MARKUS 10:2 - Susula Malalaok Hehelu Palak Ma Hehelu Beuk

² Hataholi Farisi de'ubee ala mai boe, fo ala sanga lakahihi'ik Yesus. Latane Yesus lae, “Tunga ita agama na hoholo-lalanen soona, ade hataholi bole elaheni sao na do ta?”

MARKUS 10:2 Referans Kwoze

YOHANIS 8:6

Latane lae leondia fo ala sanga lakahihi'ik Yesus, fo ala sanga Yesus sala na. Tehu Yesus ka'da nakatele de Ana duduik dae a.

MATEOS 23:13

“Soe ba'eneu emi, fo mese agama la ma hataholi Farisi la lemin! Emi ia hataholi mana dea-dale kala. Emi mapanggengge hataholi soaneu ala da'di lima eik neme Manetualain hataholi kamahehele nala mai. Emi nde ta nau da'di lima eik neme Manetualain hataholi kamahehele nala mai fa, boema hataholi mana nau kala, emi mapanggengges. [

1 KORINTUS 10:9

Ita ta bole so'ba-so'ba to Lamatua ka, sama leo makahulu na sila nggelok so'ba Lamatua ka de nalosa menge malaso ka ana kaa nisas.

YOHANIS 11:57

Ala kokolak lae leondia nana, malanga ima mala lo hataholi Farisi la po'i basa paleta lae, hataholi see bubuluk Yesus nai bee soona, muse ana fe sila halak, fo daenga ladenu hataholi neu ho'un.

YOHANIS 11:47

Hu ndia de, hataholi Farisi la lo malanga ima mala lakabua lo Mana Maketu-mala'di Agama Matua. Lakokolaok lae, “Ita muse tao bek dei? Te hataholi ia, ana tao manda'di beuk ba'u ka so!

YOHANIS 7:48

“Ade ita manakoasa nala do hataholi Farisi la boeo, lamahele boen do?

YOHANIS 7:32

Hataholi Farisi la boeo, lamanene hataholi makadotok sila la, ala bengekutu la'eneu Yesus. Hu ndia de, lakabubua lo malanga ima mala de ladenu manamanea Manetualain Uman de'ubee, leu ho'u Yesus.

LUKAS 16:14

Hataholi Farisi la lamanene basa hata fo Yesus nafa'da kala. Boema ala hikan, nana ala hii ka'da doi ka.

LUKAS 11:39

Hu ndia de Lamatua ka nafa'dan nae, “Memak emi hataholi Farisi la, biasa safe balisi ka'da pinga mango dea na, tehu nai emi aoinam dale soona, henuk no naseti-nalaka ka ma mangalau ka.

LUKAS 7:30

Tehu hataholi Farisi la ma mese agama la ta nau sipok Manetualain dale tutu'un soaneu sila aoina nala fa, nalosa ala ta nau Yohanis salani fas.

LUKAS 6:7

Mese agama de'ubee ma hataholi Farisi la ala nau sanga Yesus sala na fo ela ala bisa kalaa kana. Hu ndia de, ala taoafik lahele Yesus, tete'e ka nakahahaik hataholi ndia, nai fai Saba ta do ta.

LUKAS 5:30

Hataholi Farisi de'ubee ma mese agama la, lame'da nai dale nala dalek ta malole fa, boema lafa'da Yesus ana manatunga nala lae, “Tao le'e de, emi basa-basa mala mi'a-minu mo manasusu bea la ma hataholi ta malole fa?”

MARKUS 8:15

Yesus nafa'das nae, “I'akouk hataholi Farisi la lo Herodes lalu tei na.”

MARKUS 8:11

Hataholi Farisi de'ubee leu leo Yesus leu de ala mulai lale'a lon, fo ala sanga lakahihi'i kana. Loke Yesus tao manda'di beuk, fo ana da'di ta'du-tana esa nae, Ana mai neme Manetualain mai.

MATEOS 22:35

Boema sila hataholin esa fo mese agama ndia, ana so'ba nakahihi'ik Yesus ninik natatanek nae,

MATEOS 19:3

Boema hataholi Farisi la mai fo sanga lakahihi'i kana. Latane Yesus lae, “Tunga ita agama na loholo-lalanen soona, Ade touk esa, bole elaheni saoinana ninik eno leo bee ka?”

MATEOS 16:1

Hapu hataholi Farisi de'ube ma hataholi Saduki ala mai leo Yesus mai, fo ala sanga lakahihi kana. Ala loke Yesus tao manda'di beuk fo ana da'di buti nae, Ana mai neme Manetualain mai.

MATEOS 15:12

Boema Yesus ana mana tunga nala mai de lafa'dan lae, “Ade Ama bubuluk hataholi Farisi la dale nala ba'i hana, nai lelek lamanene Ama kokolak nae leondia do ta?”

MATEOS 9:34

Tehu hataholi Farisi la lafa'da lae, “Nitu mangau kala malanga na, nde fen koasa, fo ana usiheni nitu mangalauk sila la.”

MALEAKHI 2:16

Manetualain Manakoasa, fo Israel Manetualain-na nae, “Au ta hii naelak-ka fa. Au amanasa, metema hataholi esa nai emi dalek, ana tao tatao-nono'i susue-lalai tak ndia, neu saoinan-na. Hu ndia de, manea aoinam-ma, fo boso tao makahehe'dik saoinam-ma dalen-na.”

MARKUS 10:1

Basa boema, Yesus la'oela mamanak ndia de neu leo nusa Yudea ma nusak manai Lee Yarden-na selik neu. Hataholi makadotok, ala mai de lakamomotu okofeo la seluk Yesus, de nanolis sama leo mandoo fai a nanolis ala.

MARKUS 10:3

Boema Yesus nae, “Musa fe paleta beek neu emi so?”