LUKAS 8:9 - Susula Malalaok Hehelu Palak Ma Hehelu Beuk

⁹ Yesus ana manatunga nala latanen, nakandandaak ndia sosoa-ndandaan.

LUKAS 8:9 Referans Kwoze

MARKUS 4:10

Lelek fo Yesus mesa-mesa kana boema, hataholi mana mamanene basa nanoli na, ala mai sama-sama lo ana mana tunga kasanahulu dua nala. Ala loken fo nafa'da mangalele'do nakandandaak ndia sosoa-ndandaan.

MATEOS 13:18

“Mamanene matalolole nakandandaak la'eneu mana sele nggali a sosoa-ndandaan leona.

MATEOS 13:10

Basa boema Yesus ana mana tunga nala mai de latanen lae, “Te tao le'e de, metema Ama kokolak no hataholi ba'u ka soona, Ama kokolak pake nakandandaak?”

YOHANIS 15:15

Au ta alo emi ae, ata so'on, ninik ata ta bubuluk lamatua na tatao-nono'in fa. Au alo emi ae tolanook, nana basa hata fo Au amanenen neme Au Amang mai a, Au afa'dan neu emi so.

MARKUS 4:34

Makanaema Yesus nanoli hataholi sila la soona, nanoli ninik nakandandaak nakandoo. Tehu makanaema no ana mana tunga nala mesa kasa soona, nafada basa sila la no mangalele'dok.

MATEOS 15:15

Boema Petrus nae, “Ama sue na mafa'da mangalele'do fe ami, nakandandaak ndia sosoa-ndandaan dei!”

MATEOS 13:36

Basa ndia boema, Yesus la'oela hataholi makadotok sila la, de neu leo uma dale neu. Boema ana mana tunga nala mai de lafa'dan lae, “Soba Ama mafa'da mangalele'do fe ami, nakandandaak fo fii moli nakabubua no gandu ma, sosoa-ndandaan dei.”

HOSEA 6:3

Hu ndia de, mai fo ata sanga enok, soaneu te'e-te'e talelak Manetualain. Tao leo bee-o, neukose Ana mai leo ita mai, sama leo le'do-a tii mai, ma sama leo u'dan-na tao nakadoe daebafak-ka nai faik u'dan-na nate'e.”