MATEOS 16:27 - Susula Malalaok Hehelu Palak Ma Hehelu Beuk

²⁷ Ta doo ka so'on te Ana Hataholi ka sama-sama no ata nusa so'da nala, neukose ala mai no Ama ka koasa na. Nai lelek ndia, neukose Ana balas hataholi a esa-esak, nandaa no tatao-nono'in.

MATEOS 16:27 Referans Kwoze

2 KORINTUS 5:10

Nana tao leo bee o, ita basa-basa tala nanakalaak leo Kristus kandela kekee-fufulan mata na teu, fo neukose ita esa-esak hapu babala na, nandaa no tatao-nono'in nai daebafak ia, nau tatao-nono'i malalole do tatao-nono'i mangalauk boe.

MAZMUR 62:12

Au amanene Manetualain nafa'da la'i de'ubee, nae koasa, ana mai neme Ndia mai,

ROMA 2:6

Nana neukose Manetualain balas hataholi esa-esak, nandaa no tatao-nono'i nala.

ROMA 14:12

Da'di, ita esa-esak muse tataa basa ita tatao-nono'in lala'ena neu Manetualain.

YEREMIA 17:10

Au Manetualain, manapalisak dalek, Au su'di-dou hataholi daebafak dale bobongo anan-na, Neukose Au balas hataholi-a esa-esak tunga ndia tatao-nono'in. boema Au tao tunga sila tatao-nono'in.”

EFESUS 6:8

Mafandendelek te, hataholi a esa-esak, nau ata do hataholi ao loak ndia boeo, neukose ana sipo babala na neme Lamatua ka mai, soaneu tatao-nono'i malole fo ana tao-no'i nana.

YUDAS 1:14

Hanok nde bee na, bobongi ka hitu a, neme Adam mai, fo makahulu na nafa'da ela la'eneu hataholi sila la nae, “Mete leo na, te neukose Amak Manetualain Ana mai no ata malalaon lifu-lifu kala,

AMSAL 24:12

O bole mafa'da mae, “Au ta nai dede'ak ndia dalek fa.” Tehu, Manetualain taoafik neu o. Ana bubuluk, de naketu-nala'di o dudu'a-aafim. Ana balas hataholi daebafak-ka nandaa no tatao-nono'in.

NINITAK 20:12

Ma au ita hataholi manamate kala ana-matua lapadeik lai kandela manek ndia mata na. Boema susula kala boeo nanabukak. Boema susula fe'ek esa nanabukak, fo nde Susula Hataholi Maso'da ka. Basa boema huhuku ka nanaketuk neu hataholi manamate kala, nandaa no sila tatao-nono'in tunga hata fo nanasulak nai susulak sila la dalek.

NINITAK 2:23

Neukose Au taoisa la'iesak hataholi manatunga nala boe, fo ela basa salani kala lame'da lae, Au nde Ndia fo manabubuluk hataholi daebafa ka dudu'a-aafin ma dale nala. Neukose Au balas emi tunga emi esa-esak tatao-nono'in.

AYUB 34:11

Ana balas hataholi daebafak-ka, nandaa no tatao-nono'in ma Ana taon nandaa no ha'da-paliin.

MATEOS 25:31

“Metema Ana Hataholi ka Ana mai da'dileo Lamatua ka, nonok ata nusa so'da nala soona, nangatuuk neu kandela mandela-masa'an lain,

YEREMIA 32:19

O dudu'a-dodoo fai manamaim-ma ana seli nanseli, ma O tatao-nono'im manada'dik beuk; O mita la'iesak hataholi daebafak-ka tatao-nono'in lala'en-na, de O balas-sala nanda no sila tatao-nono'in.

LUKAS 21:27

Nai lelek ndia nde Ana Hataholi ka neukose ana mai nai koas dale koasa ma ndela-sa'a matuaina na.

MARKUS 14:62

Boema Yesus nae, “Au nde Ndia so. Neukose emi mita Ana Hataholi ka nangatuuk nai Manetualain Fo Mana Koasa boboa kona na, ma neukose Ana mai nai ko'as dale, neme lalai mai!”

