MATEOS 12:19 - Susula Malalaok Hehelu Palak Ma Hehelu Beuk

¹⁹ Neukose Ana ta nasipo bafak, do nasanggati fa, do Ana kokolak nai okofoo la lain.

MATEOS 12:19 Referans Kwoze

MATEOS 11:29

Tunga Au paleta nga, ma manoli neme Au a mai. Nanahu Au dale nga mangana'uk, ma taidaek, de neukose emi hapu namahokok ma seteleek.

2 KORINTUS 10:1

Besak ia, au fo Paulus nau uni hata esa soaneu emi. Au ia, tunga hataholi a nafafa'da na au mangana'uk metema au asasalematak o emi, tehu au apalani, metema ita komododoon. Naa, hu ka nde Kristus mangana'u na ma Kristus dale malole na,

LUKAS 17:20

Hataholi Farisi de'ubee latane Yesus lae, faihi'da Manetualain mai fo Ana paleta. Boema Yesus nataa nae, “Manetualain paleta na ana ta mulai ninik ta'du-tana fo hapu hataholi nitan,

ZAKHARIA 9:9

Hai laun Sion-nala lemin, mamahoko-setelee leon! Hai laun Yerusalem-mala lemin, eeki-matadale leon! Mete leon! Emi Manem-ma, ana mai no matua-mademan! Ndia manek fo manatao tunga ndoo-matetun-na, fo maneni so'da-molek-ka. Tehu henuk no dale taidaek, ana losa ana sa'e keledei, keledei ana esa.

YESAYA 42:2

Neukose ana ta eeki, do naloo bou-bou napane'e fa, neukose ta mamanene halan-na, nai enok lain fa.

MATEOS 12:20

Hanoe mana male ka, neukose Ana ta tao la'di fan, Banu mana pila ma'u-ma'u ka, neukose Ana ta taonisa fan. Neukose Ana sanga enok besa-besa, fo Ana hapu ndo na.