MATEOS 14:31 - Susula Malalaok Hehelu Palak Ma Hehelu Beuk

³¹ No lai-laik Yesus lok lima na neu, de ana ho'u nan boema nafa'dan nae, “Petrus, Petrus, o namahehele ma, beita dai fa. Tao le'e de, o ta mamahele te'e-te'e neu Au fa?”

MATEOS 14:31 Referans Kwoze

MAZMUR 138:7

Nai lelek, susa tuni-ndeni au, O ho'u mahele au so'dang-nga. O la'ban au musung fo, nasan-na lua ponu-ponu, de O soi-tefa-mala au, nenik O koasam-ma.

MATEOS 8:26

Yesus fo'a boema nafa'das nae, “Te tao le'e de emi bii? Emi kulang namahehelek neu Au!” Basa boema Yesus fo'a napadeik de, nasapala ani na ma dano a. Boema dano a oe na nakamate.

KEJADIAN 22:14

Abraham foi mamanak ndia na'de, “Manetualain sadia hata nanapaluu-ka.” De losa besak ia boeo, hataholi-la lafa'da lae, “Manetualain sadia hata nanapaluu-ka,” nai leten lain.

MATEOS 17:20

Boema Yesus nafa'das nae, “Hu ka nde emi namahehele ma beita dai fa. Mafandendelek! Metema emi namahehele ma leomae anak nanseli, tehu emi hapu mafa'da pupukuk ia mae, ‘Keko leo eli muu!’ soona tao leo bee o neukose ana keko. Ta hapu hata esa boen, fo emi ta hapu tao mala fan! [

MARKUS 5:41

Lala dalek boema Yesus ho'u na ni'iana ndia lima na de nafa'dan nae, “Talita kum,” fo sosoa na nae, “Ana inaana konei, Au afa'da neu o, fo'a leona!”

MARKUS 1:31

Boema Yesus neu leo Simon alina na neu de Ana ho'u na lima na boema hela nafofo'an. Tutika sumai na mopon, boema ana fo'a de nalalau-naoonos.

MATEOS 16:8

Yesus bubuluk hata fo ala kokolak ndia. Da'di nafa'das nae, “Te tao le'e de, emi matatane aok la'eneu emi ta mini loti fa? Emi namahele ma beita dai fa!

YESAYA 63:12

Manetualain fo, manasama-sama no Musa, fo no lima mabe'i-balakain-na, de Ana fa'a ba'e oe-a nai sila matan, fo ela na'den-na nanakoa-nanakiok losa dodoon-na, nai bee?

HATAHOLI 4:30

Fe O tutulu-fafalim mai, fo ela hataholi kamahe'dis ala lea-hai, ma manda'di beu kala boema dede'a matua ina la ala da'di tunga O atam Yesus fo malalao-malalafuk ndia na'de na.”

LUKAS 24:34

fo ana manatungan sila la nde lafa'das lae, “Memak tete'e ka Lamatua ka naso'da falik de, natu'du basa aoina na neu Simon so!”

MARKUS 16:7

Besak ia meu leona, fo manduku-malosak halak ia neu ana manatunga nala, boema Petrus boe. Mafa'das mae, ‘Ana la'o nakahuluk neme emi leo Galilea neu. De neukose emi mitan nai naa, sama leo hata fo nafa'dan neu emi.’ ”

MARKUS 11:23

Soona mamahele te, metema emi mafa'da lete pupukuk ia mae, ‘O lali meme ia leo tasi dale mu!’ soona ba'eneu emi, dede'ak ndia neukose ana'di; sa'di emi dale ma boso naba'e, ma emi mamahele hata fo emi mafa'dak ndia, neukose anda'di te'e-te'e.

MARKUS 1:41

Yesus dale na tu'da neu hataholi ndia de nafaloen ma nafa'dan nae, “Au nau de hai leona!”

MATEOS 6:30

Na'u manai mo ka faik ia ana moli, tehu balahaa soona ala de'dehenin. Tehu Manetualain heheo-hihiluk na'u sila la, de lole nala seli. Muda hata neu emi bai! Hu ka nde emi namahehele ma, beita dai fa!

ULANGAN 32:36

Neukose Manetualain, soi-tefa-na anan-nala, ma Ana sue-lai atan-nala, metema nitas, ala male-tale ma be'i-balakain ta so.

1 TIMOTIUS 2:8

Au nau, fo ela su'di nai mamanak bee ndia boe, basa tou kala hule-haladoi no dale malalaok, boso no nasa-meluk do nale'a-napilik.

1 PETRUS 1:5

Basa sila la nde bee na, soaneu emi, nana emi mamahele Manetualain. Boema Manetualain nanea emi ninik koasa na, fo ela emi sipo so'da molek fo nanasadia basak soaneu nananafa'dak nai le'do fai mate'e ka.

MATEOS 14:30

Tehu lelek fo Petrus nita ani matua ina ana mai, boema ana bii, de ana bolo. Ana nggasi ma nae, “Lamatuak, fali ma au dei!”

MATEOS 14:32

Boema duas ka'e leo ofak lain leu tutika ani na nakamate.

MARKUS 4:40

Boema Yesus nafa'da ana mana tunga nala nae, “Tao le'e de emi bii? Tao le'e de emi ta mamahele Au fa?”