MATEOS 16:17 - Susula Malalaok Hehelu Palak Ma Hehelu Beuk

¹⁷ Boema Yesus naen nae, “O maua-manale manseli Simon, fo Yona anan! Nana hataholi daebafak ta nde nafa'da dede'ak ndia neu o fa, tehu Au Amang manai nusa so'da ka.

MATEOS 16:17 Referans Kwoze

YOHANIS 6:45

Ala sula kana nai Nabi la Susulan dale nae leo ia: ‘Neukose Manetualain nanoli basa hataholi la.’ Hu ndia de, see namanene Ama ka, ma nanoli neme Ama ka mai soona, ana mai leo Au mai.

1 YOHANIS 5:20

Ita bubuluk basa, Manetualain Ana na mai, de ana fe ita malelak fo daenga ita talelak Manetualain fo ndo sa. Fo ela ita taso'da to Manetualain fo ndo sa, ma taso'da to Anan fo Yesus Kristus. Ndia nde Manetualain fo ndo sa, ma Ndia nde so'da matetu ka mana ketu basa ta ka.

GALATIA 1:16

Manetualain natu'du Ana na neu au, fo ela au tui-benga Hala Malole la'eneu Anan ndia neu hataholi ta Yahudi la. Lelek ndia, au ta oke nanoli-nafa'dak neme hataholi esa mai boen.

1 KORINTUS 15:50

Tolano-tolanoo ngala lemin, au dudu'a nga nde bee na: ao paak fo nananakadada'dik neme daak ma paa ia, ana ta hapu masok leo Manetualain Daebafa Beu na fa; ma ao paak fo hapu maten ia, ana ta hapu da'di matea-mahelek fa.

EFESUS 3:5

Makahulu na Lamatua ka beita nafa'da nita dede'a nafunik ndia neu hataholi fa, tehu besak ia, Manetualain Dula Dale na nafa'dan neu Lamatua ka hataholi nadedenu nala lo nabi nala so.

YESAYA 54:13

Basa o laum-mala, ala da'di Au ana sakolang, neukose ala hapu tetu-temak ma so'da-molek.

1 YOHANIS 4:15

Ba'eneu see fo ana sipok Yesus ndia nde been-na Manetualain Anan soona, Manetualain naso'da no hataholi ndia, ma hataholi ndia boeo, naso'da no Manetualain.

1 PETRUS 5:1

Au oke, mana mauli-malanga salani kala taoafik neu salani kala. Au sulak susulak ia, sama leo nonoo mauli-malangan, ma sama leo hataholi fo mana sakasii matan Kristus doidoso na so, de neukose au boeo nananamatutua-namadedemak, nai lelek fo Kristus namatutua-namadedeman nananatu'duk neu hataholi daebafa ka. Hu ndia de, au oke anseli,

EFESUS 2:8

Manetualain sue-lai emi, hu ndia de Ana soi-tefa na emi, nanahu emi mamahele Yesus. Emi so'da-molem ndia, ta neme emi ue-osam buna-boan mai fa, te hu ka nde Manetualain baba'e-babatin. Da'di, ta hapu hataholi esa boen, fo ana koao la'eneu dede'ak ndia fa.

YOHANIS 1:42

Boema Anderias no Simon leu leo Yesus leu. Yesus mete tetee Simon boema nafa'dan nae, “O Simon, Yona anan. Neukose loke o soona lae, Kefas.” (Kefas sama leo Petrus, fo sosoa na nae, lete batu.)

IBRANI 2:14

Hu ndia de, basa hataholi fo noken nae anak ndia, nde bee na mahahae hataholi daebafak fo hapu maten, soona Yesus mesa kana sama hataholi sila, ma leo naso'da nai ha'da-tatao hataholi daebafa ka dalek. Ana tao leondiak, fo ela no mamate na, Ana hapu tao nakalulutuk Nitu fo mana koasa mamate sa.

EFESUS 6:12

Nanahu ita ta ulepo'de soaneu laban hataholi daebafak fa, tehu ita laban be'ibalakaik maneme basa nitu mana koasa nai le'do fai mangalauk ia lala'ena. Ita la'ban dula dale manga lauk fo mana koasa nai lalai ma daebafa ka, be'ibalakain.

LUKAS 22:32

Tehu Au hule-haladoi basa soaneu o so Simon, fo ela o namahe le ma boso kou-mosa. Ma metema o fali leo Au mai soona, o muse matetea-mahehele o tolanoo mala.”