MATEOS 15:28 - Susula Malalaok Hehelu Palak Ma Hehelu Beuk

²⁸ Boema Yesus nafa'dan nae, Ina, o namahehele ma te'e-te'e ba'u na seli. Neme na fo, hata fo o mahii kana, ana da'di leona! No hate matak ndia boe, inak ndia ana na, ana hai.

MATEOS 15:28 Referans Kwoze

MATEOS 8:13

Boema Yesus nafa'da malanga solda'du ndia nae, “Fali leona, te hata o mamahele ka, ana da'di so.” Boema no besak ndia boe, ata ndia ana lea-hai.

MARKUS 5:34

Boema Yesus nafa'dan nae, “Ana ngonei, hu ka nde o mamahele Au de o lea-hai! Mu'u ma no so'da-molek leona. Te o lea-hai makandoo so!”

MATEOS 9:22

Hatematak ndia boe, Yesus lipa leo dea neu, de nita inak ndia boema, nafa'dan nae, “Matetea o dale ma leon ana ngo! Hu ka nde o mamahele au de, o hai so!” No hatematak ndia boe, inak ndia hai.

MAZMUR 145:19

Ana tao namahoko hataholi kamahehelek-kala dalen-na; Namanene sila hala naloloon-na, de Ana soi-tefa-nalas.

MATEOS 8:10

Lelek fo Yesus namanene hata fo malanga solda'du matua ina ndia hala-kokola na boema Ana dodoo doa kana. Boema nafa'da basa hataholi mana tunga nana nae, “Hataholi ia anseli. Nanahu nai hataholi Israe la dalek, Au beita atongo o hataholi namahehelen ba'u ia fa!

LUKAS 17:5

Basa ana manatunga nala lafa'da Lamatuak Yesus lae, “Lamatuak, matetea-mahehele ami namahehele ma leona.”

LUKAS 7:50

Tehu Yesus nafa'da inak ndia nae, “Hu ka nde o mamahele Au, de o hapu so'dak. Mu'u ma leona no mole-dame!”

AYUB 13:15

Au daleng-nga kisak, nana ketu au namahehenang-nga so! Metema, Manetualain sanga taonisa au soona, au ta aule-ahelu fa, tehu, neukose au asala'e ha'da-paliing, nai matan-na.

LUKAS 7:9

Yesus dodoo doa kana namanene dede'ak ndia. Ana lipa de nafa'da neu hataholi makadotok fo ala bei tunga nana nae, “Hataholi ia anseli. Te'e-te'e, nai hataholi Israe la tala'da boeo, Au beita atongo o namahehelek ba'u ia fa!”

AYUB 23:10

Tehu, Ana bubuluk basa au enong lala'en-na, boeo au ei nggangganing lala'en-na Metema, Ana fola au, sama leo lilopilas-sa, soona neukose, Ana bubuluk nae, au daleng-nga leo lilo isik.

2 TESALONIKA 1:3

Tolano-tolanoo ngala lemin! Ami muse moke makasi tataas esa neu Manetualain, hu ka nde emi. Ma memak nandaa ami tao leondiak, nana emi boetai mamahele neu Kristus, ma emi boetai masue-malai ao.

MATEOS 14:31

No lai-laik Yesus lok lima na neu, de ana ho'u nan boema nafa'dan nae, “Petrus, Petrus, o namahehele ma, beita dai fa. Tao le'e de, o ta mamahele te'e-te'e neu Au fa?”

SEMUEL SUSULAK-KA ESAN-NA 2:30

Au, fo Israel Manetualain makahulun-na helu basa, ae o teidale-bobongim-ma o leo-ma, neukose lalalau-laoono Au da'di leo imam losa dodoon-na. Tehu besak ia, Au ta ahiik dede'ak ndia so'on! Nana manafe ha'da-holomata neu Au, neukose Au fe ha'da-holomata neun, tehu mananakamumulu-nakamamaek Au, neukose Au akamumulu-akamamaek-kana.

RATAPAN 3:32

Ana fe basa doidosok-ka soona, nanuu dale kasian boe, nanahu Ana sue-lai nahele ita nenik susue-lalain fo too-lanen ta ndia.

MATEOS 15:27

Inak ndia nataa nae, “Tete'e ka Tuan, tehu busa boeo na'a nana'a elak fo mana tu'da leme lamatua na mein lain a mai boe.”