MARKUS 12:5 - Susula Malalaok Hehelu Palak Ma Hehelu Beuk

⁵ Osi lamatuak ndia, ana haitua seluk malalau-maoono fe'en esa neu bai. Tehu ala taolisa malalau-maoono ndia. Ala tao leondiak lakandoo neu malalau-maoono fe'ek ba'u ka boe. Ala fepa-li'u nggelok ma ala taolisa nggelok boe.

MARKUS 12:5 Referans Kwoze

LUKAS 6:36

Ela leo bee na emi manuu dale susuek sama leo emi Amam boeo nanuu dale susuek!”

MARKUS 9:13

Tehu Au afa'da neu emi te, Elia mai so de hataholi la taon tunga sila dale hihii-nanau nala. Dede'ak ndia nandaa no hata fo nanasulak nai Susula Malalaok dale la'eneu aoina na.”

MATEOS 23:37

“Yerusalem, Yerusalem! O taomisa nabi la. Boema o pia Manetualain hataholi nadedenu nala ninik batu losa mates. La'i de'ubee, Au hii holu o hataholi mala sama na leo manu ina nasaluluku ana nala nai li'dan dale, tehu emi ta nau fa!

MATEOS 22:6

ma nggelok bai soona, ala ho'u la manek ndia malalau-maoono nala de ala fepa-li'us, ma ala taolisa nggelok.

MATEOS 5:12

Nabi makahulu kala boeo, ala fepa-li'us sama leo emi boe. Mamahoko ma hika-setelee leona, nanahu Lamatua ka sadia basa ngga'di matua ina nai nusa so'da ka, soaneu emi so.”

NEHEMIA 9:30

Teuk nggati teuk, O ta haelai mamanasa soaneu fes nasanene'dak; O Duladalem-ma nafa'das tunga basa nabi-la. Tehu O anam sila-la ko'o ketu di'idoon-nala, boema O fes leo basa leoina manai nusak lala'en-na neu.

MARKUS 12:4

Boema osi lamatuak ndia, ana haitua seluk malalau-maoono fe'en esa neu. Tehu manaso'u belak sila la fepa malalau-maoono ndia langa na, boema ala usin ne'un ma ala dodoki-aalin.

MARKUS 12:6

Besak ia, osi lamatuak ndia ana haitua seluk see ka neu bai? Bei ela ka'da hataholin esa so, fo nde ana bongi susue na. Da'di, neu mate'e na boema, ana haitua ana susue na neu leo manaso'u bela kala neu. Ana dodoo nai dalen dale nae, ‘Tao leo bee o, neukose ala fe ha'da-holomata neu au anang ndia.’