MATEOS 18:22 - Susula Malalaok Hehelu Palak Ma Hehelu Beuk

²² Boema Yesus naen nae, “Ta, ta losa ka'da la'i hitu fa, tehu la'i hitu hulu la'i hitu!

MATEOS 18:22 Referans Kwoze

KOLOSE 3:13

Esa boso hae lai namanasa esa boen, esa fe do'o do ampon neu esa, metema esa bei nape'da dalek no esa. No namahokok. Lamatua ka ana fe do'o do ampon neu emi so.

MARKUS 11:25

Ma metema emi hule haladoi, tehu emi dale ma ta malole no hataholi esa, soona fe do'o do ampon nakahuluk neu hataholi ndia, fo ela emi Amam manai nusa so'da ka boeo, Ana fe do'o do ampon neu emi sala-singo mala. [

EFESUS 4:31

Tao mamopo basa dale he'dik lala'ena, nape'da dale ka ma nasa-melu ka. Hahae nasapala ka, ma dodoki-aali ka. Boso boe mape'da dudu'a-aafi nakamuu-nakadau ka do dudu'a-aafi fe'ek matak leondia ka bai.

KEJADIAN 4:24

Nana, metema hataholi manataonisa Kaen-na, muse ana hapu babalan-na diku la'i hitu, soona hataholi manataonisa Lamek-ka, muse ana hapu babalan-na diku la'i hituhulu hitu.”

ROMA 12:21

Boso po'ilotak mangalau ka paleta emi so'da ma, te ela leo bee na emi sengi mangalau ka ninik tatao-nono'i malole.

MIKHA 7:19

Neukose O sue-lai seluk ami, ma fe do'o do ampon neu ami. Neukose O lulumu-eese ami sala-singom-mala, fo O tapas leo tasi buin-na neu!

EFESUS 4:26

Metema emi mamanasa soona, boso po'ilotak nasak ndia, nini fe emi sala-singok. Boso mamanasa losa le'do tenak,

YESAYA 55:7

Ela leo been-na, hataholi manatao tatao-nono'i mangalauk-ka, ana tao nahii so'dan-na, ma nasafali dudu'a-aafin. Nemen-na, fo ana fali ma'in leo Manetualain mai, fo ela ana hapu susue-lalain. Ela leo been-na, ana lepos fali leo ita Manetualain-na mai, nana Manetualain fe do'o do ampon no dale manasue-manalaik.

1 TIMOTIUS 2:8

Au nau, fo ela su'di nai mamanak bee ndia boe, basa tou kala hule-haladoi no dale malalaok, boso no nasa-meluk do nale'a-napilik.

MATEOS 18:23

Nanahu metema Manetualain paleta soona, heheo-hihilun sama leo nakandandaak ia: Manek esa ana nau ndia atan fo mana mahuta nana, ana bae ketu huta nala lala'ena.