MATEOS 19:22 - Susula Malalaok Hehelu Palak Ma Hehelu Beuk

²² Tou muli-soluk ndia namanene dede'ak ndia boema ana la'o no dale he'dik, nanahu touanak ndia hataholi kamasu'i ina.

MATEOS 19:22 Referans Kwoze

MATEOS 6:24

“Ta hapu hataholi esa tao-no'i fe tuan dua la'iesa fa. Nanahu neukose ana sue-lai esa lenaheni esa ka. Boema neukose ana lilineka nahele tuan esa, tehu esa ka soona ta. Leondiak boe, ba'eneu emi. Emi ta hapu tao-no'i soaneu Manetualain, ma soaneu hata-heto daebafa ka fa.

YESKIAL 33:31

Boema langanongo mai, fo da'di leo Au anang, de langatuuk fo lamanene o hala-kokolam, tehu ala ta tunga o hala kokolam sila-la fa. Difadoon-nala kokolak dede'a susue-lalaik-ka, tehu nai dalen-nala dalek, ala dodoo ka'da nanalak-ka mesak-kana.

MATEOS 13:22

Bini-ngges fo mana tu'da nai dila-nggauk tala'da, nakasasama na leo hataholi fo namanene halak sila la, tehu dale nala laba'e la'eneu so'da nala, ma ala hii ka'da laso'da lai hahapu-dadai mana dai lena ka dalek. Hu ndia de, halak maneme Manetualain mai a, nananakahapik nai dale nala dalek, de nalosa ta nabuna naboa fa.

KOLOSE 3:5

Hu ndia de, tao makamate emi hihii-nanau daebafam fo ana tao nakalulutuk emi maso'da ma fo nde, sosoa-piao ka, dede'a ta kandaa kala fa, nasa sasao ana masuu ka, hihii-nanau mangalau ka, ma tene peta ka, nana tene peta ka sama no sosongo-tatango ka.

EFESUS 5:5

Taoafik matalolole hataholi mana sosoa-piao ka, do matetu-mandaa ta ka, do mana tene peta ka ha'da-tatao matak leo sila kala, sama no sosongo-tatango ka, hataholi ndia, ta hapu da'di lima eik hataholi kamahehelek fo Kristus ma Manetualain paleta fan.

MARKUS 10:22

Hataholi ndia namanene Yesus nafa'da nae leondia boema, dale na ba'ihana, tutika ana la'oela mamanak ndia no dale na susa, nana hataholi ndia kamasu'iina.

MATEOS 16:26

Ade hataholi esa hapu nanalak hata, metema ana hapu daebafa ka lala'ena, tehu namopo so'da samane na? Ade so'dak ndia hapu tukan ninik hata esa do?

LUKAS 18:23

Tehu lelek hataholi ndia namanene dede'ak ndia boema, dale na he'di sa, nanahu hataholi ndia, hataholi kamasu'ik nanseli.

MATEOS 14:9

Herodes namanene nonokek ndia boema dale na he'di nanseli. Te hu ka nde ana soo-supa basa nai fui nala matan so, de ka'da ana fe paleta fo daenga ana tao natetu ina anak ndia hala nonoke na.

MARKUS 6:26

Herodes namanene nonokek ndia boema, dale na he'di sa nanseli. Tehu ana ta hapu tipa nonokek ndia fa nana ana soo-supa basa nai fui nala matan so.

MAZMUR 17:14

Soi-po'i au neme hataholi-hataholi, fo manamakaduduluk hata-heto nai daebafak-ka. Hukus nenik susa-soe fo O sadia basan soaneus so. Nemen-na fo, huku sila upu-anan-nala boe.

MATEOS 19:21

Boema Yesus nafa'dan nae, “Metema o nau matetu-mandaa soona, muu mase'oheni basa o hata-hetom lala'ena, fo fe doi na leo hataholi nuu ta-hata ta ka neu, fo daenga neukose o hapu hata-heto nai nusa so'da ka. Basa ndia soona, mai fo tunga Au!”

MATEOS 19:23

Boema Yesus nafa'da ana mana tunga nala nae, “Au afa'da neu emi te, tea na seli ba'eneu hataholi kamasu'i ka ana da'di lima eik neme Manetualain hataholi kamahehelen.

YOHANIS 16:20

Mamahele leona, te neukose emi kii-makaleleu, tehu neukose daebafa ka namahoko-setelee. Neukose emi dale ma he'di sa, tehu emi dale he'dim ndia, nasafali da'di namahoko-seteleek.