MATEOS 17:24 - Susula Malalaok Hehelu Palak Ma Hehelu Beuk

²⁴ Lelek fo Yesus no ana mana tunga nala losa Kapernaum boema mana susu bea manai Manetualain uma na, ala mai de latane Petrus lae, “O mese ma, ana bae Manetualain Uma na bea na do ta?”

MATEOS 17:24 Referans Kwoze

KELUARAN 38:26

Lilopilas, lilofulak dede'un-na sama no hata fo basa hataholi nanasulak nai leleke samanek ndia dalek, baba'en-nala. Basa hataholi-la bae tunga dede'uk fo nanaketu basak, ma nanataik tunga tatais fo nanapakek nai Manetualain Lalaa Teman-na. Nai leleke samanek ndia dalek, hapu touk fo teun duahulu leo lain neu, dede'un-na hataholi 603.550.

KELUARAN 30:13

Basa hataholi fo nanalekek nai lelekek ndia, ala muse bae doik dede'un-na tunga dede'uk fo nananaketu basak nai Au Lalaa Temang-nga, da'di leo tutulu-fafali hehelik soaneu Au.

MARKUS 9:33

Ala losa uma esa nai Kapernaum boema, Yesus natane ana mana tunga nala nae, “Na'ka sa emi matataneaok beek neme eno tala'dak?”

NEHEMIA 10:32

Tunga teuk, neukose ami esa-esak fe lilofulak gram lima soaneu asa Manetualain Uman-na paluun-na.

MATEOS 5:46

Nanahu metema emi sue-lai ka'da hataholi mana sue-lai emi soona, sosoak hata Manetualain muse balas emi tatao-nono'im ndia? Ade mana susu bea la boeo, ala ta tao leondiak fa do?