MATEOS 20:22 - Susula Malalaok Hehelu Palak Ma Hehelu Beuk

²² Boema Yesus nafa'das nae, “Emi ta bubuluk hata fo emi moke ka fa. Ade emi mapalani minu nggalaa doidosok, fo Au muse inu ka do ta?” Lataa lae, “Ami mapalanin.”

MATEOS 20:22 Referans Kwoze

LUKAS 22:42

nae, “Ama, metema bole soona, madook doidosok fo Au muse la'ola'din ia neme Au a mai leona. Tehu boso tunga Au hihii-nanaung, te tunga ka'da Ama ka hihii-nanaun.”

MATEOS 26:42

Boema Yesus neu hule-haladoi la'i esa seluk nae, “Ama, metema doidosok ia, Au muse la'o la'din, ma ta hapu tao nadoo kana fa soona, neme na fo Ama hihii-nanaun da'di leona.”

YOHANIS 18:11

Boema Yesus nafa'da Petrus nae, “So'dok falik o tafaina ma leo mamanan dale neu! Ade tunga o dale dodoo ma, neukose Au ta inu nggalaa doidosok fo Ama ka fen neu Au ndia fa do?”

MARKUS 14:36

Ana hule-haladoi nae, “Ama, ou Ama, ta hapu hata esa boen fo Ama ta hapu tao nala fan. So'u ma doidosok ia neme Au a mai. Tehu boso tunga Au hihii-nanaung, te tunga ka'da Ama ka, hihii-nanaun.”

MATEOS 26:39

Basa boema Ana la'ok leo uluk neu doo-doo ana faa, de Ana senek boema Ana hule-haladoi nae. “Ama, metema Ama nau soona, madok doidosok fo Au muse lu'a-lepan ia neme Au a mai. Tehu boso tunga Au hihii-nanaung, te tunga ka'da Ama hihii-nanaun.”

ROMA 8:26

Leondiak boe, metema ita nai tapandoe sa dalek soona, Manetualain Dula Dale na mai tulu-fali ita. Nana ita ta bubuluk, ita hule-haladoi tao leo bee ka fa; Dula dalek ndia nde hule-haladoi nggati ita nai Manetualain matan.

YESAYA 51:22

O Manetualain-ma, nafa'da nae leo ia, Emi Amam Manetualain, fo nasala'e emi, “Doidosok fo Au fen nai Au nasa-melung dale-a, neukose Au ho'i falik-kana, neme o mai. Neukose Au nasa-melung tenak, de emi boso boe, lu'a-lepa bain.

YAKOBIS 4:3

Ma leomae emi moken so boe, tehu leondiak boeo emi ta hapu fan, nana emi nonokem ndia, sala eno na; hata fo emi mokek ndia nde bee na, soaneu emi hapu manuu hika-setelee daebafa ka mesa kana.

LUKAS 12:50

Bei hapu doidoso matuaina, fo Au muse la'ola'din. Ma Au dale nga ta tesa tama nanseli, metema dede'ak ndia beita da'di fa.

YEREMIA 49:12

Hataholi fo ta nandaa huhukuk fa neukose ana hapu huhukuk boe, tao le'e de o ta? neukose o hapu huhukuk!

MATEOS 26:56

Tehu memak muse leondiak, fo ela hata fo nabi la sula kana nai susula Malalaok dale, ana da'di leona.” Basa ndia boema basa ana mana tunga nala lalai la'oelan.

AMSAL 16:18

Koao-ndaeaok-ka neninin-na nde nakalulutuk-ka; namatutua-namadedema aoinak-ka, neninin-na nde tutu'dak-ka.

MAZMUR 75:3

Manetualain nafa'da nae, “Nai faik fo Au aketu basan so, neukose Au aketu-ala'di, tunga ndoos ma matetuk.

MATEOS 26:35

Tehu Petrus nataa nae, “Leomae au muse mate o Ama boeo, neukose au ta afa'da ae, au ta alelak Ama fa!” Ma basa ana mana tunga fe'e nala boeo lae leondia.

YESAYA 51:17

Fo'a leon, hai Yerusalem, fo'a leona! Huhukuk fo Manetualain naketun, nanahu nasa-melun-na, au akalala'ok-kana, losa basan so.