LUKAS 23:4 - Susula Malalaok Hehelu Palak Ma Hehelu Beuk

⁴ Boema Pilatus nafa'da malanga ima mala ma hataholi makadotok sila la nae, “Au ta hapu Hataholi ia salan faanak boen soaneu huku fan.”

LUKAS 23:4 Referans Kwoze

YOHANIS 18:38

Boema Pilatus natanen nae, “Ndoos ndia, sosoa na nae leo bee?” Boema Pilatus leo deak mai seluk de nafa'da hataholi Yahudi la nae, “Au ta hapu hataholi ia salan esa boen.

1 PETRUS 2:22

Ana beita tao nita salak, ma beita hapu hataholi namanenen, nasapepeko-nasandandali fa.

1 PETRUS 1:19

tehu nanabaek ninik hata esa beli na seli, fo nde Kristu saoina na, fo Ana da'dileo bi'ilopo masalak ma hina-dila tak, fo nanatunu-hotuk soaneu Manetualain.

LUKAS 23:22

Boema soaneu kala'i telu na Pilatus nalos nae, “Tehu Ana tao sala beek? Au ta hapu salan esa boen fo nandaa hukun ninik huhuku mamates fa! De neukose ka'da au filu kana fo au po'in.”

MARKUS 15:14

Boema Pilatus nae, “Tehu ana tao mangalau bee ka?” Boema ala eki lapane'e seluk lae, “Lona-nggangen!”

1 PETRUS 3:18

Nanahu Kristus mate ka'da la'i esa mesa kana, losa dodoo na. Hu ka nde hataholi daebafa ka sala-singon de hataholi sala tak esa, Ana mate soaneu hataholi masala-masingo ka. Kristus tao-no'i basa sila la, fo ela Ana hapu hela-nole emi leo Manetualain mai. Ala tao lisan tunga ao paa ka, tehu nanatao naso'da falik tunga samane ka.

IBRANI 7:26

Da'di Yesus ndia nde Imam Matua Ina fo ita paluu ka. Yesus malalao-malalafuk. Ta hapu salak do sala-singok faa anak boen nai Yesus fa. Yesus fe'ek neme hataholi masala-masingo kala mai, ma nanaso'uk losa mamanak fo dema lenaheni lalai lala'ena.

MATEOS 27:19

Nai lelek fo Pilatus bei nangatuuk nai kandela paletan lain te, saoina na nadenu hataholi neu nafa'dan nae, “Boso mu sese'dok nai hataholi sala tak ndia dede'a na dalek, nana hu ka nde Hataholi ndia de, le'odae ka au alame'i me'is esa, nini bibii-namata'u matua ina.”

HATAHOLI 3:13

Manetualain fo Abraham, Isak, ma Yakob sene do'o ka nde bee na ita bei ba'ikai nala Manetualain. Manetualain ndia namatutua-namadedema basa Ata na, fo nde Yesus Kristus. Yesus Kristus ndia nde emi fe henin leo mana koasa la neu, boema emi la'ba nana nai Pilatus matan, nai lelek fo Pilatus ana sanga po'i nana.

HATAHOLI 25:25

Tehu au ta hapu hataholi ia tao salak hata esa boen fo nandaa huku nisa fan. Ma hu ka nde noke aon fo Kese la mana maketu-mala'di nala nde laketu dede'a na de aketu basa, haituan leo Kese la neu.