MATEOS 18:4 - Susula Malalaok Hehelu Palak Ma Hehelu Beuk

⁴ Hataholi fo nakaloe-nakadae ao ina na, fo ana da'di sama leo ni'iana ia soona, ndia nde matua ba'u lena nai Manetualain hataholi kamahehele nala dalek.

MATEOS 18:4 Referans Kwoze

YAKOBIS 4:10

Ela leo bee na, emi makaloe-makadae ao ma, nai Amak Manetualain matan, fo besa ka Ana so'u namadedema emi.

LUKAS 14:11

Nana basa hataholi fo namatutua-namadedema aoina na, neukose nananakaloloe-nakadadaek, tehu hataholi fo nakaloe-nakadae aoina na, neukose nananamatutua-namadedemak.”

MARKUS 10:43

Tehu emi soona, boso tao leondiak! Dede'a nasafali na nae, hataholi fo ana nau da'di matua nai emi tala'da soona, muse ana nau da'di emi manamalalau-maoonom.

LUKAS 9:48

Boema nafa'da ana manatunga nala nae, “Hataholi fo ana sipok ni'iana ia nanahu Au soona, sosoa na nae, ana sipok Au. Ma hataholi fo mana sipok Au a, ana sipok Ndia fo manamadenu Au a. Nana hataholi fo kome'doana nai emi tala'da, ndia nde matua lena!”

1 PETRUS 5:5

Leondiak boe, tolanoo muli solu kala lemin! Tunga lasi kala paleta na. Emi muse makaloe-makadae ao mala, ma esa nalalau-naoono esa no dale nakaloe aok. Nana nai Susula Malalaok dale nanasulak nae leo ia, “Manetualain la'ban hataholi mana koao-ndaeao ka, tehu Ana sue-lai hataholi mana makaloloe-makadae ao ka.”

MATEOS 18:1

Lelek ndia, Yesus ana mana tunga nala mai de latanen lae, “See ka nde lafa'da lae matua ba'u lena nai Manetualain hataholi kamahehele nala dalek?”

YESAYA 57:15

Nana Manetualain Fo Mademaina, ma malalao-malalafuk, fo manakoasa losa dodoon-na, nafa'da nae leoia, “Au leo nai mamana mademaina, ma malalao-malalafuk, tehu, nai hataholi dale taidaek-kala, tala'da, ma nai hataholi manatukatei-saledale leme sala-singon-nala mai, fo daenga tao labebeu sila manggaten, ma namahehenan-na, tala'da boe.

MATEOS 18:3

Boema nafa'das nae, “Mamahele leona! Ka'da metema emi da'di masafali sama leo ni'iana ia soona, neukose emi da'di lima eik neme Manetualain hataholi kamahehele nala mai.

MATEOS 18:5

Ma hataholi fo ana sipok ni'iana fo leo ia ka hu ka nde Au, soona sosoa na nae, ana sipok Au.”

MARKUS 9:34

Ala ta lataa fa, nana lale'a leme eno tala'dak ndia, lale'a la'eneu see ka nde matualena.