MARKUS 11:12 - Susula Malalaok Hehelu Palak Ma Hehelu Beuk

¹² Balahaa boema, Yesus no ana mana tunga nala kalua leme Betania mai fo ala sanga fali leo Yerusalem leu. Ala losa eno tala'dak boema, Yesus namala'a.

MARKUS 11:12 Referans Kwoze

YOHANIS 19:28

Yesus bubuluk nae, besak ia basan lala'ena natetu-nandaa so, boema fo ela hata fo nanasulak nai Susula Malalaok dale ana da'di, boema nae, “Au maa nga ma'da ka.”

MATEOS 4:2

Yesus ta na'a-ninu lele'do le'odaek, faik hahulu dale na. Boema name'da namala'a.

IBRANI 2:17

Ia sosoa na, nae Ana muse da'di sama no tolanoo nala nai basa dede'ak lala'ena dalek. Ma no enok ndia, Ana hapu da'di Imam matua ina fo mana lilinekak ma madale susue-lalaik. No lau-onon ndia, de hataholi daebafa ka sala-singo nala, hapu do'o do ampon.

LUKAS 4:2

Nitu so'ba Yesus nai ndia, faik hahulu dale na. Nai fai manalu ndia dale na, ta na'a-ninu hata-hata esa boen. Da'di neu mate'e na boema, name'da namala'a.

MARKUS 11:13

Neme doo ka mai, Yesus nita ai kak esa doo na eloaka. Boema neu mete kak ndia, fafa'kama maboak. Tehu Ana losa ai ndia huu na te, Ana ta hapu boak esa boen, te ka'da doo na mesa kana, nana nai lelek ndia ai kak kala fai naboan beita.

MARKUS 11:20

Balahaa fafaianak boema, ala la'ok tunga ai kak ndia huu na. Tehu ala mete neu te, ai ndia maten losa oka na so.