LUKAS 6:8 - Susula Malalaok Hehelu Palak Ma Hehelu Beuk

⁸ Tehu Yesus bubuluk sila dudu'a nala. Boema nafa'da hataholi lima mate seselik ndia nae, “Mai mapadeik mai mata ia.” Hataholi ndia fo'a boema neu napadeik neu ndia.

LUKAS 6:8 Referans Kwoze

NINITAK 2:23

Neukose Au taoisa la'iesak hataholi manatunga nala boe, fo ela basa salani kala lame'da lae, Au nde Ndia fo manabubuluk hataholi daebafa ka dudu'a-aafin ma dale nala. Neukose Au balas emi tunga emi esa-esak tatao-nono'in.

MATEOS 9:4

Yesus bubuluk mesen sila la dale nala, de nafa'das nae, “Te tao le'e de emi mape'da dudu'a-aafi mangalauk leondia ka?

1 PETRUS 4:1

Hu ka nde Kristus doidoso tunga ao paa ka so, de emi muse tao matetea dale mala no namahehele leondia ka. Nanahu hataholi fo ana doidoso tunga ao paa ka, soona ana ta tao sala-singok so'on.

IBRANI 4:13

Ta hapu mahahaek esa boen, fo nanafunik neme Manetualain mata memete na mai fa. Basan lala'ena makaholak ma nanabukak nai mata na. Hu ndia de, ita muse fe natataak neun.

FILIPI 1:28

Ela leo bee na, emi mapalani tataas esa, boso bii emi musu noo mala. No enok ndia, emi hapu matu'dus mae, neukose sila kala ma emi sengi, nana sesengik ndia, ana mai neme Manetualain mai.

HATAHOLI 26:26

Ama Mane Agripa boeo malelak matalolole dede'ak sila la. Hu ndia de, au apalani kokolak dede'ak sila la nai Ama Manek matan no mangale'dok. Au amahele, Ama Manek malelak basa dede'ak sila la so, nana basa sila la ta da'di nai mamana nafunik fa.

HATAHOLI 20:24

Tehu au ta afaduli au so'dang ia fa, sa'di au tao akababasak bela-ba'uk fo Lamatuak Yesus fen neu au a, ma sa'di au lilineka losa au so'da mate'e nga, fo daenga au tui-benga Hala Malole la'eneu Manetualain susue-lalai na.

YOHANIS 21:17

Yesus natanen neu kala'i telu na nae, “Simon, fo Yona anan, ade o sue-lai Au do ta?” Boema Petrus dale na he'di sa, nana Yesus natanen losa la'i telu, Boema Petrus nataa seluk nae, “Lamatuak, Lamatua ka bubuluk basa hata lala'ena. Lamatua ka bubuluk, au sue-lai Lamatua ka!” Boema Yesus nafa'dan nae, “Makaboboi Au bi'ilopo ngala.

YOHANIS 9:4

Nai fai lele'do na soona, ita tao-no'i Ndia fo manamadenu Au a, tatao-nono'in. Nanahu nai fai le'odae na, hataholi a ta tao-no'i so'on.

YOHANIS 2:25

Ta paluu hataholi nafa'da mangalele'do hataholi esa boen, la'eneu Yesus fa, nana Ana bubuluk basa hataholi daebafa ka dale na so.

LUKAS 5:22

Yesus bubuluk sila dudu'a natatane nala. Hu ndia de nafa'da nae, “Tao le'e de, emi tane-tane leondiak nai emi dalem dale?

YESAYA 42:4

dalen-na ta naba'e, do ketu namahehenan-na fa, losa ndoos ma matetuk-ka, napadeik natetu nai daebafak-ka. Nusa dook-kala, lahiik nanolin-na.”

MAZMUR 44:21

Leounik-ka, ami ta sene-do'ok seluk neu Manetualain fa, te ami hule-haladoi neu lamatua daebafak fa'ek soona,

1 TAWARIKH 29:17

Au bubuluk O fola hataholi-a esa-esak dalen ma O mahiik hataholi fo dalen-na isik. No dalek-katematuak ma dalen-namahokok, au fe basa ia-la neu O. Au sakasii basa, tao leo beek de O anam fo manamakabubuak manai ia-la leni fe O sila tutunu-hohotun no dalek-katematuak.

1 TAWARIKH 28:9

Boema Dauk nafa'da Salomo nae, “Anang-ngonei, ela leo been-na Manetualain fo o amam sene-do'ok-ka, o sipok-kana da'di leo o Manetualaim. O muse mamahele neun no dalek-katematuak ma dale ndoos. Nana Ana bubuluk basa ita dudu'a-aafin ma ita dale hihiin-na. Metema o sangan soona, neukose o hapun, tehu metema o la'oelan soona, neukose Ana ta sipok o losa dodoon-na fa.

LUKAS 6:9

Basa boema Yesus natane hataholi manai sila la nae, “Tunga agama hoholo-lalanen soona, ita bole tao hata nai fai Saba ta? Tao malole do tao mangalauk? Tao taso'da hataholi do tao susa-soen?”

MARKUS 3:3

Boema Yesus nafa'da hataholi fo liman seli mates ndia nae, “Mai mapadeik mai mata ia.”

LUKAS 13:12

Lelek fo Yesus mete nitan boema, Ana bou kana nae, “Ina, lea-hai meme o he'di ma mai leona!”