LUKAS 8:47 - Susula Malalaok Hehelu Palak Ma Hehelu Beuk

⁴⁷ Inak ndia name'da nae tatao-nono'in ndia nanabubuluk. Da'di ana mai no ao na dele ngge'be-ngge'be, boema ana sene-do'ok neu Yesus mata na. Boema ana tui nai basa hataholi la matan, tao le'e de ana koila'e Yesus boema ana lea-hai nai hatematak ndia boe.

LUKAS 8:47 Referans Kwoze

MARKUS 5:33

Inak ndia bubuluk basa, hata manda'dik neu aoina na so, boema no dedelek ma bibiik, ana senek neu Yesus mata na, de ana manaku ndia tatao-nono'in.

2 KORINTUS 7:15

Besak ia, ana boetai sue-lai emi, nana nafandele, tao leo beek de emi basa-basa mala nau tunga hehela-nonolen, ma tao leo beek de emi sipo kana no ha'da-holomata.

IBRANI 12:28

Hu ndia de ela leo bee na, ita toke makasi neu Manetualain, nanahu Ana fe ita nusak esa ta nanggengo fa. Ela leo bee na, ita toke makasi ma sene-do'ok neu Manetualain no ha'da-holomata ma bibii-namata'uk, tunga enok fo mesa kana nahii kana.

1 KORINTUS 2:3

Nai lelek fo au sama-sama o emi soona, au tapandoes ma dele ngge'be-ngge'be no bibii ka.

MAZMUR 2:11

Makaluku-makatele neu Manetualain no namahehelek,

HATAHOLI 16:29

Boema malanga bui noke banuk de nalai leo dalek neu. Ana bala neu Paulus no Silas mata na ma ana dele ngge'be-ngge'be.

SEMUEL SUSULAK-KA ESAN-NA 16:4

Semuel taon sama leo Manetualain nafa'dak-ka. Lelek ana losa Betlehem boema, basa mauli-malangan kota, sipok-kana no nggenggengek ma latane lae, “Ade, Ama mamain ia, neni so'da-molek do?”

HABAKUK 3:16

Au amanene ndia boema au daleng-nga dele ma au difadoong-nga dele ngge'be-ngge'be. Au aong-nga none-na'u, de balakaik ta so au la'ok su'di nai bee boe, au eing-nga nakatunu. Neukose au ahani no dale tesa-tamak Manetualain huhukun-na neu hataholi manamusu no ami.

YESAYA 66:2

Lalai-a ma daebafak-ka nde been-na, Au lima tataang, boema basa sila-la nananakadada'dik. Tehu Au dale namahokong-nga nde, hataholi dale taidaek-ka, fo manatukatei-saledale neme sala-singon-nala mai, fo manabii-namata'u, ma tunga neu Au.

MAZMUR 38:9

Au akalulutuk, de mopo au balakaing-nga, au ahoo nanahu, au daleng-nga he'dis-sa.

FILIPI 2:12

Hu ndia, tolano susue-lalai ngala lemin, sama na leo emi tunga mahele au, nai lelek fo au be'i o emi a, lena-lenak besak ia, nai lelek ita komododoon, ela leo bee na emi tunga mahele au. Manetualain soi-tefa nala emi so, hu ndia de sanga enok makandoo fo ela emi so'da ma, natetu-nandaa. Tao-no'i basa dede'ak sila la no ha'da-holomata, ma tunga neu Manetualain,

MATEOS 28:8

No lai-laik inak sila la la'oela late sa. Ala la'o no bii biik tehu no namahokok, duas lalai leu lafa'da dede'ak ndia neu Yesus ana mana tunga nala.

HOSEA 13:1

Makahulun-na leo Efraim nanafe ha'da-holomata, nalosa metema hapu paleta neme leo ndia mai soona, leo-leo fe'ek manai Israel-la, bii-lamata'u. Tehu leo Efraim-ma nasala-nasingo, nanahu ana sene-do'ok neu Baal-la, hu ndia de, neukose ana sapu-lalo.

HOSEA 5:3

Hai Israel, Au bubuluk basa hata lala'en-na la'eneu emi! O ta bisa mafuni-mala hata esa boen, neme Au mai fa. O sene-do'ok neu sosongo-tatangok, ma o ta lilineka neu Au so'on. Hu ndia de, o laum-mala, ta landaa sene-do'ok seluk neu Au so'on.”

MAZMUR 66:16

Mai leona, fo mamanene hai basa hataholi kamahehelek-kala lemin, fo au tui hata fo, Manetualain taon soaneu au.

LUKAS 8:46

Yesus nae, “Tehu hapu hataholi koila'e Au. Au bubuluk ndia nana hapu be'i-balakaik kalua neme Au dalek mai.”

LUKAS 8:48

Yesus nafa'dan nae, “Ana ngonei, hu ka nde o mamahele neu Au de o lea-hai. Fali mu'u ma leon no so'dak.”