MATEOS 12:29 - Susula Malalaok Hehelu Palak Ma Hehelu Beuk

²⁹ Tao leo bee fo, hataholi a hapu masok leo hataholi mabe'i-balakaik esa uman dale neu fo namanako hata-heton, metema ana ta henge nakahuluk hataholi mabe'i-balakaik ndia fa? Basa ndia soona, besa ka namanako na hataholi ndia hata-heton.

MATEOS 12:29 Referans Kwoze

YESAYA 49:24

Emi matane mae, “Hapu nai bee, bua-lo'a kakalok-ka, nanaloso-nak neme palani tatibatu liman dale mai, do hataholi nanafook-ka nanaloso-nak, neme hataholi fo, ana tao no ta pake ha'da hataholik-ka, liman-nafanggeten dale mai?”

MARKUS 3:27

Ta hapu hataholi esa boen hapu masok leo hataholi balakaik esa uman dale neu fo ana loso nini hata-heto nala, makanaema ana ta henge nakahuluk hataholi balakaik ndia fa. Basa ndia soona, besa ka ana hapu loso nini hata-heto nala.

1 YOHANIS 4:4

Tehu, ana ngala lemin! Manetualain nuun emi so. Hu ndia de, emi sengi nabi pepeko kala nana, emi Dula Dale ma koasa na ba'u lena heni, daebafa ka hataholi nala dula dale na.

1 YOHANIS 3:8

Tehu hataholi mana tao sala-singok nakandondoo heni na, Nitu anan hataholi ndia, nana Nitu a tao sala-singok neme makasososan eli mai so. Hu ndia de Manetualain Ana na mai fo daenga Ana tao nakalulutuk Nitu a tatao-nono'i mangalaun sila la.

YESAYA 53:12

Ana fe heni so'dan-na, no dale hihii-nanau mesan-na, de nanalekek nai hataholi mangalauk-kala, dede'un-na dalek. Ana nasaa, hataholi makadotok sala-singon, ma ana hule-haladoi, fo ela hataholi sila, hapu do'o do ampon. Boema Au fen hataholi makadotok, da'di leo bua palsen, ma ana hapu baba'ek sama-sama no hataholi ndoos-sala.”

MATEOS 12:28

Tehu Au usiheni dula dale mangalau kala, ninik Manetualain Dula Dale na koasa na. Fo dede'ak ndia, sosoa na nae, Manetualain mulai paleta nai emi tala'da so.

MATEOS 12:30

Hataholi see ta nok au fa soona, te'e-te'e ana lena-la'ban Au. Ma hataholi see ta tulu-fali Au fa soona, te'e-te'e ana tao nakalulutuk Au tatao-nono'ing!