MATEOS 19:14 - Susula Malalaok Hehelu Palak Ma Hehelu Beuk

¹⁴ Boema Yesus nafa'da ana mana tunga nala nae, “Neme na fo ni'iana sila la mai leo Au mai! Boso kena-ka'is, nanahu hataholi leo ia kala, nde da'di lima-eik neme Manetualain hataholi kamahehele nala.”

MATEOS 19:14 Referans Kwoze

MATEOS 18:3

Boema nafa'das nae, “Mamahele leona! Ka'da metema emi da'di masafali sama leo ni'iana ia soona, neukose emi da'di lima eik neme Manetualain hataholi kamahehele nala mai.

1 KORINTUS 14:20

Tolano-tolanoo ngala lemin! Boso dudu'a-dodoo sama leo ni'iana. Nai dede'a mangalau ka dalek soona, ela leo bee na emi mahele sama leo ni'iana. Tehu nai dudu'a-aafi ka dalek soona, ela leo bee na emi da'di hataholi fo touinak so.

MARKUS 10:14

Yesus nita boema, namanasa de nafa'da ana mana tunga nala nae, “Neme na fo ni'iana sila la ala mai leo Au mai! Boso kena-ka'is, nana hataholi leoia kala nde da'di lima eik neme Manetualain hataholi kamahehele nala mai.

MATEOS 11:25

Lelek ndia, Yesus hule-haladoi nae, “Amak, fo Lamatuak mana koasa lalai a ma daebafa ka! Au oke makasi neu O, nanahu basa dede'ak sila la, O bibila babaas soaneu hataholi malela kala ma hataholi malela ina la, tehu O matu'dun neu hataholi mana sakola ta kala.

SEMUEL SUSULAK-KA ESAN-NA 1:11

Basa boema, Hana kokolak dede'a hehelu-balataak-ka nae, “Manetualain Fo Manakoasa, taoafik neu O atam ia! Mete-makanae atam-ma doi-doson. Mafandendelek atam-ma, fo boso mafandele henin! Metema O fe atam-ma anatouk esa soona, atam-ma naheluk, neukose atam-ma fen leo O neu, fo O soan losa ana mate. Boeo atam-ma naheluk, nae neukose ta nggute langadoo-na fa.”

HAKIM-HAKIM 13:7

Tehu nafa'da nae, neukose au ailu, fo au bongi nii'ana touanak esa. Boeo nafa'da nae, au ta bole inu angol do nininuk fo neni mamafuk, do au u'a hata nananalulik, nana muse fe ni'iana ndia leo Manetualain neu, fo ana da'di hataholi esa, ana fe aoinan-na neu Manetualain, nai fai maso'dan-na dalek.”

SEMUEL SUSULAK-KA ESAN-NA 2:18

Ndia te, Semuel fo bei ni'iana ndia, nalalau-naoono nakandoo Manetualain. Ana pake ba'du nanaseu hehelik neme tema abalutu mai, sama leo basa imam-mala ba'du makaluku-makatelen.

SEMUEL SUSULAK-KA ESAN-NA 1:24

Fina heni Semuel boema, inan non leo Manetualain Uman neu, nai Silo. Nai lelek ndia, bei anak-ka nanseli. Hana boeo neni sapi mane fa'di teluk esa, gandum kilo sanahulu, ma alukosu bana louk esa, henuk no angol.

KEJADIAN 21:4

de lelek Isak faik 8 boema, Abraham sunat-ana, nandaa no Manetualain paletan-na.

SEMUEL SUSULAK-KA ESAN-NA 1:22

Tehu oek ia, Hana ta tunga fa. Nafa'da saotoun-na nae, “Mahani fo fina heni Semuel soona, neukose au on leo Manetualain Uman neu, ma nai fai maso'dan-na dalek, neukose ana leo nai naa.”

MATEOS 5:3

“Maua-manalek neu hataholi fo name'da nana balakain ta, de namahena neu ka'da Lamatua ka mesa kana; nanahu sila nde da'di Manetualain hataholi kamahehele nala!

MATEOS 5:10

Maua-manalek neu hataholi mana doidoso ka, nana fefepa-lili'uk hu ka nde ana tao-no'i Manetualain hihii-nanaun; nanahu sila nde da'di Manetualain hataholi kamahehele nala!

MATEOS 19:15

Boema Yesus lala liman na neu ni'iana sila la lain de Ana fes baba'e-papalak. Basa boema Ana la'oela mamanak ndia.

MARKUS 10:15

Mafandendelek dede'a ka nde ia! See ta neu nataa Manetualain sama na leo ni'iana esa fa soona, neukose ana ta da'di lima eik neme Manetualain hataholi kamahehele nala fa.”