LUKAS 7:14 - Susula Malalaok Hehelu Palak Ma Hehelu Beuk

¹⁴ Basa boema Yesus neu deka no loanak mamates ndia de nafaloen. Boema mana ndolo-la late'e. Yesus nae, “Hai tou muli-solu konei! Fo'a leona!”

LUKAS 7:14 Referans Kwoze

YOHANIS 5:25

Mamahele leona, te neukose fai na losa, nakalenak fai na losa so, soaneu hataholi manamate kala, neukose lamanene Manetualain Ana na hala na. Boema see namanenen soona, neukose naso'da.

YOHANIS 11:25

Tehu Yesus nafa'da Marta nae, “Au nde manafe maso'da ka, ma manatao naso'da falik hataholi manamate kala. Hataholi fo namahele neu Au a, neukose naso'da, leomae ana mate so.

1RAJA-RAJA 17:21

Basa ndia boema, Elia bala ao na la'itelu neu ni'iana ndia lain ma ana hule-haladoi nae, “Ou Amak, fo au Manetualaing-nga, sa'di leo been-na tao maso'da ni'iana ia!”

ROMA 4:17

Nana Manetualain nafa'da Abraham nae leoia, “Au fe o da'di amak neu basa leoina lala'ena.” Eno na leondiak Manetualain fe hala hehelu na neu Abraham. Boema Abraham namahele neun. Ndia nde Manetualain manatao naso'da falik hataholi manamate kala; Manetualain ndia boeo nde Manetualain fo ka'da Ana kokolak fo hata manada'di beita ka, ana da'di.

YOHANIS 5:21

Amak ndia nde tao naso'da falik hataholi manamate kala, fo Ana fes maso'da matetu ka ma manaketu basa ta ka. Leondiak boe, Ana ka fe maso'da manaketu basa ta na neu hataholi fo nahiik hapu maso'da ka.

YESAYA 26:19

O anam fo manamate basak-kala, neukose ta laso'da falik fa, neukose popolan-nala fo'a falik seluk. Hataholi fo nananatoi basak nai dae dale-a, neukose ana fo'a falik, fo ana eeki-natadale. Sama leo dinis fo, manatao makasufu daebafak-ka, O tao maso'da O anam fo, mates dook-ka so.

MAZMUR 33:9

Nana Ana kokolak, boema basa-basan nananakadada'dik; Ana fe paleta, boema basa-basan da'di.

AYUB 14:14

Nana metema, hataholi daebafak-ka maten soona, ade, ana bisa fo'a falik do ta? Au ahani, neme faik leo faik neu, losa au fai toto'a-tatang ia sapu-lalo.

AYUB 14:12

leondiak boe, hataholi manamate basak-ka: Neukose, ana ta bisa fo'a falik so'on. Losa mopo lalai boeo, neukose, ana ta nggenge fa, ana sungu nakandoo, te ana ta fo'a so'on.

EFESUS 5:12

Nanahu dede'a-dede'ak fo sila taon no nafufunik ndia, ka'da kokola kana boeo, nini mamaek so.)

1RAJA-RAJA 17:22

Manetualain namanene Elia hule-haladoin; ni'iana ndia mulai hae de naso'da falik.

MARKUS 5:41

Lala dalek boema Yesus ho'u na ni'iana ndia lima na de nafa'dan nae, “Talita kum,” fo sosoa na nae, “Ana inaana konei, Au afa'da neu o, fo'a leona!”

LUKAS 7:13

Lelek Lamatuak Yesus nita inak ndia boema, dale na tu'da neun de nafa'dan nae, “Ina, boso kii-makaleleu!”

LUKAS 7:15

Tou muli-soluk fo manamate basak ndia ana fo'a de nangatuuk, ma ana mulai kokolak. Boema Yesus fen leo inan neu.

LUKAS 7:17

Halak la'eneu Yesus ia, ana sipela leo basa Yudea lala'ena, ma nusa titia-tatai nala.