MARKUS 8:38

Makanaema hataholi esa ana mae manaku Au ma Au nanoli nga nai le'do fai malenalanga-masa'basok ma mangalauk ia soona, Ana Hataholi ka boeo, neukose Ana mae manaku hataholi ndia nai lelek fo Ana Hataholi ka Ana mai no Aman koasa na, ma no ata nusa so'dak malalao nala.”

MATEOS 24:30

Basa ndia soona, ta'du-tana Ana Hataholi ka nananitak nai lalai. Neu lelek ndia, basa leoina manai daebafa ka neukose ala kii makaleleu. Neukose lita Ana Hataholi ka Ana mai nai ko'as lain no koasa ma mandela-masa'a matua ina.

ZAKHARIA 14:5

Neukose, emi malai tunga bafak fo manaba'e letek ndia neu 2. Neukose emi malai sama leo emi bei-ba'i kaim-mala, nai lelek dae manggengok-ka, ana da'di nai tepo-lelek, Uzia fo mane Yehuda paleta. Boema, Manetualain fo Manetualaing-nga, Ana mai, no basa ata nusa so'dan-nala tungan.

YESKIAL 7:27

Neukose Manek-ka, ana kii-makaleleu, ma ketu maneana namahehenan-na, boema neukose laun-na, ana dele ngge'be-ngge'be no bibii-namatauk-ka. Neukose, Au huku emi nandaa no emi tatao-nono'im lala'en-na, ma Au aketu-ala'di emi, sama leo emi maketu-mala'di hataholi fe'ek. Soona besak-ka, emi bubuluk mae Au nde Manetualain-na.”

NINITAK 1:7

Mete leona! Yesus mai no ko'a sa ana poti nan! Basa hataholi la neukose litan, nai dalek sila fo manapau nana boe. Basa leoina manai daebafa ka lala'ena neukose ala kii-makaleleu nanahu Hataholi ndia. Hei, dede'ak ndia neukose ana da'di! Amin!

HATAHOLI 1:11

boema lafa'das lae, “Hai, hataholi Galilea la lemin, tao le'e de emi mapadeik meu ndia de emi manganalo leo lalai meu? Yesus fo emi mitan nanaso'uk leo nusa so'da ka neme emi matam mai ndia, neukose Ana fali ma'i selu kana leondiak, sama leo na'ka sa emi mitan ndia boe.”

MATEOS 26:64

Boema Yesus nataa nae, “O nde mafa'da mae leondia. Tehu mamahele leona: te mulai hatematak ia, neukose emi mita Ana Hataholi ka nangatuuk nai Manetualain fo Mana Koasa boboa kona na, boema Ana mai nai ko'as lain nai lalai!”

1 PETRUS 1:17

Emi maloo Manetualain ndia mae Amak, nai lelek fo emi hule-haladoi neun. Na, Manetualain ndia nde naketu-nala'di hataholi daebafa ka, nandaa no esa-esak tatao-nono'in, nana Manetualain ta metematak fa. Hu ndia de, nai lelek fo emi bei maso'da nai daebafak ia, ela leo bee na, emi mamatutua-mamadedema Manetualain, nai emi maso'da ma dalek.

LUKAS 22:69

Tehu mulai besak ia, neukose Ana Hataholi ka nangatuuk nai Amak Fo Mana Koasa Matua Ina boboa kona na.”

LUKAS 9:26

Metema hataholi a mae manaku Au ma Au nanoli nga soona, Ana Hataholi ka boeo neukose Ana mae manaku hataholi ndia nai lelek Ana fali ma'in no koasa na, ma no Ama ka koasa na, boema ata nusa so'dak fo malalaok koasa nala!

MATEOS 13:49

Leondiak boe, neu Fai Mate'e ka te, neukose ata nusa so'da kala, ala ta'da fe'e hataholi mangalau kala leme hataholi mana tao tunga Manetualain hihii-nanau na.

DANIAL 7:10

ma ha'i-a nasalolo'de neme kandela manek ndia mai. Hataholi lifu-lifun lalalau-laoonon, ma hataholi duta-duta lapadeik lai matan-na. Basa boema, mulai buka sidang nakeketuk-ka, ma susulak-kala nanabukak.

1 TESALONIKA 1:10

Boeo ala kokolak la'eneu, tao leo beek de, emi tao emi mamahehena ma neu Manetualain Ana na mamain neme nusa so'da ka mai, fo nde Yesus, fo Manetualain tao naso'da fali kana, neme mamate sa mai so. Yesus ndia boeo, nde soi-tefa nala ita teme Manetualain nasa melun, nai fai mana mai ka.

