LUKAS 8:18 - Susula Malalaok Hehelu Palak Ma Hehelu Beuk

¹⁸ Hu ndia de taoafik matalolole hata fo emi mamanene nana. Nana hataholi fo manamanuu ka, neukose ala fen ba'u ka lena seluk. Tehu hataholi fo ta manuu ka, neukose nanaho'ik neme hataholi ndia mai, leomae bei ela ka'da faa anak nai ndia boeo.”

LUKAS 8:18 Referans Kwoze

MATEOS 13:12

Nanahu hataholi mana manuu basa ka, neukose ala fen ba'u ka seluk, fo ana hapu nakalena. Tehu hataholi fo ta nanuu hata esa boen soona, metema bei nanuu faa anak nai ndia soona, neukose nanaho'i nak.

LUKAS 19:26

Manek ndia nataa nae, ‘Mafandendelek! Te hataholi manuu ka so, neukose fe selu kana ba'u ka. Tehu hataholi fo ta nuu ta ka, soona hata fo bei nanuun neukose nanaho'inak neme hataholi ndia mai boe.

MATEOS 25:29

Nanahu hataholi mana nanuu ka, neukose fen ba'u ka seluk. Tehu hataholi fo ta nanuu, do bei nanuu faa anak nai ndia, soona nanaho'i falik boe.

YOHANIS 15:2

Ndanak manai Au dale ka, metema ta naboa fa soona, Ana tati henin, boema ndana maboa ka, Ana seselu nanggo'de doo na, fo Ana tao balisin, fo ela boetai naboa ka.

IBRANI 2:1

Hu ndia de, ita muse ho'u tahele nanolik fo ita tamanene basa kala, fo ela ita boso la'oela ita namahehele na.

1 KORINTUS 14:37

Metema hapu hataholi name'da nana ndia nanuu baba'e-babatik soaneu nanduku-nalosak halak maneme Manetualai na mai, do nanuu baba'e-babati fe'ek neme Manetualain Dula Dale na mai soona, hataholi ndia muse name'da nae, hata fo au sulak ia nde bee na paleta neme Lamatua ka mai.

1 KORINTUS 8:2

Hataholi fo naedaenga malela na ba'u ka ndia, tunga ndo na hataholi ndia beita nalelak dede'a mademaina la fa.

1 KORINTUS 3:18

Boso hataholi esa boen ke'dindiu seluk aoina na. Metema hapu hataholi nai emi dalek, name'da aoina na manatee tenok tunga uuku-dodou daebafak ia soona, hataholi ndia muse ana da'di hataholi nggoak, fo ela te'e-te'e ana dadi hataholi manatee tenok.

ROMA 12:3

Manetualain fe basa baba'e-babatin neu au so. Hu ndia de au anoli-afa'da emi basa-basa mala fo boso mamatutua-mamadedema ao ina ma ba'u lenaheni emi aoina ma baba'u na. Te ela leo been-na, emi mete aoina mala no dale nakaloe-nakadaek; esa-esak mete aoina na tunga be'ibalakaik fo Manetualai fe neun, hu ka nde namahele Yesus.

HATAHOLI 17:11

Hataholi manai Berea la hii lamanene Paulus no Silas tutui-bebengan, lenaheni hataholi Tesalonika la. Lamanene Lamatuak Yesus dede'a-kokolan no namahokok, ma tunga faik ala lees Susula Malalao ka fo ala bubuluk, ade Paulus nanolin sila la tete'e ka do ta.

HATAHOLI 10:33

Hu ndia de no lai-laik, au adenu hataholi neu nalo Tuan. Tuan dale na malole hiik, de Tuan mai so. Besak ia, ami basa-basa mala makabubua nai ia, nai Manetualain matan, fo mamanene basa hata fo Manetualain nadenu Tuan nafa'dan neu ami.”

LUKAS 9:44

“Taoafik matalolole, ma boso mafandele heni Au dede'a-kokolang ia: Ana Hataholi ka neukose nanafek leo hataholi daebafa ka koasan dale neu.”

FILIPI 3:4

Tunga ndo na, au bisa amahena neu ito-atok sila la neme hataholi fe'e kala mai boe. Nanahu metema hapu hataholi esa, ana dodoo nae, ndia hapu ne'ek soaneu namahena neu ito-atok fo tunga ha'da-tatao ao paak sila la soona, au lena seluk neme ndia mai bai.

MARKUS 13:14

“Nai faik esa te neukose emi mita, ‘Nitu Mangalauk fo Mana Tao Nakalulutu ka’ napadeik nai mamanak fo nanapa'dak ba'eneun. (See lees ia soona, so'ba malela kana leona!) Metema lelek ndia emi nai Yudea soona, emi muse malai leo lete lepa kala meu.

AMSAL 14:12

Hapu enok fo meten soona, ta ndoos fa, tehu mate'en-na, enok ndia leo mamates-sa neu.