Biblia Todo Logo
Bib sou entènèt

- Piblisite -




LUKAS 3:5 - Susula Malalaok Hehelu Palak Ma Hehelu Beuk

5 Masadokek lala'ena, ela leo bee na nanapo'ak, basa lete kala ma pupuku kala, tao matetus. Enok fo mana dopelele'u kala, ela leo bee na tao mamandoos, ma enok fo mana loe-nda'e kala, tao matetus.

Gade chapit la Kopi




LUKAS 3:5
11 Referans Kwoze  

Neukose Au hela-nole Au leoinang pokek-kala tunga enok fo, ala ta bubuluk-kana fa; Neukose Au hela-noles lai enok fo, ta lalelak-kana fa. Au tao-a makahatuk-ka, da'di mangale'dok ba'eneus, ma Au tao atetu eno manapeko-pakik-kala. Ndia nde, neukose Au taon ba'eneus, de tao leo bee-o, neukose Au tao atetun.


Muse po'a ketu basa bafak-kala, tao natetu letek ma pupukuk-kala. Dae mapupukuk-ka, neukose ana da'di matetuk, ma manapeko-pakik-ka, neukose ana da'di ndoos.


Neukose Au tao enok, tunga letelepak-ka, neukose, Au tao atetetu Au akofoong-nga.


“Neukose Au sadia enok, ba'eneu o; Neukose Au tao atetu letek ma pupukuk-kala, neukose Au heaba'e lelesu liti-la, ma Au helula'di besi betubalan-nala.


Basa ai manai nusak-ka, neukose ala bubuluk, lae Au nde, Manetualain-na. Au lo'oheni ai mademaina-la, Au fe ai kaba'ok-kala lamadema. Ai maso'dak-ka, Au fen namatuu ma ai tuuk-ka, Au fen nanupu fo nakapela. Au fo Manetualain, kokolak basa so, de basa Au hala-kokolang lala'en-na, neukose nanatao natetuk.”


Hataholi kamahehele nuu ta-hata ta ka, ela leo bee na namahoko, metema Manetualain so'u namadedeman.


Swiv nou:

Piblisite


Piblisite