LUKAS 8:38 - Susula Malalaok Hehelu Palak Ma Hehelu Beuk

³⁸ Hataholi fo natapo'i neme dula dale mangalau ka mai ndia, ana dokodoe neu Yesus fo daenga ana bole tunga. Tehu Yesus nadenun ana fali ne'un. Nafa'dan nae,

LUKAS 8:38 Referans Kwoze

FILIPI 1:23

Besak ia, au dodoo doa kana so; Au ahiik anseli, au la'oela daebafak ia, fo au u leo o Kristus, nana ndia nde malole nanseli a;

LUKAS 8:37

Boema basa nusa Gerasa lau na lala'ena loke lanseli fo daenga Yesus la'oela mamanak ndia, nana basa-basas bii lanseli. Boema Yesus sa'e leo ofak lain neu, fo Ana fali ne'un.

LUKAS 8:28

Lelek nita Yesus tutika ana nggasi boema ana sene-do'ok neu Yesus mata na ma nalo nae, “Yesus, Manetualain Fo Madema Ina Ana na! O tao au le'e ia? Au dokodoe, boso tao doidoso au!”

MAZMUR 116:16

Ou Manetualain, O atam au ia, au boeo fe ha'da-holomata neu O, sama leo au inang. O soi-po'i au neme bui dale mai so.

MAZMUR 116:12

Au fe Manetualain beek, fo balas dale malolen-na ba'eneu au?

MAZMUR 32:7

O nde, au mamana nafuning-nga, O soi-po'i au neme toto'a-tataak-ka mai. Boema au eki ma amahoko-setelee, nana O soi-tefa-mala au so.

MAZMUR 27:4

Au oke dede'ak ka'da esa neme Manetualain mai, ka'da ia nde au ahiik-kana: au leo nai Manetualain Uman nai au fai maso'dan-nga dalek, soaneu au hapu ame'da ita Manetualain dale malolen-na, ma au dokodoe hehela-nonolen.

MATEOS 4:24

Ala benga Yesus nafeo basa nusa Siria lala'ena, nalosa hataholi makadotok mai leo Yesus mai. Ala lo basa hataholi kamahe'di mata-mata kala ma hataholi mana to'a-ta kala. Hataholi nitu sa'e kala, kamulu bi'i kala, ma lu'u ei kala de Yesus nakahahaik basa-basas.

LUKAS 8:39

“Mu'u ma leona, ma tui-benga hata fo Manetualain tao basan neu o so.” Boema hataholi ndia neu tui-benga neu kota ndia lala'ena, hata fo Yesus tao basan neu ndia so.