak boeo, Ana nanoli nakatele tunga doi-doson.

1 PETRUS 2:24

Kristus lu'a-lepa ita sala-singon neme ai nggangek lain, fo ela ita tatapo'i teme sala-singo ka koasa na mai, fo taso'da tunga Manetualain hihii-nanaun. Kristus hina nala, nde lakahahaik emi a.

EFESUS 1:7

Nana, hu ka nde Kristus mamate na de, Manetualain se'i po'i ita, fo dede'ak ndia sosoa na nae, Ana fe do'o do ampon neu ita sala-singon so.

MARKUS 14:24

Basa ndia boema Yesus nae, “Ia nde bee na Au daa nga, fo ana pakunisa Manetualain hehelu-balatan, daak fo nanapo'ahenik soaneu hataholi ba'u ka.

MATEOS 26:28

Nana Au daang ia daak hehelu-balataak, daak fo nanapo'a henik soaneu fe do'o do ampon neu hataholi ba'u sala-singon.

EFESUS 5:2

Ela leo bee na, susu'e ka koasa emi so'da ma, sama leo Kristus boeo, Ana sue-lai emi. Ana fe heni ao ina na soaneu ita, da'dileo tutunu-hohotu kaboominik esa fo ana tao namahoko Manetualain dale na.

GALATIA 3:13

Tehu Kristus soi-po'i ita teme agama hoholo-lalanen soo-supan mai so. Ana tao dede'ak ndia tunga, Ana po'i lotak ao ina nanasoo-supak, hu ka nde ita. Nana nai Susula Malalaok dale, nanasulak nae, “Sosoo-susupak ba'eneu hataholi fo maten nanalonak nai dii ai lai na.”

ROMA 4:25

Yesus ndia nanafe henik soaneu nanataonisak nanahu ita sala-singo nala; boema Manetualain tao naso'da fali kana, soaneu Ana soi enok fe ita malole falik to Manetualain.

1 YOHANIS 2:2

No Yesus Kristus tunu-hotu ao ina na, de ita sala-singon hapu do'o do ampon. Tehu ta ka'da ita mesa tala sala-singon hapu do'o do ampon fa te, basa hataholi daebafa ka sala-singon boeo, hapu do'o do ampon.

IBRANI 2:10

Memak nandaa Manetualain fo mana makadada'dik basa hata lala'ena soaneu dale dudu'a na mesa kana, Ana tao Yesus manasoi-tefa fo matetu-mandaak, tunga doi-doson. No enok ndia, fo Manetualain nalo hataholi ba'u ka, soaneu ala tunga nananamatutua-namadedemak sama-sama lo Yesus. Nanahu Ndia nde manasoi enok ba'eneu sila soaneu bisa nanasoi-tefak.

YESAYA 53:8

Nanahukuk, ma nananaketu-nala'dik, boema nanalele'a-lolosok, ma nanahuku nisak. Ta hapu esa boen, fo ana taoafik neu ua-nalen fa; ana mate, hu kande ita leoinan, sala-singon.

YESAYA 53:5

Tehu nakahina, hu kande ita sala-singon, ma nanafepak nenik ue hu kande ita tatao-nono'i mangalaun-na. Nanahukuk, fo ela ita nanasoi-tefak, nanahu ue-a leen-nala, de ita nantao nalea-nahaik.

MAZMUR 49:7

Sila lasalai dean-nala neu su'i-beten-nala, ma ala koao-ndaeao lenik hata-heton-nala.

MATEOS 8:20

Boema Yesus nataa nae, “Busa fui boeo mabolok, ma manupui mandunuk, tehu Ana Hataholi ka mamanan ta soaneu nakalololik ao na.”

AYUB 33:24

Neukose, ata nusa so'dak ndia, nafa'da no dale kasian nae, ‘Se'i po'i hataholi ndia, fo boso fen kona leo hataholi manamatek-ka, daebafan dale neu. Doi sosoin-na nde ia, de po'in leona.’

MATEOS 20:27

Ma hataholi fo ana nau da'di makasososak nai emi tala'da soona, muse ana da'di emi atam.

MARKUS 10:45

Nana Ana Hataholi ka boeo, Ana ta mai soaneu lalalau-laoono fan. Te Ana mai soaneu nalalau-naoono, ma soaneu Ana feheni so'da na, soaneu Ana soi-po'i hataholi ba'u.”