1 TESALONIKA 4:16

Mahani te, neukose ata nusa so'da kala malanga na, naloo napane'e ma Manetualain pupuu na, nanapuuk da'di ta'du-tana esa. Soona, Lamatuak Yesus kona neme nusa so'da ka mai, ma hataholi kamahehelek mana mate basa kala, neukose Manetualain tao naso'da fali kasa lakahuluk.

MATEOS 13:41

Ana Hataholi ka neukose nadenu ata nusa so'da nala, fo laloo lakabubua basa Manetualain hataholi kamahehelen, fo manini sala-singok fe hataholi fe'e kala ma basa hataholi mana tao tatao-nono'i mangalau kala,

1 KORINTUS 8:8

Tunga ndo na, nana'a-nininuk ta nde tao na ita tututi-nanaton to Manetualai na natea-nahele fa. Metema ita ta'a nana'ak ndia soona, ita ta hapu nanalak hata esa boen. Nasafali na, metema ita ta ta'a nana'ak ndia fa soona, ita boeo ta tu'da hata esa boen.

MATEOS 8:20

Boema Yesus nataa nae, “Busa fui boeo mabolok, ma manupui mandunuk, tehu Ana Hataholi ka mamanan ta soaneu nakalololik ao na.”

PENGKHOTBAH 3:17

Au dale dodoong-nga, neukose Manetualain naketu-nala'di, nau hataholi malole do hataholi mangalauk boe, nana nai de'deak lala'en-na, ma tatao-nono'ik lala'en-na, neukose ala da'di nai faik fo Manetualain naketuk-ka.

YESKIAL 18:20

Neukose matek-ka nde, hataholi fo manatao sala-singok-ka. Anak-ka, ta nde muse lu'a-lepa, aman sala-singon, ma amak-ka, ta nde muse lu'a-lepa anan-na, sala-singon fa. Hataholi malole-a, neukose ana sipo baba'e-papala malole, nanahu tatao-nono'i malolen-na. Ma hataholi manatao mangalauk-ka, neukose ana doidoso, hu kande tatao-nono'i mangalaun-nala.

YOHANIS 21:22

Boema Yesus naen nae, “Leo uni ka, Au nau naso'da nahele losa Au fali ma'i nga o, o ito atom ta ndia fa. Tehu o soona, tunga Au leona!”

YOHANIS 21:23

Boema hala ka nakapela nai Yesus ana manatunga nala tala'da nae, neukose Yesus ana manatungan ndia, ta mate fan. Te see ko na Yesus ta nafa'da nae, ana manatungan ndia neukose ta mate fan, tehu nae, “Leo uni ka, Au nau naso'da nahele losa Au fali ma'i nga o, o ito atom ta ndia fa.”

1 KORINTUS 3:13

Hataholi a esa-esak ue osan neukose nananitak nai faik fo Kristus fafali ma'i na. Nana neu faik ndia te, neukose ha'i nde tao na hataholi a esa-esak ue osan nananitak. Neukose ha'i nde fola ma naketu ue osak sila matea-mahelen.

1 KORINTUS 15:23

Tehu neukose esa-esak nanatao naso'da falik tunga ndia baba'e na: makasososa na Kristus; basa boema mahani te nai lelek Ana mai selu ka, hataholi-hataholi fo nanalekek Kristus nuu nala, tunga esa-esak baba'en.

KOLOSE 3:25

Ma see tao salak soona, ana lu'a-lepa aon salak ndia; nanahu Lamatua ka ta metematak fa.

YAKOBIS 5:7

Hu ndia, tolano-tolanoo ngala lemin! Boso haelai mamanasa losa Lamatua ka fai mamai na. Mete mitak hataholi mana tao tina osi esa, nahani losa dae oen nini fen buna boa kabelik. Ana ta haelai namanasa fa, te nahani nahele u'da oe faa ka ma u'da oe timu a.

1 YOHANIS 2:28

Hu ndia ana ngala lemin! Maso'da mahele mo Kristus, fo ela neu faik fo Ana mai a, ita tapalani teu tataan, te ita ta teu ke'ke, hu ka nde bibii-mamae ka fa.