MATEOS 1:12 - Susula Malalaok Hehelu Palak Ma Hehelu Beuk

^12-16 Neme lelek fo ala tu'u hataholi Israe la leo Babel leu losa bongi Yesus, ala sulak la na'de nala nde ia: Yekhonya bongi Sealtiel, Sealtiel bongi Serubabel, Serubabel bongi Abihud, Abihud bongi Elyakim, Elyakim bongi Asur, Asur bongi Sadok, Sadok bongi Akhim, Akhim bongi Eliud, Eliud bongi Eliasar, Eleasar bongi Matan, Matan bongi Yakob, Yakob bongi Yusuf, fo Maria sao na. Fo Maria ia nde bongi Yesus, fo loken lae Kristus.

MATEOS 1:12 Referans Kwoze

1 TAWARIKH 3:17

Yoyakhin, manek fo hataholi Babel-la foo lenin da'di leo hataholi nanafook-ka, tititi-nonosin nde ia: Anamanen 7, fo nde: Sealtiel,

EZRA 3:2

boema Yesua, fo Yozadak anan-na, boema nonoon-nala fo nde basa imam-mala, ma Zerubabel, fo Sealtiel anan-na ma tolanoon-nala, lafofo'a falik Israel Manetualain-na, mei tunu-hotun. No enok ndia, ala hapu tunu tutunu-hohotuk nai lain, fo nandaa no natutu'du-natutu'duk fo nanasulak nai Manetualain atan Musa, susula hoholo-lalanen dale.

LUKAS 3:27

Yohanan anan, Resa anan, Zerubabel anan, Sealtiel anan, Neri anan,

HAGAI 1:14

Boema, Manetualain nakababale Gobelnol Zerubabel-la, Imam Matuaina Yosua, boema basa hataholi manafali ma'is leme mamana tu'u-tapak mai-a, dalen-nala, fo ela basa-basas lafofo'a Manetualain fo sila Manetualain, Uman-na.

HAGAI 2:23

Nai faik ia, neukose Au so'u o Zerubabel, fo Au atang-nga, fo o paleta menik Au na'deng-nga. Nanahu, o nde, Au hele basak-ka so.” Manetualain Fo Manakoasa nde manakokolak-ka.

HAGAI 2:2

Manetualain nadenu Hagai, fo ana kokolak no gobelnol Zerubabel-la, Imam Matuaina Yosua, boema laun-nala, fo nanduku-nalosak hala heheluk-ka nde ia, nae,

HAGAI 1:12

Basa boema, Zerubabel ma Yosua boema basa hataholi Israel manafali ma'is leme Babel fo mamana tu'u-tapak, ala tunga Hagai dede'a-kokolan; Hagai fo Manetualain hataholi nadedenun ndia. Ala tao hata fo Manetualain paleta neus, nanahu ala bii Manetualain.

HAGAI 1:1

Mane Darius-sa, ana paleta Persia neu teu ka dua-na, fo nai hataholi Yahudi-la bula ka 6-na, fain esa boema, Manetualain Ana kokolak tunga Nabi Hagai-a. Manetualain fe hala hehelun ndia neu Zerubabel, fo Sealtiel anan-na, ana da'di gobelnol nai Yehuda, ma Ana fen neu malanga Imam Matuaina Yosua fo Yozadak anan-na.

YEREMIA 22:28

Au Yeremia afa'da ae, “Ade manek Yoyakhin ana da'di sama leo ule ba'ek fo nanatapa henik ma ta lahiik-kana fa do? Hu ka nde ndia de ndia no anan-nala nanausik ma nanatu'u-tapak lo nusak fo dook-ka ba'eneu sila do?”

YEREMIA 22:24

Manetualain nafa'da neu manek Yoyakhin, fo Yoyakim ana manen-na fo manek Yehuda nae, “Neme Au-a mai, Manetualain fo maso'dak, Au afa'da no te'e-te'e ae, leomae o ba'eneu Au soona, sama leo ndeli mamatade'ik nai Au limang konang-nga tehu leomae leondiak boe, neukose Au fe'a heni o

NEHEMIA 12:1

Basa imam-mala ma hataholi Lewi fo manafali ma'is leme mamana tu'u-tapak mai, sama-sama loo Zerubabel fo Sealtiel anan-na ma loo Imam Matuaina Yesua nde ia:

EZRA 5:2

Lamanene nabi ka duak sila-la hala hehelun-na boema, Zerubabel fo Sealtiel anan-na, ma Yesua fo Yozadak anan-na, no lai-laik, ala mulai lafofo'a falik Manetualain Uman manai Yerusalem-ma, de nabi ka duak sila-la tulu-falis.

2RAJA-RAJA 25:27

Nai hataholi Yahudi-la bula ka 12-na, fain 27, fo Yoyakhin nanafoo basak, de nai mamana ookak-ka, teuk 37 dalen-na so, boema Ewil-Merodakh da'di mane Babel. Nai teuk ndia dalen-na boe, Ewil-Merodakh natu'du ndia dale kasian-na neu Yoyakhin, de ana kalua henin neme bui dale mai,

2RAJA-RAJA 24:14

Mane Yoyakhin, inan, saon-nala, hataholi mana'a ngga'din-nala, ma mauli-malangan Yehuda-la, basa-basan lala'en-na, hataholi nananita – nalelak 7.000 – ala da'di hataholi nanafook, de foo lenis leo Babel neu. Boeo basa tuka ai-la, tuka besi-la, dede'un-na hataholi 1.000, basa-basas hataholi mabe'i-balakaik ma palani mesa-mesan, nai natee-natatik-ka dalek. Hataholi daa manek-kala, hataholi nananita-nalelak-kala boeo, foo lenis leo mamana ookak-ka neu – basa-basan lala'en-na, hataholi 10.000. Isabai-na, foo leni la'iesak laun Yerusalem-mala; ela ka'da laun nuu-taa hata-taak-kala.

YEREMIA 22:30

“Nananaketu basak soaneu hataholi ndia mopo anan-nala ma nai so'dan-na dalek ana ta hapu dai hata esa fa boen. Neme ndia tititi-nonosin mai ta hapu da'dik manapaleta nai Yehuda da'di leo manek fo Dauk tititi-nonosin-na. Au, Manetualain, nde manakokolak-ka.”

MATEOS 1:17

Da'di neme Abraham losa Dauk, hapu tititi-nonosik sanahuluha. Ma neme Dauk losa lelek fo ala tu'u hataholi Israe la leo Babel leu a, hapu tititi-nonosik sanahuluha boe. Boema neme lelek fo ala tu'u hataholi Israe la leo Babel losa bongi Kristus, hapu tititi-nonosik sanahuluha boe.